Boks bo‘yicha Parij olimpiadasi chempioni, "O‘zbekiston iftixori" faxriy unvoni sohibi Asadxo‘ja Mo‘ydinxo‘jayev "Prezident sovg‘asi" sifatida berilgan Tahoe avtomobilida shahar ko‘chalari bo‘ylab 110 km/soat tezlikda harakatlanib, ushbu harakati aks etgan videoni o‘zining Instagram sahifasiga joyladi.

Hozirda ushbu video Instagramdan o‘chirilgan.

MJtKga binoan, Asadxo‘ja belgilangan tezlikdan 50 km/soat tezroq yurgani uchun atigi 3 mln 60 ming so‘m jarima to‘lashi kerak (9 barobar). Mukofotga berilgan 200 ming AQSh dollarini hisobga olsak, hali yana bunaqa qoidabuzarlikni 823 marta takrorlasa bo‘lar ekan.

Afsuski, barchasiga o‘zimiz aybdormiz, o‘zimiz... Instagramdagi video ostida 130 dan ortiq izohlar qoldirilgan bo‘lsa, ularning atiga 1-2 tasigina qoidabuzarlik haqida edi. Qolganlar Asadxo‘janing bu ishini maqtagan, 🔥 va 👍 kabi emodjilarni qoldirishgan. Hatto bittasi "Kazyollar olg‘a, 80 dan oshirgani uchun GAIga yozib beringlar endi" deya izoh qoldirgan (aslida shahar ichida 60 da yurish kerak).

Hammasiga o‘zimiz aybdormiz. Qoidabuzarliklarni maqtaymiz, buni ko‘z-ko‘z qilganlarni qo‘llab-quvvatlaymiz. Bunaqa qoidabuzarlarni "krutoy" deymiz, qoidaga amal qiladiganlarni "lox" deymiz. Qoidabuzarlarga qarshi kurashganlarni "kazyol" deymiz.

Shu sababli har kuni ko‘chalarimizda 10 ga yaqin insonlar avtohalokatdan vafot etaveradi. Kimlardir otasidan, kimlardir onasidan, kimlardir farzandidan ayrilib qolaveradi. Ming afsus...

❓Qoidabuzarligini internetga maqtanib joylaydiganlarning haydovchilik guvohnomasini bekor qilish haqidagi qonun qachon qabul qilinadi? Jarima ballari to‘g‘risidagi qonunni qachon oxiriga yetishadi? O‘zi umuman qachon tartibga solinadi bunaqa holatlar? Qachon qat’iy javobgarlik belgilangan davrlarga kelamiz? Nega uxlayapmiz? Pulini to‘lab, istaganini qilsa bo‘ladigan qonunlar sharmandalik emasmi?


👉 @xushnudbek 👈