Ajoyib she'rlar

* * *

Умрбод дегандинг,
Умрбод бирга,
Демакки умримиз тугаб бўлдими,
Жуссалар тирикку, ҳаёллар тирик,
Севгимиз ўлдими, кўнгил ўлдими?
Умрбод дегандинг,
Абадул абад,
Кетмас баҳоримсан,боримсан дердинг.
Айтгинчи, ёмғирдан сўнги камалак,
Қизғалдоқ баргидек омонатмидинг.
Гулханга айландинг, аммо зум ўтмай,
Ёниб бўлган шамга ўхшадинг, қолдинг.
Ишқим оловини беписанд билган,
Қанотлари куйган капалакмидинг.
Умрбод дегандинг,
Умрдек қисқа,
Иқрору, изхорлар ҳушимни олди.
Олов йўқ, сен йўқсан, ҳатто кул ҳам йўқ,
Куйган жароҳатлар чандиғи қолди.

Малика Тавфиқ

@sheriyat

Ey notavon,ey shayton
Mayli men bo'lay yomon
Yonimga kelsang agar
Bismillah deyman tomom

Chiroyli qilib menga
Ko'rsatma gunohlarni
Lanat bo'lsin senga deb
Yumaman guvohlarni

Jaxlim chiqib turgamda
Olovga cho'p qadama
Urib ,so'k gapir deyib
Haqsan deya atama

Qildirib gunoh ishni
Deysan albat yutaman
Ya rob kechirgin deya
Men mag'firat kutaman

Sherik bo'lmoq istaysan
Ham osh-u ovqatimga
Tezroq ye deb qistaysan
Chidolmay toqatimga

Ikki begona yolg'iz
Qolsa agar panada
Sherik bo'lish istaysan
Ishlaring besh yanada

Namozdan boshlansa so'z
Chidolmay Istmang oshar
Hali yoshsan o'ynab,kul
Deya yolg'onlaring toshar

Chiroylidir har so'zing
Tilingdan zahar tomar
Eslataymi ey layn
Bobom Hazrati Umar

Osiy bo'lmay men Yakkaga
Iymonimda qotaman
Nasib qilsa men Makkada
Senga toshlar otaman

✍ILYOSBEK

Muallifi bilan ulashing

Bizning kanal @Sheriyat

Assalom alekom xurmatli kanalimiz azolari bugun Kanalimiz adminkasi DUNYO XUSANOVA opamni tavallud topgan kunlari ekan. Opajon tabrikleman umriz uzoq Alloh bergan umrni oilayz davrasida sermazmun qilib otqazing ijod yulida muxlislarzni doim xursand qilib yuraverin bu yoshlani kopini koring ilohim butun jamoa nomidan tabriklayaman yana bir bir shukrona kun muborak opam🎂🎂🎂🎂🎂🎂🎂🎂🎂🎂🎂❤️❤️❤️❤️❤️❤️❤️❤️🌺🌺🌺🌺🌺🌺🌺🌺🌺🌺🫶🫶🫶🫶🫶🫶🫶🫶🥂🥂🥂🥂🥂🥂🥂🥂🫤🥳🥳🥳🥳🥳🥳🥳🥳🥳🥳🥳🤩🤩🤩🤩🤩🤩
Xurmat ila: Sojida Mansurova

@sheriyat

,,Azizim"

Sevdim oyog'ini ushlab ketdi baxt,
Quchog'ini ochib kutib oldi dard.
Men seni ko'zingni sevgandim faqat,
Sen qaysi ko'zlarni sevding azizim?

Tunning etagiga hasratib to'kib ,
Armonlar tubiga ketyabman cho'kib,
Qalbingdan muhabbat rishtasin so'kib,
Sen qaysi dillarni sevding azizim?

Nigohimni qadab qo'ygandim ahir,
Ayriliq azobi bo'larkan tahir,
Emasdingku sira bunday toshbag'r ,
Mehringni kimlarga berding azizim?

Quyoshin yo'qotib qo'ydi osmonim,
Yaxshiyding ,bir zumda bo'lding yomonim,
Qishdek qahratonga berkitib jonim,
Meni ne kuylarga solding azizim?

Ketsang ,hayotimga kirmagin edi,
Umidim eshigin ochmagin edi,
Sensizlik hayotim mazmunin yedi,
Mensiz ham shodmisan aytgin azizim?

✍ Munavvara Dilroz ✍

@sheriyat

Hazrati Usmon ibn Affon raziallohu anhu

Sizdan uzrlarni soraymiz bugun
Tugab borayotgan hayolar uchun
Bu maqom bir sizla bo'lgandi butun
Ummati eng hayolisi bõldingiz Usmon.

Bashariyat ko'rmadi bundayin maqom
Payg'ambarni ikki qizi etildi in'om,
Bu qanday sharaf qandayin ikrom
Ikki Nur sohibi bo'ldingiz Usmon

Ehsonni mahfiy va oshkora qilib ,
Rasululloh so'zini qonundek bilib,
Har Juma bittadan qul ozod qilib,
Jannat maqomini oldingiz Usmon.

