Type to search
Advanced channel search

Продам канал с доходом 138090

Всего за 55 000. Срочно нужны деньги.
img
ad

TGStat Bot

Bot to get channel statistics without leaving Telegram
img
ad

SearcheeBot

Your guide in the world of telegram channels
img
ad

Taʼlim kanali - Rasmiy yangiliklar 🎓

@talim_kanali @uztdi_muallim
Channel's geo and language: Uzbekistan, Uzbek
Category: Education

@Talim_kanali – Ta'lim yangiliklar!
Taʼlimga oid eng so'nggi yangiliklarni shu yerda kuzatib borishingiz mumkin!
👨‍💻 Reklama uchun: @sardor_snz
🤝 Tijoriy hamkorlik: t.me/EduRek/16

Related channels  |  Similar channels
Channel's geo and language
Uzbekistan, Uzbek
Category
Education
Statistics
Is this your channel? Confirm Канал в реестре блогеров РКН? Confirm Channel history
Posts filter

Taʼlim kanali - Rasmiy yangiliklar 🎓

29 Jan, 13:26

Open in Telegram Share Report
Turkiy davlatlar xalqaro universiteti.pdf
2.0Mb
⚡️Turkiy davlatlar xalqaro universiteti nodavlat oliy ta'lim tashkiloti tashkil etiladi

“Turkiy davlatlar xalqaro universitetini tashkil etish to‘g‘risida”gi Prezident qarori (PQ-24-son, 25.01.2025 y.) qabul qilindi.


✅ Qarorga ko‘ra, universitetda muhandislik, qurilish, logistika, axborot texnologiyalari va dasturlash, sog‘liqni saqlash, qishloq xo‘jaligi, oziq-ovqat sanoati hamda iqtisodiy va ijtimoiy soha uchun xalqaro standartlarga muvofiq oliy ma’lumotli kadrlar tayyorlanadi.

Universitet Respublika oliy taʼlim kengashi hamda Turkiya oliy taʼlim kengashining (Turkiya Respublikasi) muassisligidagi nodavlat oliy taʼlim tashkiloti hisoblanadi.

📌 Universitet Toshkent shahri Uchtepa tumani Kichik halqa avtomobil yoʻli koʻchasi 3 va 3a-uy manzillarida joylashgan Toshkent davlat iqtisodiyot universiteti hamda Toshkent soliq texnikumining bino va inshootlarga tekin foydalanish huquqi asosida joylashtiriladi.


💰Universitetda talabalarni o‘qitish to‘lov-kontrakt asosida amalga oshiriladi hamda qabul parametrlari va to‘lov-kontrakt miqdori Universitet tomonidan belgilanadi.

🔗 Obuna bo‘ling va ta'lim olamidan xabardor bo‘ling!

#Talim #Yangiliklar #Imkoniyatlar #O‘qish


@Talim_kanali✅️- Rasmiy taʼlim yangiliklari!
608 1 4 3 6
Taʼlim kanali - Rasmiy yangiliklar 🎓

29 Jan, 07:40

Open in Telegram Share Report
Namangan davlat texnika universiteti.pdf
5.6Mb
⚡️Namangan davlat texnika universiteti tashkil etiladi

“Namangan davlat texnika universitetini tashkil etish to‘g‘risida”gi Prezident qarori (PQ-23-son, 24.01.2025-y.) qabul qilindi.


✅ Qarorga ko‘ra, Namangan muhandislik-texnologiya instituti, Namangan muhandislik-qurilish instituti va Namangan to‘qimachilik sanoati instituti negizida Namangan davlat texnika universiteti tashkil etiladi.

✔️ Muhandislik, qurilish, to‘qimachilik, axborot texnologiyalari va dasturlash, ishlab chiqarish, qayta ishlash hamda xizmat ko‘rsatish sohalari bo‘yicha, shuningdek, hududning yuqori malakali kadrlarga bo‘lgan ehtiyojiga muvofiq oliy ma’lumotli mutaxassislar hamda ilmiy-pedagogik kadrlar tayyorlash Universitetning asosiy vazifalaridan biri etib belgilandi.


🛡 Universitetda yuridik shaxs maqomisiz Ilg‘or muhandislik maktabi faoliyati tashkil etiladi.

🔹2025/2026-o‘quv yilidan ish beruvchi korxona va tashkilotlarning real muammolari asosida bitiruv malakaviy ishlari hamda magistrlik dissertatsiyalari mavzulari bankini shakllantirish va talabalarning bitiruv malakaviy ishi hamda magistrlik dissertatsiya himoyalarini ish beruvchi korxona va tashkilotlarda tashkil etish choralari ko‘riladi.

🔸2026/2027-o‘quv yiligacha Universitetning kamida ikkita bakalavriat ta’lim yo‘nalishi va uchta magistratura mutaxassisligining xalqaro tan olingan tashkilotlar akkreditatsiyasidan o‘tkazilishi ta’minlanadi.

