Oʻzbekiston Xalq demokratik partiyasi

⁉️ «Eskrou» tizimining asosiy shartlari qanday?

Prezidentimizning «Uy-joy qurilishi sohasini yanada rivojlantirish, turar va noturar ko‘chmas mulklarni ulush kiritish asosida qurish jarayonini tartibga solish mexanizmlarini takomillashtirish to‘g‘risida»gi Farmoni asosida qurilishga ulushdorlarning mablag‘larini jalb qilish joriy yil 1-iyuldan 31-dekabrgacha «eskrou» hisobvaraqlari orqali hamda hozirda amalda bo‘lgan ulushli ishtirok etish tartibida to‘g‘ridan to‘g‘ri jalb qilish mexanizmi bo‘yicha parallel ravishda taraflarning tanloviga ko‘ra, shuningdek, mablag‘larni jalb qilish 2026-yil 1-yanvardan faqat «eskrou» hisobvaraqlari orqali amalga oshiriladi.

Foydalanishga topshirilmagan obyektga quruvchi ulushdorlarning mablag‘larini faqat notarial tasdiqlangan va kadastrda davlat ro‘yxatidan o‘tkazilgan ulushli shartnoma bo‘yicha jalb qiladi. Ulushli shartnoma bo‘yicha talab qilish huquqlari boshqa shaxsga o‘tkazishga (sotishga), ulushdorning merosi tarkibiga kiritishga va garov predmeti sifatida qabul qilishga yo‘l qo‘yiladi.

Ulushli shartnoma bo‘yicha mablag‘lar vakolatli tijorat bankida ochilgan «eskrou» hisobvarag‘iga ularning hisobini yuritish uchun joylashtiriladi va deponentlanadi. Ulushdor va quruvchining uchinchi shaxslar oldidagi majburiyatlari yuzasidan «eskrou»dagi mablag‘larni xatlash yoki hisobdan chiqarishga yo‘l qo‘yilmaydi.

Obyektni qurish ishlarini moliyalashtirish quruvchining o‘z mablag‘lari (birinchi bosqichda 30%) va banklar tomonidan loyihaviy moliyalashtirish mexanizmi orqali amalga oshiriladi. Quruvchilarga ajratiladigan kreditlarning foiz stavkasi «eskrou»dagi mablag‘lar hajmidan kelib chiqib, belgilanadi va «eskrou»da mablag‘lar ko‘payishi natijasida kredit foiz stavkasi pasayib boradi.

Qurilgan obyekt foydalanishga topshirilganidan so‘ng «eskrou»dagi mablag‘lar bank tomonidan quruvchining qurilish uchun ajratilgan kreditini so‘ndirish uchun va qolgan qismi quruvchiga o‘tkazib beriladi. Quruvchi uylarni dalolatnomaga asosan ulushdorlarga topshiradi va ulushdorning uyga bo‘lgan mulk huquqi davlat ro‘yxatidan o‘tkaziladi. Qurilishi o‘z vaqtida tugallanmagan taqdirda har bir kechikkan kun uchun jarimalar joriy qilinadi va shartnoma yuzasidan muddatlar faqat ulushdorning roziligini olgan holda uzaytiriladi. Obyektni foydalanishga topshirish muddati olti oydan oshsa, ulushdor shartnomani bir tomonlama bekor qilib, «eskrou»dagi mablag‘larini olib ketishi mumkin. Mazkur tartibga javob bermaydigan boshqa shartnomalarni tuzish orqali foydalanishga topshirilmagan obyekt qurilishiga ulushdorlarning pulini jalb qilish taqiqlanmoqda.

Albatta, «eskrou» tizimi – davr talabi. Bu uy-joy xaridorlarini himoya qilishda muhim ahamiyatga ega. 2025-yil 1-iyuldan 2025-yil 31-dekabrga qadar amaldagi tizim bilan «eskrou» tizimi parallel ravishda, taraflarning tanloviga ko‘ra, 2026-yil 1-yanvardan boshlab faqat «eskrou» hisobvaraqlari orqali amalga oshiriladi...

