Type to search
Advanced channel search

Postal

Мульти-бот с премиум emoji Постинг+приветствие!
img
ad

Атомный конкурс

Разыгрываем трендовые шапки-ушанки.
img
ad

“iTeleStore”

Let yourself find the perfect username !
img
ad

Taʼlim kanali - Rasmiy yangiliklar 🎓

@talim_kanali @uztdi_muallim
Channel's geo and language: Uzbekistan, Uzbek
Category: Other

@Talim_kanali – Ta'lim yangiliklar!
Taʼlimga oid eng so'nggi yangiliklarni shu yerda kuzatib borishingiz mumkin!
👨‍💻 Reklama uchun: @sardor_snz
🤝 Tijoriy hamkorlik: t.me/EduRek/16

Related channels  |  Similar channels
Channel's geo and language
Uzbekistan, Uzbek
Category
Other
Statistics
Is this your channel? Confirm Канал в реестре блогеров РКН? Confirm Channel history
Posts filter

Taʼlim kanali - Rasmiy yangiliklar 🎓

21 Dec, 08:52

Open in Telegram Share Report
⚡️ Chet tili imtihoni natijalari e’lon qilindi

✅ 2024-yil 23-noyabrdan 13-dekabrga qadar bo‘lib o‘tgan chet tilini bilish darajasini aniqlash test sinovi natijalari e’lon qilindi.

👨🏻‍💻 Test natijalari my.gov.uz saytida e’lon qilingan bo‘lib, talabgorlar "Mening arizalarim" bo‘limidan o‘z natijalari bilan tanishishlari mumkin.

📱 Test sinovidan muvaffaqiyatli o‘tgan talabgorlar o‘z sertifikatlarini my.gov.uz sayti orqali elektron tarzda yuklab oladilar.

❗️O‘z natijasidan norozi bo‘lgan talabgorlar 23–25-dekabr kunlari my.gov.uz sayti orqali apellatsiya shikoyati berishlari mumkin.

Bizni kuzating


@Talim_kanali✅️- Rasmiy taʼlim yangiliklari!
466 0 1 3 4
Taʼlim kanali - Rasmiy yangiliklar 🎓

20 Dec, 06:14

Open in Telegram Share Report
✅ 2024-yilda Maktabgacha va maktab taʼlimi sohasining xalqaro yoʻnalishida olib borilgan ishlar:

➖ Maktabgacha va maktab taʼlimini rivojlantirishga qaratilgan 20 dan ortiq muhim xalqaro hujjatlar imzolandi. Buning natijasida:

👉 xalqaro tashkilotlarining malaka oshirish markazlari hamda oliygohlarida oʻzbekistonlik oʻqituvchilar uchun malaka oshirish kurslari tashkil etildi;
👉 xalqaro tanlovlarda mamlakatimiz oʻquvchi va oʻqituvchilari faol ishtirok etdi;
👉 Janubiy Koreya, AQSH, Ozarbayjon, Hindiston, Italiya, Fransiya va boshqa davlatlar tomonidan texnik koʻmak yuklari, kompyuter oʻquv qurilmalari, oziq-ovqat mahsulotlari, sport anjomlari, inklyuziv ta'lim uskunalari va kitoblar grant tariqasida qabul qilib olindi;
👉 innovatsion taʼlim usullarini ishlab chiqish va joriy etish boʻyicha nufuzli xalqaro tashkilotlar bilan hamkorlik aloqalari oʻrnatildi.


➖ 1200 nafardan ortiq tizim xodimlari va o'qituvchilar (550 nafardan ortiq malaka oshirish dasturlari bo'yicha) Birlashgan Arab Amirliklari, Buyuk Britaniya, Gruziya, Germaniya, Koreya, Moldova, Ozarbayjon, Qozog‘iston, Rossiya, Singapur, Turkiya, Fransiya, Ummon davlatlariga xorijiy xizmat safarlari amalga oshirildi;

➖ 50 dan ortiq xalqaro darajadagi nufuzli forum, simpozium, anjuman, davra suhbati, maʼruza hamda seminarlar oʻtkazildi. Unda 500 nafardan ortiq xorijiy mamlakatlar vakillari ishtirok etdi.