➖ 2025-yildan yirik ishlab chiqarish korxonalari Universitetga sanoat hamkori sifatida biriktiriladi.


Namangan muhandislik-texnologiya instituti, Namangan muhandislik-qurilish instituti hamda Namangan to‘qimachilik sanoati institutida tahsil olayotgan barcha talabalar o‘qishini Universitetda davom ettiradi va 2024/2025-o‘quv yilidan boshlab bitiruvchilarga belgilangan tartibda Universitet diplomi beriladi.


🔗 Obuna bo‘ling va ta'lim olamidan xabardor bo‘ling!

#Talim #Yangiliklar #Imkoniyatlar #O‘qish


@Talim_kanali✅️- Rasmiy taʼlim yangiliklari!
804 1 4 1 8
Taʼlim kanali - Rasmiy yangiliklar 🎓

28 Jan, 06:43

Open in Telegram Share Report
⚡️Buxoro davlat texnika universiteti tashkil etiladi

“Buxoro davlat texnika universitetini tashkil etish to‘g‘risida”gi Prezident qarori (PQ-22-son, 24.01.2025-y.) qabul qilindi.


🛡Qarorga ko‘ra, Buxoro muhandislik-texnologiya instituti hamda Buxoro tabiiy resurslarni boshqarish instituti negizida Buxoro davlat texnika universiteti tashkil etiladi.

❕ Muhandislik, ishlab chiqarish, oziq-ovqat texnologiyasi, yengil sanoat, neft va gaz, yashil energetika, arxitektura va qurilish, transport va logistika, agrotexnologiya, axborot texnologiyalari va dasturlash sohalari bo‘yicha, shuningdek, hududning yuqori malakali kadrlarga bo‘lgan ehtiyojiga muvofiq oliy ma’lumotli mutaxassislar hamda ilmiy-pedagogik kadrlar tayyorlash Universitetning asosiy vazifalaridan biri etib belgilandi.

Universitetda neft va gaz muhandisligi sohasida Ilg‘or muhandislik maktabi faoliyati yo‘lga qo‘yiladi.

✅ 2025/2026-o‘quv yilidan:

➡️Universitet talabalarining fanlarni o‘zlashtirish ko‘rsatkichini va professor-o‘qituvchilarning faoliyat samaradorligini xalqaro tajribalar asosida baholash tizimi joriy etiladi;

➡️Universitet professor-o‘qituvchilari va doktorantlari yetakchi xorijiy oliy ta’lim va ilmiy-tadqiqot tashkilotlariga ilmiy stajirovka va malaka oshirishga yuboriladi;

➡️Yirik ishlab chiqarish korxonalari va tashkilotlarni Universitetga sanoat hamkori sifatida biriktiriladi;

➡️2026-yil 1-yanvardan Universitetga akademik, tashkiliy va moliyaviy mustaqillik beriladi.


🔗 Obuna bo‘ling va ta'lim olamidan xabardor bo‘ling!

#Talim #Yangiliklar #Imkoniyatlar #O‘qish


@Talim_kanali✅️- Rasmiy taʼlim yangiliklari!
903 0 6 2 10
Taʼlim kanali - Rasmiy yangiliklar 🎓

25 Jan, 08:49

Open in Telegram Share Report
Rankings TOP-1000_2025.pdf
1.3Mb
⚡️ To‘g‘ridan to‘g‘ri diplomlari tan olinadigan TOP-1000 talikka kirgan OTMlar ro‘yxati

Oliy ta’lim, fan va innovatsiyalar vazirligi tomonidan 2025-yil uchun tasdiqlangan xalqaro e’tirof etilgan tashkilotlarning (Quacquarelli Symonds World University Rankings, Times Nigher Education, Academic Ranking of World Universities) reytingida oliy ta’lim muassasalari orasida birinchi 1 000 o‘rinni egallagan xorijiy oliy ta’lim muassasalari ro‘yxati tasdiqlandi.


Ushbu ro‘yxat 2025-yil uchun e’lon qilingan bo‘lib, har yili yangilanib turadi.

Ma’lumot uchun, TOP-1000 oliygohlarni tamomlagan talabalarning diplomlari O‘zbekistonda imtihon sinovlarisiz tan olinadi (nostrifikatsiya qilinadi).

🔗 Obuna bo‘ling va ta'lim olamidan xabardor bo‘ling!

#Talim #Yangiliklar #Imkoniyatlar #O‘qish


@Talim_kanali✅️- Rasmiy taʼlim yangiliklari!
1.4k 0 6 13 11
Taʼlim kanali - Rasmiy yangiliklar 🎓

24 Jan, 08:43

Open in Telegram Share Report
⚡️O‘qish maqsadida chet elga ketgan O‘zbekistonliklar soni ma’lum qilindi

✅ 2024 - yilning yanvar-dekabr oylarida jami 35,9 ming nafar O‘zbekiston fuqarosi o‘qish maqsadida chet elga jo‘nab ketgan. Bu haqda Statistika qo‘mitasi ma’lumot berdi.

