Солиҳалар суҳбати.

#сўраган_эдингиз


Аллоҳ таоло шундай деган: “У Зот: “Бас, у(жаннат)дан туш! Сен учун унда мутакаббирлик қилиб юриш йўқ. Бас, чиқ! Албатта, сен хору зор бўлгувчилардансан”, - деди. (Аъроф сураси 13-оят)

Расулуллоҳ соллаллоҳу алайҳи васаллам: «Кимки ўзини бошқалардан афзал, деб билса, ёки кибр-ҳаво билан юрса, Аллоҳ таборак ва таолони ғазабланган ҳолда учратади», деганлар. (Имом Табароний ривояти)

Хулоса:

1- Ушбу оятда шайтон алайҳи лаънанинг қиссаси зикр қилинмоқда.
2- Шайтонни жаннатдан чиқарган нарса кибр бўлди.
3- Иблис кибр сабаб роҳат ва фароғатдан маҳрум бўлди.
4- Мутакабир киши учун албатта хору зорлик бордир.
5- Ким ўз нафсига ҳаволанса ва кибрланса Аллоҳ таолонинг ғазабига дучор бўлади.
6- Кибр ҳаттоки, жаннат ичида бўлса ҳам зарар берди.
7- Жаннатда мутакаббирлар бўлмайди.
8- Жаннат аҳлини дўзах аҳлига айлантирган гуноҳ бу кибрдир


Роббимиз биз ожизларни мутакаббирликдан асрасин ва тавозеъли бандаларидан қилсин. Зеро, кибр Улуғлик ва Қудрат соҳиби бўлган Аллоҳгагина ярашади.

Бизни кузатишда давом этинг.
https://t.me/solihalar_suxbati

#биласизми

ДУОДА МАКРУҲ САНАЛГАН АМАЛЛАР

1. Овозни баланд кўтариш.

2. Икки бармоғи билан ишора қилиш.

3. Дуода ҳаддан ошиш (Масалан, Аллоҳдан ҳаром нарсани ёки гуноҳ ишни сўраш).

4. Мумкин бўлмаган нарсаларни сўраш, масалан, дунёда мангу қолишни сўраш каби

5. Қайтарилган бидъат-хурофотлар билан дуо қилиш.

6. Дуода сўзларни қофияли қилиш (Яъни, хушуъга эмас, қофияга берилиб кетиш).

7. Дуода истисно қилиш. Яъни, “Ё Аллоҳ, агар хоҳласанг, ундан қил, бундай қил”, дейиш.

Аслида “Ё Аллоҳ, иймонимни саломат қил, офият бер, икки дунё саодатига эриштир”, деб қатъий ишонч билан дуо қилинади.

Дуоларингизда мени ҳам унутманг.

Бизни кузатишда давом этинг. Каналга обуна бўлинг. https://t.me/solihalar_suxbati

​​​​#биласизми

ТАҲЛИЛ,  ТАСБЕҲ,  ТАКБИР,  ТАҲМИД  ва  ИСТИҒФОР.


Таҳлил бу — “Ла илаҳа иллаллоҳ”  калимасини айтиш, яъни, “Аллоҳдан ўзга илоҳ йўқ”  дейиш.

Тасбиҳ бу —“Субҳаналлоҳ” калимасини айтиш, яъни, “Аллоҳ ҳар қандай айбу-нуқсондан покдир” дейиш.

Такбир бу —“Аллоҳу акбар” калимасини айтиш, яъни, “Аллоҳ буюкдир” дейиш.

Таҳмид бу —“Алҳамдулиллаҳ” калимасини айтиш, яъни, “Аллоҳга ҳамду санолар бўлсин” дейиш.

Истиғфор бу — “Астағфируллоҳ” калимасини айтиш, яъни, “Аллоҳ менинг гуноҳларимни мағфират этсин (кечирсин)” дейиш демакдир.

Бизни кузатишда давом этинг. Каналга обуна бўлинг. https://t.me/solihalar_suxbati

#мутолаа

Бир киши бой қўлида беш дирҳам пул эвазига ижарачи бўлиб ишлаши, топган пули ҳеч нимага етмаётганидан Имом Шофеъийга шикоят қилди.
Ҳазрат бойнинг олдига бориб иш ҳақини беш дирҳамдан тўрт дирҳамга туширишни сўра, деб тавсия бердилар. Бояги киши ҳайрон бўлса ҳам, буйруққа итоат этди. Бироқ озгина вақт ўтганидан кейин яна қайтиб келди, ҳолати яхши томонга ўзгармаганини айтди. Имом Шофеъий бу сафар тўрт дирҳамни уч дирҳамга камайтириш зарур, деди. Бечора камбағал қанчалик ғалати туюлмасин маслаҳатга амал қилди. Орадан ҳеч қанча ўтмай ҳалиги киши хурсанд ҳолда Шофеъийнинг олдига келди.
Тавсиялари учун имомга миннатдорчилик билдириб, уч дирҳам ҳамма эҳтиёжларига етаётганини айтди ва бу ишнинг сирини сўради. Ҳазрат аввалда беш дирҳам эвазига қилаётган иши аслида уч дирҳамлик эканини, қолган икки дирҳам унинг ҳаққи эмаслигини айтди. Бировнинг ҳаққи бўлган ўша икки дирҳам ҳалол меҳнат билан топилган уч дирҳамга аралашиб, унинг ҳам баракасини йўқотаётганини тушунтирди.
Ибрат: ҳаром ҳеч қачон барака келтирмайди. Ҳаромдан ўсган эт Дўзах ўтида ёнади. Шунинг учун топаётган пулларимизга ҳаром, шубҳа аралашишидан эҳтиёт бўлишимиз лозим.

"Тақво аҳлининг гўзал қиссалари" китобидан.


Каналга уланиш учун
https://t.me/solihalar_suxbati