➖ Xorijiy hamkor tashkilotlar bilan 20 ta ikki va koʻp tomonlama xalqaro hujjatlar imzolandi.

➖ YUNESKO, YUNISEF, Jahon banki, Islom Taraqqiyot banki, Koreya EkZim Banki, Saudiya taraqqiyot jamgʻarmasi, Osiyo taraqqiyot banki, KOYKA, Djayka, TURKSOY, AySESKO, OPEK jamgʻarmasi, OBSE, YUSAID, Amerika Kengashi, Britaniya Kengashi, Koreya taʼlim markazi, Striling jamgʻarmasi, AQSH Mehribonlik korpusi va boshqa xorijiy hamkor tashkilotlar vakillari bilan 200 tadan ortiq yuqori darajadagi uchrashuvlar oʻtkazildi.

Bizni kuzating


@Talim_kanali✅️- Rasmiy taʼlim yangiliklari!
896 0 1
Taʼlim kanali - Rasmiy yangiliklar 🎓

19 Dec, 10:53

Open in Telegram Share Report
⚡️Endi bitiruvchilarning yakuniy davlat attestatsiyasi ish beruvchi korxona va tashkilotlarda ham tashkil etiladi

Bu haqda Vazirlar Mahkamasining “Oliy va kasbiy ta’lim tashkilotlari bitiruvchilarining yakuniy davlat attestatsiyasini tashkil etish chora-tadbirlari to‘g‘risida”gi qarori tasdiqlandi.


✅Hujjatga ko‘ra, 2025-yil 1-yanvardan boshlab  oliy va kasbiy ta’lim tashkilotlari bitiruvchilarining yakuniy davlat attestatsiyasini ish beruvchi korxona va tashkilotlarda ham tashkil etish amaliyoti joriy qilinadi.

Qaror bilan oliy va kasbiy ta’lim tashkilotlari bitiruvchilarining yakuniy davlat attestatsiyasini o‘tkazish tartibi to‘g‘risidagi nizomlar ham tasdiqlandi.

Shuningdek, quyidagilar Oliy ta’lim, fan va innovatsiyalar vazirligi tomonidan amalga oshirilishi belgilandi:

➡️oliy va kasbiy ta’lim tashkilotlari bitiruvchilarining attestatsiyasini tashkil etishda ish beruvchi korxona va tashkilotlarga har tomonlama uslubiy jihatdan ko‘maklashish hamda ularning bu boradagi faoliyatini muvofiqlashtirish;
➡️kasbiy ta’lim tashkilotlarida attestatsiyani tashkil etishdan kamida bir oy oldin manfaatdor vazirlik va idoralar takliflari asosida bitiruvchilarning attestatsiyasi o‘tkaziladigan korxona va tashkilotlar hamda ta’lim tashkilotlari ro‘yxatini tasdiqlash va e’lon qilish;
➡️2025-yil 1-yanvardan boshlab kasbiy ta’lim tashkilotlari pedagog kadrlarining malakasini oshirish o‘quv rejalariga “Germaniya tajribasi” asosida bitiruvchilarni baholash bo‘yicha o‘quv kursini kiritish.

Bizni kuzating


@Talim_kanali✅️- Rasmiy taʼlim yangiliklari!
1k 0 2 2 4
Taʼlim kanali - Rasmiy yangiliklar 🎓

19 Dec, 06:38

Open in Telegram Share Report
Менинг мактабим .pdf
2.6Mb
⚡️“Mening maktabim” loyihasiga start berildi

✅O'zbekiston Respublikasi Oliy Majlisi Senati Kengashi 2024-yil 5-dekabrdagi qarori bilan "Mening maktabim" loyihasini amalga oshirish tartibi to'g'risidagi vaqtinchalik nizom tasdiqlandi.