❕ Ta’kidlanishicha, eng ko‘p O‘zbekistonliklar Tojikistonni tanlagan bo‘lib, ushbu davlatga 12,8 ming nafar fuqaro o‘qish uchun yo‘l olgan. Keyingi o‘rinda:

— Rossiya Federasiyasi: 8,6 ming;
— Qirg‘iz Respublikasi: deyarli 4 ming nafar;
— Turkiya: 2,7 ming nafar;
— Koreya Respublikasi: 2,1 ming nafar;
— Qozog‘iston: 1,6 ming nafar;
— Buyuk Britaniya: 792 nafar fuqaro tanlagan.
— Xitoy: 767 nafar;
— AQSH: 576 nafar;
— Birlashgan Arab Amirliklariga esa 390 nafar fuqaro o‘qish maqsadida jo‘nab ketgan.


Qolgan boshqa davlatlarga jami 1,6 ming nafar O‘zbekistonlik borgan.

🔗 Obuna bo‘ling va ta'lim olamidan xabardor bo‘ling!

#Talim #Yangiliklar #Imkoniyatlar #O‘qish


@Talim_kanali✅️- Rasmiy taʼlim yangiliklari!
1.5k 0 4 7 16
Taʼlim kanali - Rasmiy yangiliklar 🎓

22 Jan, 09:30

Open in Telegram Share Report
⚡️Maktablar oʻrtasida PISA 2025 tadqiqotida ishtirok etuvchi  tanlab olindi

✅ PISA 2025 tadqiqotida qatnashish uchun xalqaro tashkilotlar tomonidan respublikamizdagi 233 ta maktab tasodifiylik tamoyili asosida tanlab olindi. Mazkur maktablardagi 9050 nafar 15 yoshli o‘quvchi tadqiqotda qatnashishi nazarda tutilgan.

📍  2025-yildagi tadqiqotda dunyoning 91 ta mamlakatlari qatorida O`zbekiston maktablarining munosib ishtirokini ta’minlash bo‘yicha Iqtisodiy hamkorlik va taraqqiyot tashkiloti (OECD) bilan hamkorlikda qator ishlar amalga oshirilmoqda.

➖ Tadqiqot jarayonlari 2025-yilning aprel va may oylarida o‘tkazilishi rejalashtirilgan bo‘lib,  sinovlar kompyuter yordamida onlayn tarzda tashkil etiladi.

👉 Ma’lumot uchun: 2022-yildagi tadqiqotda jami 81 ta davlat ishtirok etgan bo‘lib, O‘zbekistondan 202 ta maktabdan 7 293 nafar o‘quvchi qatnashgan.

🔗 Obuna bo‘ling va ta'lim olamidan xabardor bo‘ling!

#Talim #Yangiliklar #Imkoniyatlar #O‘qish


@Talim_kanali✅️- Rasmiy taʼlim yangiliklari!
1.6k 0 0 5 12
Taʼlim kanali - Rasmiy yangiliklar 🎓

21 Jan, 08:44

Open in Telegram Share Report
⚡️“Ochiq budjet” portalida “Mening maktabim” loyihasining ilk mavsumi g‘oliblari e’lon qilindi

“Ochiq budjet” portalida 14 ta tumanda sinov tarzida o‘tkazilgan “Mening maktabim” loyihasining g‘oliblari e’lon qilindi.

💰 Bunga ko‘ra, umumiy qiymati 25,7 mlrd so‘mni tashkil etgan 1 387 ta loyiha g‘olib deb topildi.

✅ Ushbu loyihalar uchun jami 38 371 nafar o‘quvchi tomonidan ovoz berilgan.

⏬ G'olib loyihalar ro'yxati bilan ushbu havola orqali tanishishingiz mumkin: https://openbudget.uz/school/project-introduction

🔗 Obuna bo‘ling va ta'lim olamidan xabardor bo‘ling!

#Talim #Yangiliklar #Imkoniyatlar #O‘qish


@Talim_kanali✅️- Rasmiy taʼlim yangiliklari!
1.5k 1 2 3 7
Taʼlim kanali - Rasmiy yangiliklar 🎓

20 Jan, 06:22

Open in Telegram Share Report
⚡️Til sertifikati yo’q Abituriyentlar bundan buyon 1-fani chet tili bo’lgan yo’nalishlarga topshira olmaydi

✅Qonunchilikka ko‘ra (PF-81, 24.05.2024-y.) 2025/2026-o‘quv yili qabulidan boshlab fanlar majmuasida chet tili birinchi fan sifatida belgilangan ta’lim yo‘nalishlariga qabul xorijiy tilni bilish darajasini belgilovchi milliy yoki xalqaro sertifikat asosida amalga oshiriladi.