Shokirjon AHMEDOV,
Oliy Majlis Qonunchilik palatasi deputati,
O‘zXDP fraksiyasi a’zosi.
___
🌐 XDP.uz
👉Telegram|Facebook|Youtube|Instagram|Twitter

❗️ Inson omili hisobga olinmagan islohot tezda barbod bo‘ladi

Tadbirkorlik sohasidagi islohotlar aholi manfaatlariga xizmat qiladi. Chunki bu orqali yangi ish o‘rni yaratiladi, odamlarning daromadi oshadi. Bu esa jamiyat taraqqiyotiga hissa qo‘shadi. Biroq soliq sohasidagi huquqbuzarliklarning oldini olish, soliq ma’muriyatchiligidagi kamchiliklar budjet daromadlari barqarorligini ta’minlashga, raqobat muhitini rivojlantirishga salbiy ta’sir ko‘rsatmoqda. Natijada qonunchilikka qo‘shimchalar kiritishga ehtiyoj tug‘ilmoqda.

✅ Shundan kelib chiqib, yangi qonun loyihasi bilan soliq sohasidagi huquqbuzarliklar uchun javobgarlikni kuchaytirish, soliqlar yoki yig‘imlarni to‘lashdan bo‘yin tovlaganlik uchun javobgarlikni mustahkamlashga qaratilgan huquqiy normalar aks ettirilmoqda. Deputatlar sudga qadar va sud muhokamasi davomida yetkazilgan zarar to‘liq qoplangan taqdirda javobgarlikdan ozod qilishga doir qo‘shimchani ma’qulladi. Bundan tashqari, vakolatli organlarning tergovga qadar tekshiruv harakatlarini amalga oshirish hamda ma’muriy huquqbuzarliklarni ko‘rib chiqish bilan bog‘liq vakolatlarini aniqlashtirishni nazarda tutuvchi me’yor ham o‘rinli ekani ta’kidlandi.

👆 O‘zbekiston XDP fraksiyasi yig‘ilishida deputatlar asosiy masala soliqlar olish yoki oshirish emasligini ta’kidladi.

Xususan, Imomnazar Tursunov bu yerda har bir tadbirkorning iqtisodiy erkinligini ta’minlash orqali ularning qonuniy faoliyatiga keng imkoniyatlar yaratib berish mexanizmlarini kuchaytirishga ko‘proq urg‘u berish kerakligini ta’kidladi. Zero, «inson omili hisobga olinmagan islohot tezda barbod bo‘ladi», — dedi Imomnazar Tursunov o‘z so‘zi yakunida...

___
🌐 XDP.uz
👉Telegram|Facebook|Youtube|Instagram|Twitter

O‘zimiz o‘ylab topgan “udum”larga qurbon bo‘layotgan oilalar

Oramizda faqat yaqin qarindoshlarigagina qiz berib, qiz olishni istaydiganlar yo‘q emas. Ammo o‘zimiz o‘ylab topgan “udum”lar necha-necha taqdirlar, oilalarning barbod bo‘lishiga, qarindoshlarning yuz ko‘rmas bo‘lib ketishiga olib kelayotganini, qancha murg‘ak go‘dak nogironlikka mubtalo bo‘layotganini unutmaylik.

Yaqinda “O‘zbekiston – 2030” strategiyasini “Atrof-muhitni asrash va “yashil” iqtisodiyot yili”da amalga oshirish bo‘yicha Davlat dasturiga yaqin qarindoshlar o‘rtasidagi nikohlarning salbiy oqibatlari to‘g‘risida roliklar, ko‘rsatuvlar tayyorlash va ularni ijtimoiy tarmoqlar hamda ommaviy axborot vositalarida berib borishni yo‘lga qo‘yish taklifini bergandim. Loyihaning 4-ilovasida yaqin qarindoshlar va erta nikohlarning oldini olish mavzulariga qaratilgan targ‘ibot materiallarini tayyorlash va ularni ommaviy axborot vositalarida keng tarqatish masalasi o‘rin oldi. Bundan juda quvondim.

Men hayotiy tajribamda buning bir necha bor guvohi bo‘lganman, yaqin qarindoshlar o‘rtasida dunyoga kelgan farzandlarning o‘zlashtirishi va fikrlashi ancha orqada bo‘ladi. Bu kabi hayotiy keyslar tahlil qilinganida, ularning sog‘ligida ham muammolar borligi oydinlashadi. Eng achinarlisi, bir-biriga qarindosh bo‘lgan ota-onadan ba’zi hollarda nogironligi bor farzandlarning dunyoga kelishidir. Bunday bolaga qarab, umr bo‘yi kishi o‘zini aybdor his qilib, vijdon azobida qiynalib yashashdan og‘iri yo‘q...

