Qiziriq tumani hokimligi Axborot xizmati

Bugungi qilingan ishlar hudud obodligi, aholi farovonligiga xizmat qilmoqda.

Qiziriq tumani ko‘chalari shaharsozlik qurilishining eng mukammal va zamonaviy ko‘rinishlarini o‘z ichiga olmoqda.
Bugungi kunda tumanning markazi va barcha mahallalar kundan kunga obodonlashtirilib, aholimiz uchun ko‘pgina qulayliklar yaratilmoqda.
Tuman hokimi tuman markazidan o‘tuvchi 4P 100 avtomobil yo‘lining yoqasidagi inshootlarning tashqi qismini ta’mirlash va obodonlashtirish borasidagi ishlar bilan tanishdi, shu bilan birgalikda daraxtlarga shakl berish, oqlash va obodlashtirish ishlari olib borilmagan joylarda mas’ullarga e’tiroz bildirdi. To‘liq amalga oshirilmagan ishlar uchun muddat belgilab berildi. Bundan ko‘zlangan maqsad go‘zal manzarani aks ettirish va aholimiz uchun qulayliklar yaratishdan iboratdir.

✍️ Qiziriq tumani hokimligi Axborot xizmati 

Rasmiy sahifalarimiz👇

Telegram| Facebook| Instagram | Youtube|Web-sahifa

Xabar berib borayotganimizdek, Prezidentimizning "Kambag‘allikdan farovonlik sari" dasturi doirasida Surxondaryo viloyatida 77 ta eng og‘ir toifadagi mahallalar tanlab olinib, ularda infratuzilmani yaxshilash va aholi turmush darajasini oshirishga qaratilgan keng qamrovli ishlar olib borilmoqda.

Qiziriq tumanida dasturga kiritilgan 5 ta mahallaning biri — "Takiya" mahallasi bo‘lib, u avvallari kambag‘allik darajasi yuqori va aholining tomorqadan samarali foydalanishi uchun yetarli sharoitlar mavjud bo‘lmagan hudud sanalardi.

Dastur asosida mahallada 3,2 kilometr ichki tuproq yo‘llar asfaltlandi, yirik hajmli suv nasosi o‘rnatilib, sug‘orish tizimlari tubdan yaxshilandi. Nasos tizimiga o‘rnatilgan quyosh panellari esa elektr energiyasini tejash imkonini yaratib, uzluksiz suv ta’minotini ta’minlamoqda.

Bu ishlar natijasida aholi tomorqalaridan samarali foydalanish, daromad topish va kambag‘allikdan chiqish imkoniyatiga ega bo‘lmoqda.

Bugun Surxondaryo viloyati hokimi Ulug‘bek Qosimov ushbu mahallaga tashrif buyurib, amalga oshirilgan ishlar, yaratilgan sharoitlar va aholining tomorqadan foydalanish holati bilan tanishdi.

Mutasaddilarga ishlarni izchil davom ettirish, dastur doirasida belgilangan infratuzilmani yanada yaxshilash ishlarini sifatli yakunlash vazifasi yuklatildi.

Surxondaryo.uz | Telegram | Facebook | Instagram | YouTube | X