❗️Bunda fanlar majmuasida chet tili birinchi fan sifatida belgilangan ta’lim yo‘nalishlariga qabul qilishda ushbu fandan test sinovi o‘tkazilmaydi. Abituriyentlar belgilangan darajadagi sertifikatni taqdim etishlari lozim.


2025/2026-oʻquv yili uchun respublika oliy taʼlim muassasalarining taʼlim yoʻnalishlari roʻyxati va ularga mos test sinovi (kasbiy (ijodiy) imtihon) topshiriladigan fanlar majmuasiga koʻra chet tili birinchi fan sifatida belgilangan taʼlim yoʻnalishlari roʻyxati ilovada (rasm👆).

E’tibor bering! 1-fan sifatida aniq ko‘rsatilgan ingliz, nemis va fransuz tillaridan ayni shu fan bo‘yicha, 1-fan “Chet tili” ko‘rsatilgan ta’lim yo‘nalishlariga esa, bakalavriat ta’lim yo‘nalishlari uchun tasdiqlangan xorijiy tillarni bilish darajasini belgilovchi milliy va xalqaro sertifikatlardan birini taqdim etish talab etiladi.

Tasdiqlangan sertifikatlar ro‘yxati bu yerda👈

📩 Qoʻshimcha savollarni Telegram botimiz (@uztdibot)ga yuborishingiz mumkin.

🔗 Obuna bo‘ling va ta'lim olamidan xabardor bo‘ling!

#Talim #Yangiliklar #Imkoniyatlar #O‘qish


@Talim_kanali✅️- Rasmiy taʼlim yangiliklari!
1.8k 1 13 6 10
Taʼlim kanali - Rasmiy yangiliklar 🎓

18 Jan, 07:22

Open in Telegram Share Report
Video is unavailable for watching
Show in Telegram
⚡️MAKTABLAR OʻRTASIDA AL-XORAZMIY NOMIDAGI ANIQ VA TABIIY FANLAR OLIMPIADASI O‘TKAZILMOQDA

✅ Al-Xorazmiy nomidagi aniq va tabiiy fanlar (Science) olimpiadasi umumiy o‘rta taʼlim maktablarining 7-8-sinf o‘quvchilari o‘rtasida Maktabgacha va maktab ta’limi vazirligi tomonidan tashkil etilmoqda.

Olimpiada joriy yili 4 bosqichda tashkil etiladi:
➖Maktab bosqichi –  1- fevralga qadar;
➖Tuman (shahar) bosqichi – 15-fevral kuniga qadar;
➖Viloyat bosqichi – 28-fevral kuniga qadar;
➖Respublika bosqichi –  tabiiy fanlar yo‘nalishi bo‘yicha aprel oyida, aniq fanlar yo‘nalishi esa Al-Xorazmiy nomidagi xalqaro matematika va informatika olimpiadasi sifatida may oyida bo‘lib o‘tadi.


Olimpiada nizomi bilan batafsil ushbu havola orqali tanishishingiz mumkin.

G‘oliblikni qo‘lga kiritgan ishtirokchilar Maktabgacha va maktab ta’limi vazirligi tomonidan diplom hamda esdalik sovg‘alari bilan taqdirlanadi.

🔗 Obuna bo‘ling va ta'lim olamidan xabardor bo‘ling!

#Talim #Yangiliklar #Imkoniyatlar #O‘qish


@Talim_kanali✅️- Rasmiy taʼlim yangiliklari!
1.9k 0 8 6 14
Taʼlim kanali - Rasmiy yangiliklar 🎓

16 Jan, 08:05

Open in Telegram Share Report
⚡️Vazirlik “Mehrli maktab”ning yangi filillariga ishga taklif etadi

📣 Maktabgacha va maktab ta’limi vazirligi tasarrufidagi “Mehrli maktab” davlat ta’lim muassasasining Qashqadaryo, Surxondaryo va Xorazm viloyatlarida tashkil etiladigan filiallariga malakali pedagoglar ishga taklif qilinadi.

📌 Bunda viloyatlardagi ko‘p tarmoqli bolalar tibbiyot markazlarining gematologiya va onkologiya bo‘limlarida davolanayotgan bolalarga maktabgacha ta’lim va tarbiya hamda umumiy o‘rta ta’lim berish uchun quyidagi mutaxassislik yo‘nalishlari talab etiladi:

➖Umumiy o‘rta ta’limni tashkil etish uchun pedagog xodim (ona tili va adabiyot, matematika hamda boshlang‘ich ta’lim o‘qituvchilari);
➖Psixolog;
➖Tarbiyachi;
➖Tarbiyachi yordamchisi.

