Luna_Moon

​​#men_tugatgan_kitob
#spoyler
Ta'qiq mevasi
Nazar Eshonqul

Odam Ato, Momo Havo va Iblis o'rtasidagi afsonaning zamonaviy talqini - Ta'qiq mevasi. Asarni boshlaganimda falsafiy romanligini bildim va oxirigacha shu tarzda ketadi deb o'ylagandim. Lekin yozuvchi shunday asarga ham o'sha davrning maishiy va boshqa muammolarini ustalik bilan qo'shgan ekan. Bunga yorqin misol O. ning paxtaga borgan davrlari, undagi qiyinchiliklar, ko'zbo'yamachiliklar va paxtada uzoq muddat qolib ketishlar. Bular orqali o'sha davr talabalariga qo'yilgan talablar va tariximizni o'rgansa bo'ladi. Davr ruhi singdirilganligi uchun ham asar qiziqarli tus oladi. Qahramonlarimiz sevgi uchburchagi hosil qiladi va ularning taqdiri nima bilan tugaydi deb qiziqib o'qiysiz.

Havoni meva yeyishga undagan Iblis ushbu asarda ham shu ishini qilishga urinadi, faqat boshqacha ma'noda. Ya'ni gunohga boshlaydi. Afsuski, azaliy afsonaga binoan baribir gunoh sodir bo'ladi, faqat biz kutmagan holatda.
Asar 2 bobdan iborat. Birinchi bobi Havo haqida, uning hayoti, kasbi. Xuddi shu bobida O Havoni yoqtirsa kerak deb o'ylab turgandim. Ikkinchi bobi esa Malak haqida va bu bobini o'qigach O so'zsiz Malakni sevganiga guvoh bo'lamiz.

O.ning xarakteri juda yopiq. Odamovi. Men uni psixopat deb ham o'yladim. Xullas har bir shaxs chizgilari juda aniq yoritilgan asarda. O'qigach, albatta, yaxshi taasurotlar olasiz.


@oyjamol_books

​​#2024
#sarhisob

Film va seriallar

1. Cheksizlik hovuzi
2. Qotillik haqida qisqa film❤️
3. Forest Gump
4. Cho'qintirgan ota 1,2,3
5. Dushman ❤️
6. Neft ❤️
7. Shoushenkdan qochish
8. A beautiful mind ❤️
9. O'lik shoirlar jamiyati❤️
10. Manfur kimsalar
11. Oktyabr osmoni
12. Jinoyatchi, politsiyachi va iblis
13. You should have a left
14. Talk to me
15. Veronika lan'ati
16. Xotira kundaligi
17. Zodiak ❤️
18. Men iblisni ko'rdim
19. Jinsiy tarbiya 1-7 fasllar ❤️
20. Mashinist ❤️
21. Kub
22. Freddinikida 5 kecha
23. Faryod❤️
24. Malena
25. Psixo
26. Shamol ortidan yugurib
27. Devorning narigi tomoni
28. Tayyormisan yoki yo'q
29. Dengiz yonidagi Manchester
30. Naked
31. The heitfull eight ❤️
32. The silence of the lambs ❤️
33. Fargo❤️
34. Vivarium
35. Melanxoliya❤️
36. Bir zamonlar Gollivudda
37. Blade runner
38. Frankenshteyn
39. O'liklar sukunati
40. Seven
41. Sevgi haqida qisqa film❤️
42. Chernobyl 5 qism ❤️
43. Telba Maks
44. The usual suspects
45. Ozod Jango ❤️
46. Batman 1,2,3 (Nolan) ❤️
47. Anne with an E 4 seasons ❤️
48. 12 angry man ❤️
49. Oldboy
50. 500 days of summer
51. Shindler ro'yxati ❤️
52. Pulp fiction ❤️
53. The hunt ❤️
54. Hereditary
55. Sinister
56. American made
57. The good, the bad , the ugly
58. Babylon❤️
59. Dark seriali 3 sezon ❤️
60. Terrifier 1,2,3
61. Helloween
62. The substance❤️
63. Dune 1
64. Beetlejuice
65. Dumb and dumber
66. Inception
67. The wolf of uoll street❤️
68. Kakku uyasi uzra parvoz❤️
69. American Psycho
70. Oltinchi hissiyot ❤️
71. Hayot go'zal ❤️
72. The green mile ❤️
73. Oddiy askar Rayanni qutqarish❤️
74. 8 mile❤️
75. Taxi driver
76. Anora
77.The great beauty

