Axborot Resurs Markazi💡 | Информационно ресурсный центр

12-mart kuni Axborot-resurs markazi va Ingliz filologiyasi fakulteti hamkorligida "Kitobxonlik targ‘iboti" haftaligi doirasida davra suhbati tashkil etildi. Suhbatda Ingliz filologiyasi fakulteti Ingliz tili amaliy aspektlari kafedrasi dotsenti v.b., f.f.f.d., PhD N.A. Rasulova ishtirok etdi.

Suhbat davomida N.A. Rasulova o‘zining ilmiy faoliyati, erishgan yutuqlari va yozgan kitoblari haqida so‘zlab berdi. Shuningdek, u talabalarni ilmiy tadqiqot ishlariga jalb etib, foydali maslahatlar bilan o‘rtoqlashdi.

Suhbat qizg‘in munozaralar bilan o‘tdi, talabalar o‘zlarini qiziqtirgan savollarini berdilar.

Tadbirda Prezident granti sovrindori, 3-kurs talabasi M. Homroyeva ham ishtirok etib, ilmiy maqolalar yozish va grant dasturlarida qatnashish bo‘yicha tajribasi bilan o‘rtoqlashdi.

Shu kabi tadbirlarning tashkil etilishi talabalar ilmiy salohiyatining oshishiga hamda ularning ilm-fan sohasida faol ishtirok etishiga katta turtki bo‘ladi.

11-mart kuni Ingliz filologiyasi fakulteti va Axborot-resurs markazi hamkorligida "Kitobxonlik targ‘iboti" haftaligi doirasida ARM bo‘lim mudiri M. Muxamedjonova, Ingliz filologiyasi fakulteti tyutori D. Adilova va talabalar ishtirokida "Ochiq muloqot" bo‘lib o‘tdi.

Muloqot davomida M. Muxamedjonova kutubxonada mavjud adabiyotlar, ARM Web-sayti, ARM Telegram kanali, Scopus ilmiy maqolalar bazasi, IRBIS-64 hamda UniLibrary yagona elektron kutubxona axborot tizimi haqida ma’lumot berdi. Shuningdek, talabalarga kutubxonadan samarali foydalanish bo‘yicha tavsiyalar berildi.

Talabalar kutubxonada jahon adabiyoti namoyandalarining o‘zbek tiliga tarjima qilingan asarlari, shuningdek, badiiy va zamonaviy ilmiy adabiyotlar yanada ko‘proq bo‘lishi zarurligini ta’kidladilar.

🔹10-mart kuni OʻzDJTU Ingliz tili uchinchi fakultetida tyutor S.Muxitdinova 2201 guruh talabalari bilan Ijodiy kecha oʻtkazdi.

🔰Bundan asosiy maqsad talabalar iqtidorini namoyon etish va sheʼriyatga boʻlgan qiziqishini yanada oshirish boʻldi

♻️Tadbirda talabalar oʻzlari yozgan va sevib yod olgan sheʼrlarini aytdi. Talabar ushbu tadbirda maroqlanib oʻz minnatdorchiligini bildirdi.

2025-yil 4–5-mart kunlari universitetning asosiy binosida, 6–7-mart kunlari esa Ingliz, Sharq, Roman-german filologiyalari fakultetlarida "Yangi asr avlodi" nashriyoti bilan hamkorlikda yoshlarning ma'naviyatini yuksaltirish va ular o‘rtasida kitobxonlikni keng targ‘ib qilish maqsadida "Kitob ko‘rgazma-savdo yarmarkalari" o‘tkazilmoqda.

Yarmarkada kitobxonlar uchun o‘zbek va jahon adabiyotining durdonalaridan badiiy adabiyotlar taqdim etilmoqda.

💐 8-mart – Xalqaro xotin-qizlar bayrami munosabati bilan barcha fakultet Axborot-resurs markazlarida "Sen aziz va muqaddassan, ayol!" nomli ko'rgazmalar tashkil etildi va bayram tadbirlari o'tkazildi.

Ayol – nafosat, latofat va sadoqat timsolidir. Ona farzandini dunyoga keltirib, uni mukammal inson bo‘lib yetishgunicha barcha mashaqqatlarga bardosh beradi. Olamni munavvar aylagan, mehr va muhabbat manbai bo‘lgan zot – bu Ona!

Tadbirda talabalarimiz ayol ustozlarimizni bayram bilan samimiy qutlashdi. Ular o‘zlarining ijodiy chiqishlari bilan barchaga ko‘tarinki kayfiyat ulashib, ustozlarga hurmat va ehtiromlarini izhor etdilar. Shuningdek, tadbir davomida ayollarga atab she’rlar o‘qildi, qo‘shiqlar aytildi va iliq tilaklar bildirildi. Tadbirda kutubxona xodimlari ham faol ishtirok etib, o‘zlarining ehtiromlarini izhor etdilar.

Bayram barchaga quvonch va iliqlik ulashdi!

📓Siyosiy fanlar doktori, professor, faylasuf olim Jo'rayev Narzulla Qosimovich Rus filologiyasi fakulteti Axborot-resurs markaziga tashrif buyurdi.

✒️ Bu yerda professor Jo'rayev o‘z qalamiga mansub “O‘zbekiston tarixi”, “Tarix falsafasining nazariy asoslari”, “Tarix falsafasi”, “Taxayyul, tasavvur, tafakkur” kabi kitoblari haqida so‘z yuritib, ularning ilmiy va amaliy ahamiyatiga alohida to‘xtaldi.

📖Ustoz talabalar bilan ochiq muloqot qilib, ularning savollariga javob berdi hamda falsafa va tarix ilmining dolzarb masalalari bo‘yicha fikr almashdi. Uchrashuv davomida u o‘z kitoblarining kelajak avlod ilmiy izlanishlariga qo‘shadigan hissasi haqida ham so‘z yuritdi.