2024/2025-o'quv yilidan boshlab Qoraqalpog'iston Respublikasi, viloyatlar va Toshkent shahrining 1 tadan tumani (shahri)da sinov tariqasida "Mening maktabim" loyihasi  amalga oshiriladi.  Joriy yilgi mavsumi dekabr oyida o'tkaziladi.

Ushbu loyiha uchun Maktabgacha va maktab taʼlimi vazirligi tomonidan:

➖ 2025-2026-oʻquv yilidan boshlab barcha umumtaʼlim maktablarida “Mening maktabim” loyihasini amalga oshirish maqsadida tuman (shahar) maktabgacha va maktab taʼlimi boʻlimlarining 2025-yil uchun xarajatlar smetasida bazaviy hisoblash miqdorining 150 barobarida mablagʻ ajratiladi;

➖ ushbu mablagʻ “Mening maktabim” loyihasi doirasida 5-11-sinf oʻquvchilari tanloviga koʻra elektron doska, kompyuter, sport jihozlari, kitoblar kabi maktab uchun zarur tovarlarga sarflanadi.

Bizni kuzating


@Talim_kanali✅️- Rasmiy taʼlim yangiliklari!
1.1k 0 3 2 1
Taʼlim kanali - Rasmiy yangiliklar 🎓

18 Dec, 10:21

Open in Telegram Share Report
⚡️2024-yilda maktabgacha va maktab ta’limi tizimiga oid qabul qilingan normativ-huquqiy hujjatlar

✅Maktabgacha va maktab ta’limi tizimidagi ta’lim muassasalarida sifatli ta’limni joriy etishga doir 23 ta normativ-huquqiy hujjat qabul qilingan.
 
Xususan, tizimga oid 2 ta qonun, Prezidentimizning 4 ta farmoni va 8 ta qarori, 9 ta Vazirlar Mahkamasi qarorlari shular jumlasidandir.
 
Ushbu hujjat bilan quyidagi havola orqali tanishishingiz mumkin.

Bizni kuzating


@Talim_kanali✅️- Rasmiy taʼlim yangiliklari!
1.2k 0 6 4 4
Taʼlim kanali - Rasmiy yangiliklar 🎓

17 Dec, 13:49

Open in Telegram Share Report
⚡️ Milliy sertifikat imtihoni uchun ruxsatnomalar e’lon qilindi

📆 2024-yil 21–22-dekabr (shanba-yakshanba) kunlari bo‘lib o‘tadigan ona (o‘zbek, qoraqalpoq, rus) tili va adabiyot fanlaridan milliy sertifikat imtihoni uchun ruxsatnomalar e’lon qilindi.


🖥 Test sinovida ishtirok etadigan talabgorlar ruxsatnomani my.gov.uz saytining "Mening arizalarim" bo‘limidan olishlari mumkin.

📌 Ruxsatnomada talabgorlar qachon, qayerda test sinovida ishtirok etishi ko‘rsatilgan bo‘lib, talabgorlardan belgilangan vaqtdan kechikmagan holda kelish so‘raladi.

📄 Talabgorlar test sinovi o‘tkaziladigan binolarga shaxsini tasdiqlovchi hujjat (pasport yoki ID-karta) asosida 1-smenada 07:30 dan boshlab (test sinovi 09:00 da), 2-smenada 13:00 dan boshlab (test sinovi 14:30 da) kiritiladi.

❗️Test sinoviga kechikkan yoki kelmagan talabgorlar uchun qo‘shimcha imtihon o‘tkazilmaydi.

Bizni kuzating


@Talim_kanali✅️- Rasmiy taʼlim yangiliklari!
1.4k 0 8 5
Taʼlim kanali - Rasmiy yangiliklar 🎓

17 Dec, 08:25

Open in Telegram Share Report
❔ O’zbekistonda taʼlim sohasida ayollarning ulushi necha foizga teng?

🛡 Axborot va ommaviy kommunikatsiyalar agentligida xotin-qizlarning huquq va manfaatlarini himoyalash, ularni har tomonlama qoʻllab-quvvatlash borasida amalga oshirilayotgan ishlar yuzasidan brifing boʻlib oʻtdi.
 
