Республикамиз олимларининг тадқиқотларига кўра, зардуштийлик динининг муқаддас китоби бўлган “Авесто”, яъни, “Ҳаёт йўриқномаси” (асли “Овасто”)да ҳам муҳим иқтисодий фикрлар баён этилган. Жумладан, сунъий суғориш асосида деҳқончилик юритиш, она табиатни эъзозлаш, ҳайвонларни асраш, уларни ноўрин сўймаслик, уларга зуғум қилмаслик, тупроқ шароитини яхшилаш масалалари ёритилган.

“Алпомиш” достони халқимизнинг узоқ мозийдаги иқтисодий ҳаёти, ўзаро иқтисодий муносабатлари, давлат ва молия тизими, бошқа хусусиятлари орқали Марказий Осиёнинг тарихини ўрганишга ёрдам беради. Минг йил олдин иқтисодий асарлар яратилмаганлиги туфайли иқтисодий фикрлар фольклор асарларда ўз ифодасини топган.