#tavallud
#xotira
Taniqli geograf Hamidulla Hasanov — „Oʻzbek Magellani“!
Bugun biz geografiya ilmining rivojiga salmoqli hissa qo‘shgan, ilm-fan yo‘lidagi fidokorona mehnati bilan nafaqat O‘zbekiston, balki butun Markaziy Osiyoda ilmiy maktabni shakllantirgan taniqli olim Hamidulla Hasanovich Hasanov tavalludining 106 yilligini munosabati bilan esga olamiz!
Hamidulla Hasanovich Hasanov — taniqli geograf olim, geografiya fanlari doktori, professor, O‘zbekistonda xizmat ko‘rsatgan fan arbobi, geografik tadqiqotlar tarixi va tabiiy geografiya sohasida muhim ilmiy izlanishlarni amalga oshirgan ko‘zga ko‘ringan ma’rifatparvar shaxs.
Hamidulla Hasanovich 1919-yil 19-yanvarda Toshkent shahrining Qoratosh mahallasida ziyoli-tadbirkor oilasida tug‘ilgan. Otasi Hasanboy o‘qimishli, tadbirkor inson bo‘lib, rus tilini mukammal bilgan. Onasi Latifabibi ham zamonasining ma’rifatli ayollaridan edi. Bir yoshida otasidan ayrilgan Hamidulla Hasanovich onasining tarbiyasida voyaga yetgan.
1936-yilda o‘rta maktabni tamomlagach, u O‘rta Osiyo Davlat universitetining (hozirgi O‘zbekiston Milliy universiteti) geologiya-tuproqshunoslik-geografiya fakultetiga o‘qishga kirib, 1941-yilda muvaffaqiyatli bitirgan.
Hamidulla Hasanovichning faoliyati 1937-yilda Toshkentdagi 35-maktabda geografiyadan dars berishdan boshlandi. Keyinchalik u 1941-1946-yillarda Sovet Armiyasida xizmat qilib, Kaspiy dengizi janubi-sharqidagi harbiy aerodromda bosh sinoptik lavozimida faoliyat yuritdi. Urushdan keyingi yillarda “Qizil O‘zbekiston” va “Yosh leninchi” gazetalarida adabiy xodim, keyinchalik O‘zbekiston Maorif vazirligida geograf-metodist, Pedagogika fanlari ilmiy-tadqiqot institutida ilmiy xodim sifatida mehnat qildi.
1950-1953-yillarda Sobiq Ittifoq Fanlar Akademiyasining geografiya ilmiy-tadqiqot institutida aspirantura o‘qib, geografik atamalar va ularning o‘zbek tilidagi qo‘llanilishiga bag‘ishlangan nomzodlik dissertatsiyasini himoya qildi. 1967 yilda u o‘rta asrlardagi O‘rta Osiyo olimlarining geografiya sohasidagi ilmiy merosi haqida doktorlik dissertatsiyasini himoya qilib, geografiya fanlari doktori darajasini oldi.
Hamidulla Hasanovich Toshkent davlat universitetining geografiya fakultetida uzoq yillar davomida faoliyat yuritdi. U 1968-1969 yillarda fakultet dekani, 1983 yildan umrining oxirigacha tabiiy geografiya kafedrasi mudiri lavozimida ishlagan. Olimning ilmiy tadqiqotlari geografik terminologiya, toponimika, tabiiy geografiya, geografiya o‘qitish metodikasi kabi yo‘nalishlarni qamrab olib, o‘zbek geografiya maktabining rivojlanishiga ulkan hissa qo‘shdi.
Hamidulla Hasanovichning muhim asarlaridan ba’zilari: “Geografik nomlar imlosi” (1962), “O‘rta Osiyo geografik nomlari tarixidan” (1965), “O‘rta Osiyolik geograf va sayyohlar” (1964), “Yer tili” (1977), “Sayyoh olimlar” (1981), “Geografik nomlar siri” (1985). Ushbu asarlar ilmiy tarix, geografik tadqiqotlar va geografik bilimlarni ommalashtirishga muhim hissa qo‘shgan.
Hamidulla Hasanovich Hasanovning ilmiy va pedagogik merosi bugungi kunda ham o‘z ahamiyatini saqlab qolmoqda. Ustoz milliy geografiya fanining rivojiga ulkan hissa qo‘shgan va minglab shogirdlarni ilm yo‘liga yetaklagan. 1985-yilda olimning hayoti yakun topdi, ammo ustozning yorqin xotirasi va ilmiy ishlari abadiy saqlanib qoladi.