Brifingda vazir va vazirga tenglashtirilgan lavozimlarda xotin-qizlar ulushi 7 foizga yetgani maʼlum qilindi.
 
✅Ayollarning ulushi tibbiyot tizimida 77 foizdan koʻproqni, taʼlim sohasida salkam 74 foiz, savdoda 49 foiz, iqtisodiyot tarmoqlari, sanoat va ishlab chiqarishda qariyb 46 foiz, madaniyat va sportda 45 foiz, qishloq xoʻjaligida 42 foizdan ziyodni, moliya va sugʻurta faoliyatida 37 foizdan ortiqni, axborot va aloqa xizmatida 35 foiz, professional, ilmiy va texnik faoliyatda qariyb 34 foizni, davlat boshqaruvi va mudofaa tizimida 27 foizdan koʻproqni tashkil etmoqda.

 
Joriy oʻquv yilida respublika oliy taʼlim muassasalarida tahsil olayotgan xotin-qizlar ulushi 52,2 foizni tashkil etmoqda

Bizni kuzating


@Talim_kanali✅️- Rasmiy taʼlim yangiliklari!
1.1k 0 5 1 2
Taʼlim kanali - Rasmiy yangiliklar 🎓

16 Dec, 15:28

Open in Telegram Share Report
⚡️ Sizga kimdir bu xususiy diplomi o‘tmaydi, menga davlat oliygohi diplomi kerak desa, mana bunday yo‘l tuting:

1. O‘sha rahbar yoki mansabdor shaxsdan asos so‘rang, qonuniy asosi bormi, qaysi qaror, qaysi qonun yoki qonunosti hujjati asosida bu gapni gapirmoqda.

2. Tabiiyki, birinchi savolga javob yo‘q, shunda siz o‘sha mansabdor shaxsga yozma murojaat qiling, qonun bo‘yicha u sizning murojaatingizga 15 kun ichida javob qaytarishi kerak.

3. Bu savolga odatda javob berilmaydi, berilgan taqdirda ham qonuniy asos yo‘q bo‘lsa, nima deb javob beradi?

4. O‘zingiz tahsil olayotgan xususiy oliygohdan o‘sha mansabdorga rasmiy xat qilishlarini so‘rang, bu ikki tomonlama ish bo‘ladi.

5. Hech qanday javob berishmasa, sudga murojaat qilib rahbarni javobgarlikka torting, chunki u o‘z vazifasini suiiste’mol qilmoqda.

P.S. O‘z huquqlaringizni talab qilishni o‘rganing, ho‘kiz tug‘ibdi desa, ishonib ketavermang. Haqqingizni talab qilishni o'rganing.

— Ma'lumot uchun: Ushbu tavsiya O'zbekistonda ro'yxatdan o'tgan litsenziyaga ega nodavlat oliygoh talabalariga tegishli.

Bizni kuzating


@Talim_kanali✅️- Rasmiy taʼlim yangiliklari!
1.8k 0 21 2 11
Taʼlim kanali - Rasmiy yangiliklar 🎓

16 Dec, 07:50

Open in Telegram Share Report
⚡️2025-yilda kambag‘al oilalar farzandlarining bog‘cha to‘lovi qisman qoplab beriladi

✅Bu haqda ayni paytda Shavkat Mirziyoyev raisligida o‘tayotgan videoselektor yig‘ilishida aytildi.

Unga ko‘ra, 2025-yildan boshlab oilaviy bog‘cha o‘rinlarining 15 foizi kambag‘al oila farzandlari uchun ajratiladi va ularga bog‘cha to‘lovi qisman qoplab beriladi.


Shuningdek, maktabgacha va maktab ta'limi vaziri Hilola Umarovaga kelgusi yili kambag‘allik darajasi yuqori bo‘lgan mingta mahallada bittadan oilaviy bog‘cha faoliyatini yo‘lga qo‘yish topshirildi.