Qur'onni kitobga keltirgan ham siz,
Qo'shinni jihozga to'ldirgan ham siz,
Nafsingiz batamom o'ldirgan ham siz,
Sobirlar imomi bo'ldingiz Usmon.

Lut A.Sdan so'ng topib siz jur'at
Ruxsat berilganda,keldi deb fursat
Oilangiz olibon qildingiz hijrat,
Molu jonni Haq uchun atagan Usmon

Bizni qalblarimiz bo'lib qoldi tosh
Shariatdan gapirilsa egilmaydi bosh
Siz Qabr eslatilsa tókardingiz yosh
Oxiratdan qo'rqib yig'lagan Usmon

Finta eshiklari ochilgan onda
Qilichlar qinidan yechilgan onda
Munofiqlar yuzlari ochilgan onda
Fitnalarga bardosh berdingiz Usmon

Hatto jon berar chog' topibsiz imkon
Boshda tig' tursayu qo'lizda Qur'on
Bu qayday ihlos a qandayin iymon
Musxabi qon bilan bezalgan Usmon

Har gal eshitganda siz haqingizda
Shodlanib gohida zavqqa to'laman
Insha Allah nasib qilsa agar
Jannatda siz bilan suhbat quraman.

✍ILYOSBEK

Muallif huquqi bilan ulashing

@Sheriyat

Boshdan boshlaymiz...

Kel, barini boshdan boshlaymiz,
Tanishamiz yana qaytadan.
Yana birga qadam tashlaymiz,
Bu safar MEN tashlab ketaman!

Kel, barini boshdan boshlaymiz,
Soxta hislar etamiz izhor.
Bu gal qoʻllarimiz tutmaymiz,
SEN qoʻl choʻzsang tutmayman zinxor!

Kel, barini boshdan boshlaymiz,
Singan bardosh endi seniki.
Azob chekish SENING navbating!
Hiyonatning gali meniki.

Kel, barini boshdan boshlaymiz,
"Sogʻindim" deb yozar qalaming.
Ismim aytib jilmayganingda,
Yanogʻingni yoqar alaming.

Kel, barini boshdan boshlaymiz,
Yoʻq boʻlaman hafta-haftalab.
MEN yoninga kelmayman hech ham,
Chaqirsangda million martalab!

Kel, barini boshdan boshlaymiz,
Koʻz yumasan nuqsonlarimga.
"Sevaman" deb aytmayman sira,
Zor boʻlasan yolgʻonlarimga!

Kel, barini boshdan boshlaymiz,
"Ketdim" deysan yana qaytasan.
Tinmay meni soʻragan oʻsha
Yuraginga la'nat aytasan!

✏ShohRux Anhu

@sheriyat

#премьера


Мен ошиққан Дунё шумиди, она,
Шумиди ёруғ деб ном олган макон.
Кўрдимку, одамлар зулмлар аро,
Зулматлар ичида сақлаяпди жон.

Мен ошиққан дунё шуми, онажон,
Чиркин ҳавосидан бўғзим куйяпди.
Бир юзда иккита афти борлари,
Менинг нафасимни тўсиб қўйяпди.

Бориб йўқламайди жигарни жигар,
Қўли қуруқларга узатмаслар қўл.
Шумиди одамлар қиёмат қадар,
Бир-бирин қулатиб кетаётган йўл.

Шумиди, онажон, Дунёси шуми,
Келганлар кетарин қўйган унутиб.
Хақнинг хузурига борса бўларми,
Шайтоннинг қўлини, йўлини тутиб.

Одамни қиришга ошиқса одам,
Оч қолган кимсани кўрмайди тўқлар.
Фақат ваъз ўқиса қиларкан алам,
Орият ҳақида номуси йўқлар.

Мен ошиққан дунё шуми, онажон,
Айтмаган эдингми оқу-қорасин.
Ким пулга чўмилиб юради ҳандон,
Ким ичга ютади мудом ноласин.

Мен ошиққан дунё шумиди она...



Малика Тавфиқ

@sheriyat

#премьера


Сенсизликка яраяпман мен,
Менсизликда сен соғу-омон.
Бормоқ учун изламадим йўл,
Келмоқ учун топмадинг имкон.

Сенсизликда ҳаётми ҳаёт,
Бунча қаттиқ бўлмаса бу жон.
Айрилиқда тириксан наҳот,
Соғинчларда тирикман ҳамон.

Сенсизликда келдими баҳор,
Уялмасдан, бўлмай хижолат.
Жим ёғдими қишларимда қор,
Ўша қорнинг оқлиги тухмат.

Кунларинг кун, тунларинг тунми,
Сенда йўқми соғинч деган ёв.
Менинг борда ўша душманим,
Жуда золим, жуда беаёв.

Шу ҳам яшаш, шу ҳам умрми,
Кутишларнинг сўнги бўлмаса.
Қандай хижрон, қандай фироқ бу,
Эзиб-эзиб кўнгли тўлмаса.

Сабр учун дунёга келиб,
Чидашларга яралдикми биз.
Сиғмадими оламларига,
Миттигина мухаббатимиз...



Малика Тавфиқ

@sheriyat