✔️ Nomzodlarga quyidagi talablar qo‘yiladi:

➖ pedagog xodim lavozimiga:

oliy (pedagogik) ma’lumotli, dars berayotgan fani bo‘yicha kamida ikkinchi toifali, 3 yillik pedagogik ish stajiga ega, statsionar sharoitda uzoq muddat davolanishga muhtoj bolalar bilan ishlash ko‘nikmasiga ega bo‘lgan, rus va o‘zbek tillarini biladigan pedagoglar;

➖psixolog lavozimiga:

oliy ma’lumotli, bolalar bilan ishlash ko‘nikmasiga ega, kamida 3 yil psixolog faoliyati bilan shug‘ullangan, rus va o‘zbek tillarini biladigan mutaxassislar;

➖ tarbiyachi lavozimiga:

maktabgacha ta’lim yo‘nalishi bo‘yicha oliy pedagogik ma’lumotli, kamida 3 yillik pedagogik ish stajiga ega, statsionar sharoitda uzoq muddat davolanishga muhtoj bolalar bilan ishlash ko‘nikmasiga ega bo‘lgan mutaxassislar;

➖ tarbiyachi yordamchisi lavozimiga:

o‘rta ma’lumot va maktabgacha yoshdagi bolalarni tarbiyalash ishlari xususiyatlari bo‘yicha maxsus tayyorgarlikka ega, kamida 3 yillik stajga ega xodimlar.

⏳ Tanlovda ishtirok etish istagidagi nomzodlar “Mehrli maktab” davlat ta’lim muassasasining mehrlimaktab.vakant@gmail.com elektron pochta manziliga 2025-yilning 10-fevraliga qadar (shu kun ham) quyidagi hujjatlarni elektron shaklda taqdim etishlari lozim:

➖ma’lumotnoma-obyektivka (telefon raqam);
➖pasport (ID-karta) hamda
➖oliy o‘quv yurtini tamomlaganlik to‘g‘risidagi diplom nusxalari.

✔️ Yuqoridagi malaka talablariga mos kelgan nomzodlar orasidan munosiblari suhbat asosida ishga qabul qilinadi.

Ma’lumot uchun: belgilangan qonunchilik talablariga ko‘ra, “Mehrli maktab” pedagog xodimlariga mehnatning alohida sharoitlari uchun 100 foizlik ustama beriladi va qo‘shimcha moddiy rag‘batlantiriladi.


🔗 Obuna bo‘ling va ta'lim olamidan xabardor bo‘ling!

#Talim #Yangiliklar #Imkoniyatlar #O‘qish


@Talim_kanali✅️- Rasmiy taʼlim yangiliklari!
2.1k 0 7 9 6
Taʼlim kanali - Rasmiy yangiliklar 🎓

15 Jan, 09:25

Open in Telegram Share Report
Video is unavailable for watching
Show in Telegram
⚡️ Talabalar kontrakt to‘loviga yo‘naltirilgan 12% daromad solig‘ini masofadan qaytarib olish mumkin

✅Buning uchun soliq organlariga bormasdan Soliq mobil ilova orqali shartnoma va toʻlov hujjatlarini (bitta pdf faylda skanerlangan holda) ilova qilib deklaratsiya yuborish mumkin.

“Soliq imtiyozini qaytarish” elektron xizmatida foydalanuvchining ish haqi va boshqa daromadlari toʻgʻrisidagi maʼlumotlar avtomatik shakllanadi.

Deklaratsiya yuborilganidan keyingi qadam – Keshbek va imtiyozlar bo‘limida – "Ortiqcha to‘lovni qaytarish" xizmati orqali ariza yuboriladi.

Face ID orqali shaxsingizni tasdiqlang. Bu haqda batafsil videoqo‘llanmada.


🔗 Obuna bo‘ling va ta'lim olamidan xabardor bo‘ling!

#Talim #Yangiliklar #Imkoniyatlar #O‘qish


@Talim_kanali✅️- Rasmiy taʼlim yangiliklari!
1.8k 0 34 5 11
Taʼlim kanali - Rasmiy yangiliklar 🎓

13 Jan, 08:04

Open in Telegram Share Report
⚡️“O‘zavtosanoat” AJ o‘qituvchilarga imtiyozli avtokredit bilan avtomobillarni sotishdan bosh tortgani haqida tarqalgan xabarlarni rad etdi

✅ Bugun ijtimoiy tarmoqlarda UzAuto Vazirlar Mahkamasining o‘qituvchilar uchun avtomobillarni tijorat banklari orqali 60 oy muddatga va 30 foiz dastlabki to‘lov bilan imtiyozli shartjlar asosida xarid qilish bo‘yicha topshirig‘ini rad etgani haqida xabarlar keng tarqaldi.

“O‘zavtosanoat” AJ Vazirlar Mahkamasining topshirig‘ini rad etgani to‘g‘risidagi xabarlar haqiqatga to‘g‘ri kelmasligini hamda feyk xabar ekanligini ma’lum qiladi.