Bizni kuzating


@Talim_kanali✅️- Rasmiy taʼlim yangiliklari!
1.6k 0 2 1 5
Taʼlim kanali - Rasmiy yangiliklar 🎓

15 Dec, 15:27

Open in Telegram Share Report
Jadidlar insholar tanlovi nizomi.pdf
1.4Mb
⚡️Jadidlar haqida insholar tanlovi

🏛 Oliy ta’lim, fan va innovatsiyalar vazirligi huzuridagi Talaba va o‘quvchilarning ijtimoiy faolligini oshirish markazi oliy ta’lim muassasalari talabalari o‘rtasida insholar tanlovini e’lon qiladi.

↪️Tanlov 2 bosqichda tashkil etiladi: oliy ta’lim muassasasi va respublika bosqichi;
↪️Insholar tanlovi 2 xil: “Jadidlar jasorati – millatimiz faxri” hamda “Jadidlar: milliy o‘zlik, istiqlol va davlatchilik g‘oyalari” mavzularida o‘tkaziladi;
↪️Har bir mavzu bo‘yicha alohida o‘rinlar belgilanadi.

🔷 Tanlov g‘oliblari Oliy ta’lim, fan va innovatsiyalar vazirligi tomonidan quyidagi tartibda pul mukofotlari bilan taqdirlanadi:

1-o‘rin – 8 000 000 so‘m;
2-o‘rin – 6 000 000 so‘m;
3-o‘rin – 5 000 000 so‘m;

☑️Tanlovning birinchi bosqichi 2025-yil yanvar oyining ikkinchi o‘n kunligida, yakuniy respublika bosqichi esa 2025-yilning fevral-mart oylari davomida o‘tkaziladi.

Tanlovda ishtirok etmoqchi bo‘lgan talabalar taʼlim muassasasining Yoshlar masalalari va maʼnaviy-maʼrifiy ishlar bo‘yicha masʼullariga murojaat qilishlari mumkin.

Bizni kuzating


@Talim_kanali✅️- Rasmiy taʼlim yangiliklari!
1.7k 0 10 1 9
Taʼlim kanali - Rasmiy yangiliklar 🎓

14 Dec, 08:04

Open in Telegram Share Report
⚡️ Endilikda bir maktabdan boshqa maktabga o‘tkazish davlat xizmati kengaytirilmoqda

✅ 2025-yil 1-yanvardan boshlab bir maktabdan boshqasiga ko‘chirish bo‘yicha davlat xizmati 45 ta tuman va shaharlarda joriy etiladi.

👩🏻‍💻 Fuqarolar maktabga bormagan holda Yagona interaktiv davlat xizmatlari portali (my.gov.uz) yoki vazirlikning elektron platformasi (my.maktab.uz) orqali onlayn ariza yuborishlari mumkin. Davlat xizmati bepul amalga oshiriladi.

❗️ Elektron qabul tizimi ota-onalarga qulaylik yaratish bilan birga byurokratik to‘siqlar, ovvoragarchilik, inson omilini kamaytirishga qaratilgan.

👉 Boshqa maktabga o‘tkazish bo‘yicha davlat xizmati joriy etilgan hududlar ro‘yxati bilan quyidagi havola orqali tanishish mumkin.

Bizni kuzating


@Talim_kanali✅️- Rasmiy taʼlim yangiliklari!
2.6k 0 7 4 4
Taʼlim kanali - Rasmiy yangiliklar 🎓

13 Dec, 16:01

Open in Telegram Share Report
🎉 3 tasi birda course😎
Writing 7+📝
Speaking 7+🗣️
Grammar 7+📈

✅Boshlanish - Dekabr
✅Course turi-intensive
✅Tutor- Islom
✅Muddati -2 yarim oy


Course uchun👉https://t.me/ielts_admin_08
1.9k 0 3 4 4
Taʼlim kanali - Rasmiy yangiliklar 🎓

13 Dec, 13:34

Open in Telegram Share Report
⚡️Kambagʻal oilalar farzandlarini tayyorlab, 2025-yilda 3,5 ming yoshlarni oliygohga grant asosida qabul qilish topshirig‘i berildi

✅Prezident raisligida ijtimoiy himoya sohasidagi ishlar natijadorligi va 2025-yil uchun ustuvor vazifalar muhokamasiga bagʻishlangan yigʻilish o‘tkazilmoqda.