@tabiiygeografiya
#xotira
Taniqli geograf Hamidulla Hasanov — „Oʻzbek Magellani“!
Bugun biz geografiya ilmining rivojiga salmoqli hissa qo‘shgan, ilm-fan yo‘lidagi fidokorona mehnati bilan nafaqat O‘zbekiston, balki butun Markaziy Osiyoda ilmiy maktabni shakllantirgan taniqli olim Hamidulla Hasanovich Hasanov tavalludining 106 yilligini munosabati bilan esga olamiz!
Hamidulla Hasanovich Hasanov — taniqli geograf olim, geografiya fanlari doktori, professor, O‘zbekistonda xizmat ko‘rsatgan fan arbobi, geografik tadqiqotlar tarixi va tabiiy geografiya sohasida muhim ilmiy izlanishlarni amalga oshirgan ko‘zga ko‘ringan ma’rifatparvar shaxs.
Hamidulla Hasanovich 1919-yil 19-yanvarda Toshkent shahrining Qoratosh mahallasida ziyoli-tadbirkor oilasida tug‘ilgan. Otasi Hasanboy o‘qimishli, tadbirkor inson bo‘lib, rus tilini mukammal bilgan. Onasi Latifabibi ham zamonasining ma’rifatli ayollaridan edi. Bir yoshida otasidan ayrilgan Hamidulla Hasanovich onasining tarbiyasida voyaga yetgan.
1936-yilda o‘rta maktabni tamomlagach, u O‘rta Osiyo Davlat universitetining (hozirgi O‘zbekiston Milliy universiteti) geologiya-tuproqshunoslik-geografiya fakultetiga o‘qishga kirib, 1941-yilda muvaffaqiyatli bitirgan.
Hamidulla Hasanovichning faoliyati 1937-yilda Toshkentdagi 35-maktabda geografiyadan dars berishdan boshlandi. Keyinchalik u 1941-1946-yillarda Sovet Armiyasida xizmat qilib, Kaspiy dengizi janubi-sharqidagi harbiy aerodromda bosh sinoptik lavozimida faoliyat yuritdi. Urushdan keyingi yillarda “Qizil O‘zbekiston” va “Yosh leninchi” gazetalarida adabiy xodim, keyinchalik O‘zbekiston Maorif vazirligida geograf-metodist, Pedagogika fanlari ilmiy-tadqiqot institutida ilmiy xodim sifatida mehnat qildi.
1950-1953-yillarda Sobiq Ittifoq Fanlar Akademiyasining geografiya ilmiy-tadqiqot institutida aspirantura o‘qib, geografik atamalar va ularning o‘zbek tilidagi qo‘llanilishiga bag‘ishlangan nomzodlik dissertatsiyasini himoya qildi. 1967 yilda u o‘rta asrlardagi O‘rta Osiyo olimlarining geografiya sohasidagi ilmiy merosi haqida doktorlik dissertatsiyasini himoya qilib, geografiya fanlari doktori darajasini oldi.
Hamidulla Hasanovich Toshkent davlat universitetining geografiya fakultetida uzoq yillar davomida faoliyat yuritdi. U 1968-1969 yillarda fakultet dekani, 1983 yildan umrining oxirigacha tabiiy geografiya kafedrasi mudiri lavozimida ishlagan. Olimning ilmiy tadqiqotlari geografik terminologiya, toponimika, tabiiy geografiya, geografiya o‘qitish metodikasi kabi yo‘nalishlarni qamrab olib, o‘zbek geografiya maktabining rivojlanishiga ulkan hissa qo‘shdi.
Hamidulla Hasanovichning muhim asarlaridan ba’zilari: “Geografik nomlar imlosi” (1962), “O‘rta Osiyo geografik nomlari tarixidan” (1965), “O‘rta Osiyolik geograf va sayyohlar” (1964), “Yer tili” (1977), “Sayyoh olimlar” (1981), “Geografik nomlar siri” (1985). Ushbu asarlar ilmiy tarix, geografik tadqiqotlar va geografik bilimlarni ommalashtirishga muhim hissa qo‘shgan.
Hamidulla Hasanovich Hasanovning ilmiy va pedagogik merosi bugungi kunda ham o‘z ahamiyatini saqlab qolmoqda. Ustoz milliy geografiya fanining rivojiga ulkan hissa qo‘shgan va minglab shogirdlarni ilm yo‘liga yetaklagan. 1985-yilda olimning hayoti yakun topdi, ammo ustozning yorqin xotirasi va ilmiy ishlari abadiy saqlanib qoladi.
@tabiiygeografiya