“O‘zavtosanoat” AJ tijorat banklari tomonidan Vazirlar Mahkamasining topshirig‘i ijrosi doirasida beriladigan imtiyozli avtokreditlar orqali avtomobillarni sotishga tayyor (tijorat banklarida jismoniy shaxslarning xaridlarini moliyalashtirish uchun kreditdan boshqa mexanizm mavjud emas).

Bundan tashqari, xatning asl nusxasida avtomobil xarid qilish uchun Asakabank, Aloqa Bank, Ipak Yo‘li Banki, InfinBANK, Biznesni Rivojlantirish Banki, Asia Allince Bank va Tenge Bank orqali turli mexanizmlar, jumladan, imtiyozli shartlarda joriy etilganligi ma'lum qilinadi.

“O‘zavtosanoat” AJ ijtimoiy tarmoqdagi guruh adminstratorlaridan tekshirilmagan va tasdiqlanmagan ma’lumotlarni tarqatmaslikni so‘raydi.

🔗 Obuna bo‘ling va ta'lim olamidan xabardor bo‘ling!

#Talim #Yangiliklar #Imkoniyatlar #O‘qish


@Talim_kanali✅️- Rasmiy taʼlim yangiliklari!
2.1k 0 5 9 5
Taʼlim kanali - Rasmiy yangiliklar 🎓

11 Jan, 09:09

Open in Telegram Share Report
⚡️Endilikda Oʻqituvchilarga “Oʻzavtosanoat” AJning mashinalari 60 oyga boʻlib toʻlashga berilishi kutilmoqda

✅Oʻzbekiston Respublikasi Markaziy banki "Oʻzavtosanoat " AJ bilan birgalikda aksiya doirasida Maktabgacha va maktab taʼlimi vazirligi tizimidagi xodim va pedagoglarga "Chevrolet" avtomobillarini (Onix,Tracker, Malibu, Equinox, Captiva 5T) boshlangʻich toʻlovi 30% dan oshmagan holda imtiyozli ravishda 60 oylik muddatli toʻlov asosida xarid qilishlari mumkin.

🔗 Obuna bo‘ling va ta'lim olamidan xabardor bo‘ling!

#Talim #Yangiliklar #Imkoniyatlar #O‘qish


@Talim_kanali✅️- Rasmiy taʼlim yangiliklari!
2.4k 0 13 11 7
Taʼlim kanali - Rasmiy yangiliklar 🎓

10 Jan, 17:01

Open in Telegram Share Report
VAKANSIYA 330 000+.xlsx
36.4Mb
⚡️ Sizlar uchun Respublika bo'ylab 300 000dan ortiq bo‘sh ish o‘rinlari ro'yxati.

Do‘stlaringizga ham ulashing!


🔗 Obuna bo‘ling va ta'lim olamidan xabardor bo‘ling!

#Talim #Yangiliklar #Imkoniyatlar #O‘qish


@Talim_kanali✅️- Rasmiy taʼlim yangiliklari!
2.2k 0 32 5 4
Taʼlim kanali - Rasmiy yangiliklar 🎓

9 Jan, 08:01

Open in Telegram Share Report
⚡️ Chet tili(turk tili) imtihoni uchun ruxsatnomalar taqdim etildi

🔔 Chet tili(turk tili)ni bilish darajasini aniqlash bo‘yicha bo‘lib o‘tadigan navbatdagi imtihon sanasi e’lon qilindi.  Unga ko‘ra:

✏️ imtihonning yozma qismi — 12-yanvar kuni;

🎤 gapirish ko‘nikmasini baholash imtihonlari — 13-yanvardan 22-yanvarga qadar bo‘lib o‘tadi.

📱 Talabgorlar imtihon joyi, kuni va aniq vaqtini my.gov.uz saytining "Mening arizalarim" bo‘limidan bilishlari va ruxsatnomani yuklab olishlari mumkin.

6️⃣ Talabgorlardan test sinoviga belgilangan vaqtdan kamida bir soat oldin shaxsini tasdiqlovchi hujjat (pasport yoki ID-karta) bilan kelishlari so‘raladi.

📍 Imtihon o‘tkaziladigan joylar va ularning joylashuvi (geolokatsiya): https://telegra.ph/Chet-tili-01-08

📩 Qoʻshimcha savollarni Telegram botimiz (@uztdibot)ga yuborishingiz mumkin.

🔗 Obuna bo‘ling va ta'lim olamidan xabardor bo‘ling!

#Talim #Yangiliklar #Imkoniyatlar #O‘qish


@Talim_kanali✅️- Rasmiy taʼlim yangiliklari!
2.2k 0 8 6 3
Taʼlim kanali - Rasmiy yangiliklar 🎓

8 Jan, 11:13

Open in Telegram Share Report
⚡️Maktabgacha va maktab ta’limi vaziri 2025-yildan boshlab jamg‘armasi hisobidan har oylik ustama to‘lanadigan pedagoglar soni belgilandi

✅ Maktabgacha va maktab ta’limi vazirining tegishli buyrug'i bilan Vazir jamg‘armasi hisobidan har oylik ustama to‘lanadigan malakali pedagog kadrlarning respublika bo‘yicha cheklangan soni va nomzodlarni saralash bo‘yicha reglament tasdiqlandi.

