Солиҳалар суҳбати.

🎲 “30-декабрь. Билимлар беллашуви” testi
🖊 20 ta savol · ⏱ 1 daqiqa

#эслатма

Ассаламу алайкум ва роҳматуллоҳи ва барокатуҳ.

Аллоҳ суйган илмга ошиқ диндошим.
Бугун кеч 18:00 да сонияли викторина мусобақамиз бўлиб ўтади.

Соат 18:30 да ўз натижаларини билиш учун барча иштирокчилар натижалари каналга жойланади.

Лекин бошқа обуначиларимизга ноқулайлик туғдирмаслиги учун сизлар ўз натижаларингиз билан танишиб олганингиздан сўнг 19:00 натижалар каналдан ўчириб ташланади.

Агар сизни профилингизда ""foydalanuvchi nomi"" деган жойга ( @ ) белгисидан сўнг исмингизни ёки бошқа бир сўзни ёзган бўлсангиз натижаларингиз худди шу ном орқали берилади.

Янгиликдан яқинларни ҳам хабардор қилиб қўйинг.

Бизни кузатишда давом этинг. Каналга обуна бўлинг. http://t.me/solihalar_suxbati

#мутолаа

Аллоҳдан қўрқишнинг 7️⃣ аломати

Имом Абу Лайс Самарқан­дий Аллоҳдан қўрқиш борасида бундай дейди: «Аллоҳдан қўрқишнинг аломати етти нарсада намоён бўлади:

1️⃣ Тилда: Аллоҳдан қўрққан одам тилини ёлғон, ғийбат, бошқаларга бўҳтон қилиш ва бекорчи сўзларни айтишдан тия­ди. Уни Аллоҳни зикр этувчи, Қуръон ўқувчи ва илмий музокаралар билан машғул аъзо ҳолида шай тутади.

2️⃣ Қалбда: Аллоҳдан қўрққан киши қалбида мусулмон қар­дошларига душманлик ҳис этмайди: ёлғон, бўҳтон ва ҳасад қилиш каби ғайриинсоний туйғуларни қалбидан ўчира­ди. Чунки ҳасад кишининг гўзал амалларини маҳв этади. Шунга кўра Аллоҳнинг Расули буюради: «Олов ўтинни еб битиргани каби ҳасад ҳам инсоннинг гўзал амалларини еб битиради”.
Эй ўқувчи, билки, ҳасад қалбларга жойлашиб, жамият ҳаётида катта зарарларга йўл очувчи ёмон касалликдир. Қалблардаги хасталиклар, яъни ёмон туйғулар, ёмон феъллар фақат илм ва амал туфайли муолажа топиши мумкин.

3️⃣ Кўзда: Аллоҳдан қўрққан одам ейиш, ичиш, кийиниш ва бошқа ишларда ҳам кўзини ҳаромдан сақлайди. Дунёга ҳирс ва ҳар нарсага эга бўлиш иштиёқи билан эмас, ибрат назари ила қарайди. Ҳалол бўлмаган нарсаларга қарашдан тийилади. Шунинг учун ҳам Аллоҳнинг Расули буюради: «Ким кўзини ҳаром нарсалар билан тўлдирса, Аллоҳ ҳам қиёмат куни унинг кўзини олов билан тўлдиради”.

4️⃣ Меъдада: Аллоҳдан қўрққан одам меъдасига ҳаром луқма бермайди. Чунки ҳаром луқма ейиш энг катта гуноҳлардан биридир. Шу боис Аллоҳнинг Расули буюради: «Инсон зоти меъдасига бир луқма ҳаром тушганда, бу луқма меъдасида қанча вақт турса, еру кўкдаги фаришталар ҳам унга шунча вақт лаънат айтадилар”.

5️⃣ Қўлда: Аллоҳдан қўрққан инсон қўлини ҳаромга узатмайди, аксинча, Аллоҳнинг ризосига уйғун нарсаларга узатади. Каъбдан бундай ривоят нақл этилган: «Аллоҳ яшил зумраддан бир бино яратган. Бу бинода етмиш минг доира ва ҳар доирада минг хона бор. Бу ерга фақатгина ўзига ҳаром нарса инъом этилганда ёлғиз Аллоҳдан қўрққани учун уни рад қилган кишилар киради”.

6️⃣ Оёқда: Аллоҳдан қўрққан одам исён йўлида эмас, Аллоҳга итоат йўлида одимлайди. Илм-маърифат ва яхши ахлоқ ўр­ганиш мақсадида олимлар ва солиҳ кишилар мажлисига боради.

7️⃣ Итоатда: Аллоҳдан қўрққан одам ёлғиз Аллоҳнинг ри­зо­си учун унга итоат этади. Риё, инсонларга ўзини ёки ишла­ри­ни кўз-кўз қилиш ва иккиюзламачиликдан сақланади.

Бизни кузатишда давом этинг.
https://t.me/solihalar_suxbati