Yigʻilishda, kambagʻal oilalar farzandlarini tayyorlab, 2025-yilda 3,5 ming yoshlarni oliygohga grant asosida qabul qilish zarurligi qayd etildi.

Oliygoh rektorlari ham kambagʻal oiladan jami 4 ming nafar yoshlarni oʻqitishga bosh-qosh boʻladi. Vazir Q.Sharipovga bu borada tegishli topshiriqlar berildi.

Bizni kuzating


@Talim_kanali✅️- Rasmiy taʼlim yangiliklari!
2.6k 1 12 11
Taʼlim kanali - Rasmiy yangiliklar 🎓

13 Dec, 08:18

Open in Telegram Share Report
⚡️Endilikda ishlab chiqarish korxonalarni texnikumlarga bog‘lab, “dual ta’lim”ni yo‘lga qo‘yish zarurligi aytildi

✅ Prezident Shavkat Mirziyoyev 12-dekabr kuni to‘qimachilik va charm sanoatidagi islohotlar natijadorligini yanada oshirish chora-tadbirlari bo‘yicha yig‘ilish o‘tkazdi.

Charm sanoatida bichuvchi, tikuvchi, kosib kabi o‘rta bo‘g‘in kadrlari yetishmayotgani, bu yo‘nalishda yiliga bor-yo‘g‘i 167 nafar mutaxassis tayyorlanayotgani ko‘rsatib o‘tildi. Shu bois, poyabzal ishlab chiqarish rivojlangan Andijon, Namangan, Farg‘ona, Samarqand va Toshkent viloyatlaridagi yetakchi korxonalarni texnikumlarga bog‘lab, “dual ta’lim”ni yo‘lga qo‘yish zarurligi aytildi.

Bizni kuzating


@Talim_kanali✅️- Rasmiy taʼlim yangiliklari!
2.1k 0 3 1 2
Taʼlim kanali - Rasmiy yangiliklar 🎓

12 Dec, 09:39

Open in Telegram Share Report
⚡️Umumta'lim fanlaridan 2025-yilning 1-yarmida bo‘lib o‘tadigan sertifikat imtihonlari

✅ Umumta'lim fanlarini bilish darajasini aniqlash test sinovlari yanvar, fevral, mart, aprel va may oylarida o‘tkaziladi.

👨🏻‍💻 Test sinovi uchun talabgorlar my.gov.uz sayti orqali onlayn tarzda ro‘yxatga olinadi.

📌 Ro‘yxatdan o‘tishda talabgorlar o‘zlariga qulay bo‘lgan hududni tanlagan holda mazkur hududda test sinovlarida ishtirok etishlari mumkin.

📆 Test sinovlari qaysi fanlardan o‘tkazilishi, ro‘yxatga olish muddatlari va test sinovi o‘tkaziladigan sanalar yuqoridagi rasmda keltirilgan.

Bizni kuzating


@Talim_kanali✅️- Rasmiy taʼlim yangiliklari!
2.1k 0 19 5 4
Taʼlim kanali - Rasmiy yangiliklar 🎓

11 Dec, 13:15

Open in Telegram Share Report
⚡️Talabalar uchun poyezd chiptalariga 50 foizlik chegirma eʼlon qilindi

Respublika oliy taʼlim muassasalarida tahsil olayotgan talabalarga qishki taʼtil mobaynida mahalliy yoʻnalishdagi qatnovlar uchun chegirmalar eʼlon qilindi.

Barcha mahalliy yoʻnalishdagi yoʻlovchi poyezdlarining temir yoʻl hujjatining toʻliq qiymatidan 50% chegirma (SV/VIP klass vagonlaridan va yuqori tezlikda harakatlanuvchi “Afrosiyob” elektropoyezdlaridan tashqari) 23-dekabrdan 10-yanvarga qadar amal qiladi.

