Axborot Resurs Markazi💡 | Информационно ресурсный центр

⚡️Prezidentimiz 2025-yilni  “Atrof-muhitni asrash va “yashil” iqtisodiyot yili” deb eʼlon qilishni taklif qildi

El-yurtimizning fikr-mulohazalari, xohish-istaklarini atroflicha oʻrganib, bildirilgan tavsiyalardan kelib chiqqan holda, bu boradagi ishlarni yangi, yanada yuksak bosqichga koʻtarish maqsadida Prezidentimiz 2025-yilni yurtimizda “Atrof-muhitni asrash va “yashil” iqtisodiyot yili” deb eʼlon qilishni taklif qildi.

Yigʻilganlar ushbu tashabbusni toʻliq qoʻllab-quvvatladilar.

Hukumat yil nomida belgilangan eng muhim vazifalar boʻyicha davlat dasturini ishlab chiqishi belgilandi.

15-noyabr kuni Axborot-resurs markazining barcha o'quv zallarida "Millatlararo totuvlik va bag'rikenglik - umrboqiy qadriyatlar" mavzusida maxsus ko'rgazmalar tashkil etildi.

Mazkur ko'rgazmaning asosiy maqsadi - yoshlarimizda millatlararo totuvlik, bag'rikenglik va do'stlik tuyg'ularini yanada mustahkamlash, ularda Vatanga muhabbat va sadoqat tuyg'ularini kuchaytirish hamda milliy va umuminsoniy qadriyatlarga hurmat ruhini shakllantirishdan iborat.

Ko'rgazmada O'zbekistonda millatlararo totuvlikni ta'minlash borasida amalga oshirilayotgan islohotlar, turli millat vakillari uchun yaratilgan imkoniyatlar, shuningdek, xorijiy mamlakatlar bilan madaniy-ma'rifiy aloqalarga oid kitoblar, ilmiy maqolalar va davriy nashrlar namoyish etildi.

Ushbu ko'rgazma yoshlarimizda vatanparvarlik, insonparvarlik va bag'rikenglik kabi olijanob fazilatlarni yanada mustahkamlashga xizmat qiladi.

#yangiliklar #ko'rgazma #millatlarotuvligi #yoshlar #talabalar

"O'zbekiston Bayrog'i - Mustaqillik Ramzi"🇺🇿🇺🇿🇺🇿
18-noyabr O'zbekiston Respublikasining Davlat bayrog'i qabul qilingan kuning 33-yilligi munosabati bilan Axborot-resurs markazining barcha o'quv zallarida maxsus ko'rgazmalar tashkil etildi.
O'zbekiston Respublikasi Davlat bayrog'i xalqimizning boy tarixi, jasoratlari va kelajakka bo'lgan ulkan intilishlarining yorqin ramzidir. Ushbu muqaddas ramz O'zbekiston xalqining mustaqillik va davlatchilik g'oyalarini ifodalaydi.
Ko'rgazma doirasida bayroqning tarixiy asoslari, uning yoshlar qalbidagi ma'navi ahamiyati, davlatimizning mustaqillik ramzi sifatidagi o'rni haqida keng ma'lumotlar namoyish etildi.
O'zbekiston bayrog'i har doim tinchilik, birdamlik va mustaqillikning eng oliy timsoli bo'lib qolsin!
#DavlatBayrog'i #O'zbekistonMustaqilligi #MustaqillikRamzi

15-noyabr kuni Sharq filologiyasi fakulteti bilan Axborot-resurs markazi hamkorligida "Kitobxonlik targ'iboti haftaligi"da tyutor Z. Ibrohimova va 1-kurs talabalari ishtirokida Xitoy filologiyasi dotsenti Liu Xue Mei va o'qituvchi G. Ro'zimova bilan uchrashuv bo'lib o'tdi.
Uchrashuvda Liu Xue Mei o'z hayoti, ijodi, erishgan yutuqlari haqida gapirdi. Talabalarning 1-kursdan boshlab bilimiga qarab guruhlarga bo'linishi, darajasiga qarab yig'ilgan guruhlar har xil talabalar bilan o'qiganda ularning dunyoqarashi o'zgarishi, bilimlari yanada oshishi to'g'risida aytib o'tdi. HSK-4 darajali sertifikati bo'lgan talabalar Xitoyning xohlagan universitetida o'qish imkoniyatiga ega ekanligi haqida gapirdi.
Uchrashuv davomida talabalar o'zlarini qiziqtirgan savollarni berib, kerakli javoblar oldilar. Uchrashuv so'ngida mehmonlarga Axborot-resurs markazi tomonidan badiiy adabiyotlar sovg'a qilindi.