Mavjuda Hasanova,
O‘zXDP Markaziy Kengashi boshqarma boshlig‘i.
___
🌐 XDP.uz
👉Telegram|Facebook|Youtube|Instagram|Twitter

📰  «Xalq so‘zi» gazetasida O‘zbekiston XDP Markaziy Kengashi raisi, Oliy Majlis Qonunchilik palatasidagi partiya fraksiyasi rahbari Ulug‘bek INOYATOVning O‘zbekiston Respublikasi Prezidenti Sh.Mirziyoyevning Malayziyaga rasmiy tashrifi munosabati bilan «Samarali muzokaralarga boy tashrif» sarlavhali maqolasi chop etildi
___
🌐 XDP.uz
👉Telegram|Facebook|Youtube|Instagram|Twitter

#Munosabat

O‘zbekiston-Malayziya:
rivojlanishning yangi bosqichida

O‘zbekiston xalqni, davlatning manfaatidan kelib chiqib, qaysi davlat bilan ikki tomonlama hamkorlikni rivojlantirishga imkoniyatlar bo‘lsa, mana shu imkoniyatlardan juda faol foydalanib, dunyoning turli chekkalaridagi mamlakatlar bilan, turli masalalarda hamkorlikni yo‘lga qo‘yib kelmoqda.

👆 O‘zbekiston Respublikasi Prezidenti Sh.Mirziyoyevning Malayziyaga rasmiy tashrifi davomida, iqtisodiyot, madaniyat, energetika, ta’lim va raqamli texnologiyalar sohalari hamda “yashil iqtisodiyot”ni rivojlantirishni yangi bosqichga olib chiqishda, ushbu tashrif samarali huquqiy bazani shakllantirishga imkoniyat yaratdi.

Malayziya O‘zbekistonning muhim innovatsion va texnologik hamkoridir. Tashrif davomida O‘zbekiston-Malayziya iqtisodiy hamkorligi yangi modelining ustuvor yo‘nalishlari belgilab olindi. Bular – neft-kimyo va kimyo, elektronika va yarimo‘tkazgichlar sanoati, innovatsion sanoat, "aqlli" qishloq xo‘jaligi, "yashil" energetika, ziyorat turizmi va boshqalardan iborat.

👆 Yetakchilar tomonidan 2025-2026-yillarni O‘zbekiston-Malayziya sherikligini innovatsion rivojlantirish davri deb e’lon qilinishi, yurtimizda investitsiya loyihalarini amalga oshirishga imkoniyat beradi. Buning natijasida ko‘plab yangi ish o‘rinlari yaratiladi...

Dilbar Mamadjanova,
Oliy Majlis Qonunchilik palatasi deputati,
O‘zXDP fraksiyasi a’zosi.
___
🌐 XDP.uz
👉Telegram|Facebook|Youtube|Instagram|Twitter

⁉️ Iste’molchilarning huquqlari ortyaptimi?

Oliy Majlis Qonunchilik palatasining navbatdagi majlisida iste’molchilarning huquqlarini himoya qilishga qaratilgan yangi qonun loyihasi ikkinchi o‘qishda moddama-modda ko‘rib chiqildi.

👆 Avvalroq O‘zbekiston XDP fraksiyasi yig‘ilishida muhokama qilingan loyihaga ko‘ra, sotuvchi iste’molchiga shartnomada ko‘rsatilgan muddatlarda tovarni topshirmagan taqdirda, majburiyatning bajarilmagan qismiga penya to‘lashi nazarda tutilmoqda. Bunda penya summasi yetkazib berilmagan tovarlar bahosidan ortiq bo‘lmasligi, penyani to‘lash shartnoma majburiyatlarini buzgan sotuvchi tovarlarni yetkazib berish muddatlarini kechiktirib yuborish, to‘liq yetkazib bermaslik oqibatidagi zararni qoplashdan ozod etilmasligi belgilanyapti.

✅ Bundan tashqari, sotuvchi tovarlarni iste’molchiga topshirishning kechikishi iste’molchining aybi bilan sodir bo‘lganligini isbotlasa, penya to‘lashdan ozod etilishi ko‘zda tutilmoqda.

🔹 Anvarxon Temirov ancha tashabbuslar ilgari surilganiga qaramasdan, amaldagi qonunlarda sotuvchilar tomonidan jismoniy shaxs bo‘lgan iste’molchilarga tovarlarni kelishilgan muddatlarda yetkazib bermaganlik uchun javobgarlik hali ham mavjud emasligini ta’kidladi.

🔹 Shuningdek, deputat Zuhra Shodiyeva so‘nggi paytlarda ijtimoiy tarmoqlarda aldov va firibgarlik yo‘li bilan fuqarolarni «chuv tushirish» holatlari avj olganligini, iste’molchilarning huquqlarini himoya qilish borasida mutasaddi tashkilotlarning harakatga kelishi sekin-astalik bilan ketayotganini aytib o‘tdi...