Chiptalarni sotib olish uchun talabalar pasport bilan temir yoʻl kassalariga tashrif buyurishi yoki elektron tarzda chipta xarid qilishda eticket.railway.uz saytidan foydalanishlari mumkin.


Bizni kuzating


@Talim_kanali✅️- Rasmiy taʼlim yangiliklari!
2k 0 8 3 6
Taʼlim kanali - Rasmiy yangiliklar 🎓

10 Dec, 15:34

Open in Telegram Share Report
🇺🇿Talabalar, shoshiling: chegirmali chiptalar sizni kutmoqda   
 
Uzbekistan Airways o‘rta maxsus, kasb-hunar va oliy ta’lim muassasalari talabalari uchun barcha mahalliy aviaqatnovlar ekonom-klass aviachiptalari tariflariga 50% gacha chegirma e’lon qiladi.  
 
❗Chegirma davlat muassasasida o‘qishni tasdiqlovchi hujjat asosida taqdim etiladi. Batafsil ma’lumot www.uzairways.com saytida.  
  
Chegirma 2024-yil 23-dekabrdan boshlab 2025-yil 7-yanvariga qadar amalga oshiriladigan aviaqatnovlar uchun amal qiladi. Bu qishda uyga qulay va arzon narxlarda parvoz qilish imkoniyatini boy bermang!  
  
50% gacha chegirmali aviachiptani Toshkentdagi Uzbekistan Airways Sales filialida, uning agentlaridan O‘zbekiston hududida va booking.uzairways.com saytida xarid qilishingiz mumkin. Yoʻlovchi tashish tariflariga qo‘shimcha ravishda turli soliqlar, yigʻimlar va to‘lovlar ham o‘rnatiladi. Ularga 50% gacha taqdim etiladigan chegirma amal qilmaydi.   

Bizni kuzating


@Talim_kanali✅️- Rasmiy taʼlim yangiliklari!
2.1k 0 2 2 14
Taʼlim kanali - Rasmiy yangiliklar 🎓

10 Dec, 07:23

Open in Telegram Share Report
PQ-421 (Jamoaviy sport turlari).pdf
8.3Mb
⚡️“Maktab ligasi”, “Talabalar ligasi”, “Oliy ta'lim kubogi” va “Rektor kubogi” musobaqalari o'tkaziladi

“Jamoaviy sport turlarini rivojlantirish va iqtidorli yoshlarni saralab olish tizimini takomillashtirish chora-tadbirlari to'g'risida”gi Prezident qarori (PQ-421-son, 04.12.2024 y.) qabul qilindi


🔰 Qarorga ko'ra, 2025/2026 o'quv yilidan barcha davlat universitetlarida voleybol, basketbol, gandbol, regbi, chim ustida xokkey, suv polosi jamoaviy sport turlari bo'yicha, boshqa davlat oliy ta'lim muassasalarida kamida 3 ta jamoaviy sport turlari bo'yicha sport klublari tashkil etiladi.

🗓 2025/2026 o'quv yilidan jamoaviy sport turlari bo'yicha quyidagi sport musobaqalarini o'tkazib borish yo'lga qo'yiladi:

🔹“Maktab ligasi”;
🔹“Talabalar ligasi” va “Oliy ta'lim kubogi”;
🔹“Rektor kubogi”.

2025/2026 o'quv yilidan boshlab maktab sport klublarida kamida 2 ta jamoaviy sport turlarini rivojlantirish hamda 2 mln nafar o'quvchini qamrab olish rejalashtirilgan.

🏢 Vazirlik va idoralar, xo'jalik birlashmalari, davlat ishtirokidagi tijorat banklari va korxonalarda kamida 3 ta jamoaviy sport turlari bo'yicha sport klublari tashkil qilinadi.

❕Bunda jamoaviy sport turlari bo'yicha idoraviy tashkilotlar kesimida “Rahbar kubogi”, mahalliy hokimliklar kesimida “Hokim kubogi” musobaqalari o'tkazib boriladi.