❤️-eng yoqtirganlarim va tavsiya qiladiganlarim


P/s qolib ketganlarini qo'shib qo'yaman, esimga tushib qolsa

@oyjamol_books

​​#men_tugatgan_kitob
Yo'l (roman)
Ulug'bek Hamdam

Olis safarga chiqqan Inson. Bu yo'l siz-u biz bilgan odatiy yo'llardan emas. Bu o'zlikni anglash yo'li. Bu maqsadni tushunish yo'li. Yozuvchi asari orqali biz ma'lum bir qahramon bilan tanishmaymiz. Yo'lga chiqqan bir insonning yoziqlarini o'qiymiz. Asar vositali tarzda yoritilgan ma'no mazmunga to'la. Hikoya qiluvchi boshida Bozorga boradi, undagi har xil rastalarni ko'radi. Unga kavush beriladi va oxirida olib qo'yiladi. Bularning barchasi majoziy ma'noda bizga beriladigan ne'matlarni anglatadi. U adashadi, har xil ko'chalarga kirib ko'radi, turli yomon ishlar qiladi va anglaydi. Qanday yashash eng to'g'risi ekanligini tushunib yetadi. Islom dini tushuntiriladi.
Romanda hammasi tushda sodir bo'ladi. Unda o'tmish va hozir aralashib ketgan. Hayot va hayol yo'llari tutashgan inson hayoti yoritiladi. U inson o'ziga asar davomida quyidagi 3ta savolga javob qidiradi:
1. Men qayerdan keldim?
2. Nega keldim?
3. Qayerga boryapman?
Bu 3 savolga javob topganda esa, hayot yo'li oydinlashadi. U qay tariqa savollarga javob topganiga qiziqsangiz, kitobni o'qib ko'ring. Men mutolaa ilovasidan o'qidim


@oyjamol_books

Oyjamol's wishlist
View my online wishlist here.
https://mywishlist.online/w/nh0asg/oyjamols-wishlist

​​#film_tavsiya
#spoyler_bor


"

MEN CHARCHADIM, BOSS"

"Yashil milya" – bu fantastik yo'nalishda yaratilgan, ammo haqiqiy hayot muammolarini, ayniqsa ratsizmni ajoyib tarzda yoritib beruvchi film. Tom Hanks va Maykl Klark Dankan boshchiligidagi ijro takrorlanmas bo'lib filmning boshidan oxirigacha siz kuchli dramani his eta olasiz. Menimcha bu filmni ko'zyoshlarsiz ko'rishning iloji yo'q.

Film menga ayniqsa ratsizm g'oyasini shunday chuqur va ta'sirli usulda ochib bergani bilan juda qattiq ta'sir qildi. John Kofe(kofedagidaymas, shunaqa aytiladi aslida koffi kabi yoziladi) obrazining begunohligi va uning odamlarga yordam berishga bo'lgan xohishi jamiyatning qanchalik adolatsiz ekanligini ko'rsatib beradi. Ratsizmning nafaqat inson hayotiga, balki uning oqibatida inson o'zining qadrsizligini qabul qilib yashashiga katta ta'sir o'tgazganligini ko'rishimiz mumkin.

Film fantastik bo'lishiga qaramay, undagi voqealarga men ishondim, o'zi doim mo'jizalarga ishonib yuradigan odamman. John Koffining sirli qobiliyatlari va uning boshdan kechirganlari shunchalik mohirlik bilan tasvirlanganki, bu filmni tomosha qilganda, hatto fantastika ekanini unutasiz.

Sichqon Jingles janoblari ham filmning muhim elementlaridan biridir. U nafaqat bosh qahramonlar bilan o'ziga xos aloqani ifodalaydi, balki umid, begunohlik va mehr-muhabbatning timsoliga aylanadi. Sichqonchaning kichkina, ammo chuqur ahamiyatli obrazi qamoqxona ichidagi qattiq muhitga mehr va iliqlik bag'ishlaydi.


Hozirgi kunda ko'p davlatlarda o'lim jazosi yo'q qilingan va buni juda to'g'ri deb bilaman. Lekin insoniyat shunday jazolarni qo'llagan, uni boshidan kechirgan, buni unutib bo'lmaydi.

Film menga "qotillik haqida qisqa film" ni eslatib yubordi. Undayam o'lim jazosiga mahkum qilingan insonlar ichki kechinmalari, shu vaqtdagi holatlari aks ettirilgan edi.


Umuman olganda, "Yashil milya" – bu nafaqat ratsizm va adolatsizlik haqida, balki insoniylik, mehr-muhabbat va kechirim haqida ham chuqur ishlangan muhtasham asar. Ushbu filmni tomosha qilish har bir insonni o'z insoniy fazilatlarini qayta ko'rib chiqishga undaydi. Men hayotda qay darajada adolatliman? Atrofimdagilarga yoki ular menga yetarlicha mehribonmi? Adolatsizlik bo'lganda baralla ayta oldimmi? Yoki hamma kabi jim yashayapmanmi?


@oyjamol_books