➖ Unga ko‘ra, Maktabgacha va maktab ta’limi vaziri jamg‘armasi hisobidan Respublika bo‘yicha 2025-yilda har oylik ustama to‘lanadigan malakali pedagog kadrlarning cheklangan soni (yillik) 1 500 nafar etib belgilandi.


📝 Ma'lumot o‘rnida: Vazir jamg‘armasidan oylik ustama oluvchi g‘oliblarni aniqlash nomzodlar orasida ikki bosqichda amalga oshiriladi.

🛡 Yakuniy natijalarga ko‘ra, eng yuqori ball to‘plagan malakali pedagog kadrlarga mehnatga haq to‘lash eng kam miqdorining 5,5 baravari miqdorida har oylik ustama to‘lanadi.

Ta’kidlash joiz: 2024-yilda kvota 1250 ta etib belgilangan bo‘lsa, joriy yilda mazkur ko‘rsatkich 1500 taga yetdi.


🔗 Obuna bo‘ling va ta'lim olamidan xabardor bo‘ling!

#Talim #Yangiliklar #Imkoniyatlar #O‘qish


@Talim_kanali✅️- Rasmiy taʼlim yangiliklari!
1.9k 0 3 5 6
Taʼlim kanali - Rasmiy yangiliklar 🎓

7 Jan, 08:05

Open in Telegram Share Report
⚡️Pedagog kadrlar uchun 2025-yildan malaka oshirish tizimiga kiritilgan o‘zgarishlar

🛡 2025-yil 1-yanvardan boshlab pedagog kadrlar uchun malaka oshirish tizimiga yangiliklar kiritiladi. Ushbu o‘zgarishlar malaka oshirish jarayonini tartibga solish va samaradorligini oshirishga qaratilgan.

🔹Malaka oshirishning asosiy o‘zgarishlari

➖Kurs davomiyligi: Malaka oshirish kurslari 1 oylik muddatga o‘zgartiriladi.
➖Qayta o‘tish muddati: Pedagoglar 5 yilda bir marta malaka oshirish kurslarida qatnashishlari belgilandi.

Malaka oshirish rejalari bo‘yicha taqvim
🔹2024-yilda onlayn malaka oshirgan pedagoglar:

➖O‘rta maxsus va oliy ma’lumotli mutaxassislar (stajyor o‘qituvchilar), amal qilish muddati 1 yil qolgan birinchi va oliy toifali o‘qituvchilar 2025-yilga rejalashtiriladi.
➖Ikkinchi toifali o‘qituvchilar va qolgan birinchi va oliy toifali o‘qituvchilar 2026-yilga rejalashtiriladi.

🔹2024-yilda oflayn malaka oshirgan pedagoglar:

➖O‘rta maxsus va oliy ma’lumotli mutaxassislar (stajyor o‘qituvchilar) 2027-yilga rejalashtiriladi.
➖Ikkinchi va birinchi toifali o‘qituvchilar 2028-yilga rejalashtiriladi.
➖Oliy toifali o‘qituvchilar, shuningdek, toifasini umrboq saqlab qolgan barcha o‘qituvchilar 2029-yilga rejalashtiriladi.

🔹Tizimning maqsadi

➖Pedagoglarning bilim va ko‘nikmalarini zamonaviy talablar asosida yangilash.
➖Malaka oshirish jarayonini tartibga solish va samaradorligini oshirish.
➖O‘qituvchilarning toifalari va lavozimlariga mos malaka talablarini muntazam yangilab borish.

2025-yildan boshlab malaka oshirish tizimi yanada tartibli va samarali bo‘ladi. Pedagoglarning bilim va ko‘nikmalarini oshirish uchun 5 yilda bir marta o‘tkaziladigan kurslar ularning kasbiy mahoratini rivojlantirishga xizmat qiladi.


🔗 Obuna bo‘ling va ta'lim olamidan xabardor bo‘ling!

#Talim #Yangiliklar #Imkoniyatlar #O‘qish


@Talim_kanali✅️- Rasmiy taʼlim yangiliklari!
2.2k 0 21 3 7
Taʼlim kanali - Rasmiy yangiliklar 🎓

6 Jan, 08:45

Open in Telegram Share Report
⚡️O‘zbekiston dunyo mamlakatlari IQ darajasi bo‘yicha reytingida yuqoriladi

🛡 O‘tgan yili fuqarolarning o‘rtacha intellekt darajasi 94,81 (80-o‘rin) edi. Bu yil esa 96,98 (69-o‘rin)ni tashkil etgan.