13-noyabr "Kitobxonlik targ'iboti haftaligi"da Axborot-resurs markazida Sharq filologiyasi fakulteti tyutori D. Nurullaev va 1-3-bosqich talabalari bilan birgalikda mashhur ingliz yozuvchisi, jurnalist, jamoat arbobi Jek Londonning "Martin Iden" asari yuzasidan davra suhbati o'tkazildi.
Suhbatda tyutor D. Nurullaev yozuvchining hayoti, ijodi, yozgan asarlari haqida talabalarga qisqacha ma'lumot berib o'tdi. Shundan so'ng talabalar bu asar Martin Iden va u bevosita tanishib qolgan Artur Mors hamda uning sevgilisi Ruf haqida ekanligi, Martin Rufga yoqish uchun harakat qilib bilim olishi, keyinchalik u ilgari o'zi dono deb bilganlarni ham ortda qoldirib ketganligi, inson harakat qilsa, o'qib-o'rgansa, albatta maqsadiga yetishi mumkinligi haqida gapirishdi. Bu asar yoshlarni o'qib-o'rganish, rivojlanish, qiyinchiliklarni yengishga o'rgatadi.
Suhbat so'ngida talabalar shu asar yuzasidan bir-birlariga savollar berib, kerakli javoblar oldilar.

12-noyabr kuni Axborot-resurs markazida "Kitob targ'iboti haftaligi"da Sharq filologiyasi fakulteti tyutori M. Rustamova 1-3-bosqich talabalari bilan birgalikda "Ochiq muloqot" bo'lib o'tdi.
Ochiq muloqot ishtirokchilariga Axborot-resurs markazi direktor o'rinbosari M. Muxamedjonova kutubxonada mavjud adabiyotlar, ARM veb-sayti, ARM telegram kanali, Scopus ilmiy maqolalar bazasi, IRBIS-64 hamda Axborot-resurs markazida yaratilgan sharoitlar haqida ma'lumot berdi, shu bilan birgalikda kutubxonaga yangi kelgan xitoy adabiyotlari bilan talabalarni tanishtirdi.
Ochiq muloqot so'ngida talabalar kutubxona haqida fikr va mulohazalarini bildirishdi.

Xalqaro jurnalistika fakulteti Axborot-resurs markazi kutubxonachisi M. Akromova, ma'naviy-ma'rifiy ishlar bo'yicha dekan muovini D. Xoshimova va 21-05, 21-06-guruh talabalari ishtirokida mashhur ingliz yozuvchisi Ernest Hemingweyning asarlari ko'rgazmasi va taqdimoti bo'lib o'tdi. Ernest Hemingway Amerika adabiyotida XX asrning eng ko'zga ko'ringan yozuvchilaridan biri edi. Uning asarlari o'zbek tiliga ham tarjima qilingan. "Engilmas", "Qotil", "Beshinchi kolonna", "Hech kim hech qachon o'lmaydi", "Tanlangan asarlar" to'plamlari kitobxonlar tomonidan sevib o'qiladi. Taqdimotda yozuvchining "Chol va dengiz" asarining mazmun-mohiyati haqida gapirildi. Bu asarda insonning ulug'ligi, undagi iroda, matonat, odillik va azmu qaroridan qaytmaslik o'zgacha talqinda aks etgan. Yozuvchining barcha asarlari kitobxonlarni insoniylikka, mardlikka, Vatanga sadoqatga chorlaydi.

Kitob - umr yo'llarini yorituvchi so'nmas nur, inson hayotiga mazmun baxsh etuvchi saodat manbai, unga har qanday vaziyatda ham hamroh bo'luvchi sodiq do'st.
12-13 noyabr kunlari Sharq, Ingliz va Roman-german filologiyasi fakulteti binosida "Yangi asr avlodi" nashriyoti tomonidan kitob ko'rgazma-savdosi yarmarkalari tashkil etilmoqda. Yarmarkada asosan o'zbek, rus va ingliz tilidagi badiiy adabiyotlar kitobxonlarga taqdim etilmoqda.