#sakkizinchi_kun #xulq_atvor_iqtisodiyoti
Siz o‘zingiz ishongingiz kelgan narsaga ishonasizmi yoki aslida haqiqat bo‘lgan narsaga ishonasizmi?

Tasdiqlash tarafkashligi - bu shaxslarning mavjud ishonchlariga mos keladigan ma’lumotlarga ustuvorlik berishi va ularga zid bo‘lgan dalillarni e’tiborsiz qoldirishi bilan bog‘liq kognitiv hodisadir. Bu tarafkashlik esa qaror qabul qilishda ko‘pincha noto‘g‘ri xulosalarga olib keladi.

#misollar
.
Muayyan siyosiy qarashlarga ega bo‘lgan shaxslar faqat o‘z fikrlarini qo‘llab-quvvatlaydigan manbalardangina yangiliklar olishi, boshqa muqobil qarashlarni (hattoki ular to'g'ri bo'lsa-da) e’tiborsiz qoldirishiga sabab bo'ladi.
.
Xuddi shunday, ma’lum bir parhezga rioya qiluvchi odam uning foydasini tasdiqlovchi tadqiqotlargagina tayanadi. Aksincha bo‘lgan dalillarni rad etib turaveradi.
.
Sport muxlislari ham ko‘pincha hakamlarni o‘z jamoasiga qarshi qarorlar uchun ayblashadi, ammo o‘z foydasiga bo‘lgan shunga o‘xshash holatlarni shunchaki "unutishadi".
.
Biznes olamida tasdiqlash tarafkashligi jiddiy oqibatlarga olib kelishi mumkin. Ishga qabul qilish jarayonida rahbarlar nomzodning rezyumesi o‘zlarining oldindan belgilan olgan sifatlariga mos kelib qolsa, uning boshqa kamchiliklarini e’tibordan chetda qoldiradilar.

#xulosa
Tasdiqlash tarafkashligi nuqtai nazarni toraytiradi va tanqidiy fikrlashni bo‘g‘adi. Odamlarning muvozanatli, dalillarga asoslangan qarorlar qabul qilishiga to‘sqinlik qiladi.

#savol
Avval ishonib keyin xulosa qilasizmi yoki xulosa qilib olib keyin ishonasizmi?