🔗 Obuna bo‘ling va ta'lim olamidan xabardor bo‘ling!

#Talim #Yangiliklar #Imkoniyatlar #O‘qish


@Talim_kanali✅️- Rasmiy taʼlim yangiliklari!
2k 0 5 4 12
Taʼlim kanali - Rasmiy yangiliklar 🎓

4 Jan, 08:52

Open in Telegram Share Report
⚡️“Mahmudxoʻja Behbudiy saboqlari” mavzusida insholar tanlovi oʻtkaziladi

Prezidentining “Turkiston jadidlik harakatining asoschisi, atoqli adib va jamoat arbobi, noshir va pedagog Mahmudxoʻja Behbudiy tavalludining 150-yilligini keng nishonlash toʻgʻrisida”gi qarori qabul qilindi.

Unga koʻra umumiy oʻrta taʼlim muassasalari, ijod maktablari oʻquvchilari, “Temurbeklar maktablari” kursantlari hamda oliy taʼlim muassasalari talabalari oʻrtasida “Mahmudxoʻja Behbudiy saboqlari” mavzusida insholar tanlovi oʻtkaziladi va gʻoliblar munosib taqdirlanadi.


Barcha boʻgʻindagi taʼlim muassasalari, kutubxonalar, mehnat jamoalari, mahallalar va harbiy qismlarda taniqli olimlar va adiblar ishtirokida Mahmudxoʻja Behbudiy hayoti va ijodiga bagʻishlangan ijodiy uchrashuvlar, adabiyot va kitobxonlik kechalari tashkil qilinadi.

2025-yil oktyabr oyida Samarqand davlat universitetida “Mahmudxo‘ja Behbudiy merosi va jadidlik harakatini o‘rganishning dolzarb masalalari” mavzusida xalqaro ilmiy-amaliy konferensiya tashkil qilinadi.

2025-yil noyabr oyida Alisher Navoiy nomidagi O‘zbekiston davlat akademik katta teatrida Mahmudxo‘ja Behbudiy tavalludining 150 yilligiga bag‘ishlangan tantanali adabiy-ma’rifiy xotira kechasini o‘tkazadi.


Samarqand shahridagi Mahmudxo‘ja Behbudiy uy-muzeyi hududini obodonlashtiriladi hamda muzey ekspozitsiyasi boyitiladi.

Qarshi shahridagi ko‘chalardan biriga Mahmudxo‘ja Behbudiy nomini berish hamda unga bag‘ishlangan yodgorlik lavhasini o‘rnatiladi.

🔗 Obuna bo‘ling va ta'lim olamidan xabardor bo‘ling!

#Talim #Yangiliklar #Imkoniyatlar #O‘qish


@Talim_kanali✅️- Rasmiy taʼlim yangiliklari!
2.2k 0 8 8 8
Taʼlim kanali - Rasmiy yangiliklar 🎓

3 Jan, 15:13

Open in Telegram Share Report
📚 O‘QISH VA O‘SISH YO‘LIDA BIR QADAM OLDINDA! 🎓

Salom, aziz o‘quvchilar va ta'lim ixlosmandlari!

Bugungi postimizda O‘zbekiston ta'lim tizimidagi yangiliklar, imkoniyatlar va qiziqarli ma’lumotlar bilan tanishtiramiz:

🔹 Oliy ta'lim yangiliklari
👉 2025-yilda oliy o‘quv yurtlariga kirish imtihonlarida kutilayotgan o‘zgarishlar haqida bilasizmi? Endi DTM testlari yanada qulay va aniq bo‘ladi!

🔹 Foydali imkoniyatlar
🎓 Xorijiy grantlar va stipendiyalar: Talabalar uchun chet elda o‘qish imkoniyatlari oshmoqda. 2025-yil uchun DAAD, Chevening va Fulbright dasturlari endi arizalarni qabul qilmoqda!

🔹 Statistik ma'lumotlar
📊 O‘zbekiston bo‘yicha 2024-yilda maktab bitiruvchilarining 72% oliy o‘quv yurtlariga hujjat topshirgan. Bu ko‘rsatkich o‘tgan yilga nisbatan 5% yuqori!

🔹 Motivatsiya burchagi
💡 "Ta'lim muvaffaqiyatning kalitidir. Kelajakka sarmoya – bilimdir!"

🎯 Kanalimizda yana ko‘plab qiziqarli va foydali ma’lumotlarni topishingiz mumkin. Yangiliklarni kuzatib boring va bilimlaringizni boyiting!

🔗 Obuna bo‘ling va ta'lim olamidan xabardor bo‘ling!

#Ta'lim #Yangiliklar #Imkoniyatlar #O‘qish


@Talim_kanali✅️- Rasmiy taʼlim yangiliklari!
2.2k 0 4 1 7
20 last posts shown.