Bizni kuzating


@Talim_kanali✅️- Rasmiy taʼlim yangiliklari!
2k 0 7 2 5
Taʼlim kanali - Rasmiy yangiliklar 🎓

9 Dec, 15:27

Open in Telegram Share Report
Imtiyozlar reyestri.pdf
1.3Mb
⚡️Oʻqishga kirishda 41 imtiyoz bor

🔠 Davlat qabul komissiyasining 2022-yil 29-dekabrdagi 10-son majlis bayoni bilan “Davlat OTMlariga kirish uchun berilgan imtiyozlarning yagona REYESTRI” tasdiqlangan.

Reyestrdan 41 ta imtiyoz turi oʻrin olgan:

1. Imtihonsiz qoʻshimcha davlat granti asosida talabalikka tavsiya etish boʻyicha imtiyozlar (15 ta);
2. Imtihonsiz bazaviy toʻlov-kontrakt asosida talabalikka tavsiya etish boʻyicha imtiyozlar (4 ta);
3. Tegishli fan boʻyicha imtihondan ozod etilib, maʼlum miqdorda ball berish boʻyicha imtiyozlar (5 ta);
4. Toʻplangan ballga nisbatan qoʻshimcha ball berish boʻyicha imtiyozlar (2 ta);
5. Qoʻshimcha kvota doirasida tanlovda ishtirok etish boʻyicha imtiyozlar (12 ta);
6. Qoʻshimcha imtiyozlar (3 ta).

Bizni kuzating


@Talim_kanali✅️- Rasmiy taʼlim yangiliklari!
3.1k 1 35 1 7
Taʼlim kanali - Rasmiy yangiliklar 🎓

9 Dec, 08:05

Open in Telegram Share Report
❔ "Qishki perevod"da nima mumkin-u, nimalar mumkin emas?

✅ Quyidagilar mumkin:

➖ Boshqa viloyatga turmushga chiqqani sababli o'sha hududga o'qishini ko'chirishi (o'zining yo'nalishiga yoki mos va turdosh yo'nalishga ko'chirishi, xoxlasa ta'lim shaklini ham o'zgartirib ko'chirishi ham mumkin);
➖ Ota-onasi yoki turmush o'rtog'i davlat xizmatchisi bo'lib, ularning doimiy ish koyi boshqa viloyatga ko'chirilgani sababli (bunda ham yuqoridagi singari shakllarda perevod qilish mumkin);
➖ Faqatgina davlat oliygohidan boshqa davlat oliygohiga uzrli sababga ko'ra tegishli tartibda ko'chira olish.

❌ Quyidagilar mumkin emas:

➖ Ichki perevod (bir oliygoh ichida ta'lim yo'nalishini yoki ta'lim shaklini o'zgartirish);
➖ Bir hudud doirasida boshqa oliygohga ko'chirish (masalan bir viloyatdagi boshqa oliygohga o'qishni ko'chirish);
➖ Xorijiy yoki respublika hududidagi ularning filiallaridan o'qishni ko'chirish;
➖ Davlat oliygohlaridan xususiy oliygohlarga o'qishni ko'chirish;
➖ Xususiy oliygohlardan davlat oliygohlariga o'qishni ko'chirish;
➖ Xususiy oliygohlar o'rtasida o'zaro o'qishni ko'chirish harakatlari;
➖ Xususiy oliygoh bilan bog'liq har qanday o'qishni ko'chirish jarayonlari;
➖Xorijdan davlat yoki xususiy oliygohlarga o'qishni ko'chirish.

❗️ IZOH: Qishki qabul jarayonlarida o'qishni ko'chirish hech qanday maxsus imtihonlariz o'tkaziladi. Taqdim etilgan hujjatlar vazirlik komissiyasi tomonidan ko'rib chiqilib, shunga asosan xulosa beriladi.

Bizni kuzating


@Talim_kanali✅️- Rasmiy taʼlim yangiliklari!
2.1k 0 16 6 1
20 last posts shown.