___
🌐 XDP.uz
👉Telegram|Facebook|Youtube|Instagram|Twitter

❗️ Deputat so‘rovi natija berdi

Xalq deputatlari Toshkent viloyati Kengashidagi O‘zbekiston XDP guruhi a’zosi Muhsiddin Nizomiddinov hamda partiya Markaziy Kengashi xodimi Bahodir Kamolov Parkent tumanidagi 22-maktab faollari bilan uchrashdi. Saylovchilar hududda yechimini kutayotgan muhim masalada murojaat qildi.

❗️ Gap shundaki, 2024-2025-o‘quv yilining 1-yarmida maktab o‘quvchilari ishtirokida 2 ta yo‘l-transport hodisasi sodir bo‘lgan. Unda o‘quvchilar jarohat olgan olib, ma’lum bir muddat maktabga qatnay olmagan. Avtohalokat sodir bo‘lishining sababi esa yo‘lning qatnov qismi piyodalar uchun xavfsiz emas, tartibga solishga ehtiyoj bor. Ayrim haydovchilar esa bolalar ko‘p bo‘lishiga qaramay, mazkur hududda tezlikni pasaytirish haqida o‘ylamaydi. Shu sababli tezlikni cheklash uchun yo‘l belgilari va maxsus texnik vositasi bilan ta’minlash lozim.

✅ Deputat hamda faollar yo‘l-transport hodisasi sodir bo‘lgan joyni ko‘zdan kechirdi. Kelgusida bunday holatlarning oldini olish uchun deputat so‘rovi yuboriladigan bo‘ldi. Tez fursatda amaliy ishlar boshlandi.

Shuningdek, bunday holat 58-maktab o‘quvchilari bilan ham ro‘y bergani aytildi va muassasa joylashgan yo‘lning qatnov qismi o‘rganildi. Umumiy ma’lumotlar yig‘ilib mas’ul tashkilotlarga deputatlik so‘rovi chiqarildi.

✅ Shu kuni M.Nizomiddinov "Bozorboshi" MFYdan yo‘llangan murojaatni ham o‘rganish uchun bir guruh faollar bilan uchrashdi...
___
🌐 XDP.uz
👉Telegram|Facebook|Youtube|Instagram|Twitter

Parlament va hukumat o‘rtasidagi munosabat

Ma’lumki, deputatga berilgan vakolatlar orasida deputatlik so‘rovi alohida ahamiyatga ega. Negaki, unda ko‘tarilayotgan har bir masala ortida, eng avvalo, inson taqdiri, ko‘pchilikning manfaatlari turadi.

Xo‘sh, saylovchi deputatga qachon murojaat qiladi? Qachonki, fuqaroni qaysidir masala o‘ylantirsa, qachonki biror hududda aholi qaysidir muammo yechimini hal etishda qiyinchilikka uchrayotgan bo‘lsa, qaysidir tashkilot odamlarning arz-dodiga quloq tutmayotganida saylovchilar o‘zlari saylagan deputat eshigini taqillatadi yoki unga sim qoqadi. Ba’zi masalalar yo‘l-yo‘lakay hal etilsa, ayrimlari yuqori tashkilotlar aralashuvi va davlat dasturlari bilan bog‘lanadi. Bunda albatta deputatning vakolati, maqomi ish beradi, ko‘magi zarur bo‘ladi. Har bir murojaatchi deputatga umid bilan yuzlanadi, ayrimlarining esa so‘nggi chorasi ham shu bo‘ladi.

Demak, deputatlik vakolati doirasida har bir masalaga jiddiy qarashimiz kerak. Albatta, bu ishlarning boshida odamlarga samimiy hurmat, xalqqa xizmat qilishdek katta saodat turibdi.

Faoliyatimiz haqida to‘xtaladigan bo‘lsak, o‘tgan yili fraksiyamiz taklifiga ko‘ra, saylovchilarni o‘ylantirib kelayotgan muammolarni hal etish maqsadida davlat va xo‘jalik boshqaruvi organlarining mansabdor shaxslariga jami 2 ta «parlament so‘rovi» yuborildi...

Anvarxon Temirov,
Oliy Majlis Qonunchilik palatasidagi
O‘zXDP fraksiyasi a’zosi.
___
🌐 XDP.uz
👉Telegram|Facebook|Youtube|Instagram|Twitter