Orifon.uz

1.Уммат аввал етакчи эди, чунки Қуръон ва суннат ҳаёт дастури эди, амалда эди. Энди эса ҳаммаси тилда бўлиб қолди...

2.Дарсликларга диний таълимни қўшиш,ҳар қандай таълимни мажбурламасдан болаларнинг қизиқишлари билан ўртоқлашиб, уларни қизиқтириб олиб бориш...

3.Яшашдан  мақсад ҳар бир ишда тавҳидни кўтариб юриш, яъни ҳар бир амални Аллоҳнинг розилиги учун бажаришим.

4. Коррупцияни...

5.Ўзгалар эмас, ўзининг камчилик хатолари билан машғул бўлишлик...

6.Кўпроқ илм ол, Қуръон ёдла... деган бўлардим.

♻️🌸♻️🌸♻️🌸♻️

┈•┈•┈•┈•❁✿❁•┈•┈•┈•┈•

Дўстларингизга ҳам улашинг!
@orifonuz

УЛУҒ ДАРЁНИ БОШЛАБ КЕЛ...

* بِسْمِ الله الرَّحْمنِ الرَّحِيمِ *

Келар бўлсанг, менга, эй дўст,
дили донони бошлаб кел,
Сўник ғофилни дуч қилма,
асл шайдони бошлаб кел!

Фалак, менга келар бўлсанг,
ҳама сайёралар қолсин,
Тун – ой, кундуз – қуёш, тонглар
ёниқ зуҳрони бошлаб кел!

Кўлу кўлмакни бахш айла
кўлу кўлмак фидосига,
Менга, эй ёр, улуғ уммон,
улуғ дарёни бошлаб кел!

Куну тундан насибам бер:
ато эт энг узун кундуз,
Сиридан энг узун кеча –
шаби Ялдони бошлаб кел.

Жаҳонда бахтга тўйганлар
манга дўст бўлмаги мушкул,
Манга ишқ ичра хор бўлган
дали, расвони бошлаб кел!

Санга бўлсин бу ирфонда
бари ашрофу аъёнлар,
Манга, эй дўст, дили султон,
руҳи подшони бошлаб кел!

Неча кенг дашту саҳрони
дили торларга тортиқ эт,
Манга ул Карбало янглиғ
буюк саҳрони бошлаб кел!

Рафиқ ўлмас муҳаббатда,
жунунда ҳиммати пастлар,
Ол-эй дўст, қитъалар – санга,
манга дунёни бошлаб кел!

Чала дўсту чала душман,
чала ул марду номардинг,
Менга қалби салим бир дўст,
етук барнони бошлаб кел!

Бисотда битта жоним бор,
уни мен Сенга бахш этдим,
Ҳудудсиз раҳматинг бирла
дари уқбони бошлаб кел!

Қиёмат кун Раҳим Раббим
ки, шояд раҳм этиб, поклаб,
Буюрса хос малакларга:
“Манга Мирзони бошлаб кел!..”

УСТОЗ МИРЗО КЕНЖАБЕК.

♻️🌸♻️🌸♻️🌸♻️

♻️🌸♻️🌸♻️🌸♻️

•┈•┈•┈•┈•❁✿❁•┈•┈•┈•┈•

Дўстларингизга ҳам улашинг!
@orifonuz

ДУО!!!!

Гарчи Уҳуд тоғича қарзингиз  бўлса ҳам...

Пайғамбаримиз соллаллоҳу алайҳи васаллам Муъоз ибн Жабал розияллоҳу анҳуга шундай дедилар: “Эй Муъоз, сенга бир дуо ўргатайми? Агар шу дуони қиладиган бўлсанг, Уҳуд тоғича қарзинг бўлса ҳам, Аллоҳ таоло у қарзингни адо қилишда ёрдамчинг бўлади”, – деб қуйидаги дуони таълим берганлар.

اللهم مَالِكَ الْمُلْكِ تُؤْتِي الْمُلْكَ مَنْ تَشَاء  وَتَنْزِعُ الْمُلْكَ مِمَنْ تَشَاء وَتُعِزُّ مَنْ تَشَاء  وَتُذِلُّ مَنْ تَشَاء  بِيَدِكَ الْـخَيْـر  إِنَّكَ عَلَى كُلِّ شَيْءٍ قَدِيرٌ . رَحْـمَانَ الدُّنْيَا وَالْآخِرَةِ وَ رَحِيمَهُمَا  تُعْطِي مَنْ تَشَاء  مِنْهَا وَ تَمْنَعُ مَنْ تَشَاء ، اِرْحـَـمْنِـي رَحْـمَةً تُغْنِينِـي بِهَا عَنْ رَحْمَةِ مَنْ سِوَاكَ.

Дуо: Аллоҳумма, мааликал мулки туътил мулка ман ташаа ва танзиъул мулка минман ташаа. Ва туъиззу ман таша ва тузиллу ман ташаа. Биядикал хойр. Иннака ъала кулли шайин қодиир. Роҳмаанад дунйаа вал ахироҳ. Ва Роҳиимаҳумаа. Туътии ман таша минҳаа ва тамнаъу ман ташаа. Ирҳамнии роҳматан, туғниинии биҳаа ъан роҳмати ман сиваак.

Маъноси: Аллоҳим, барча мол-мулкларнинг ягона соҳиби ўзингсан. Хоҳлаганинга мол-мулкни берасан, хоҳлаганингдан уни оласан. Хоҳлаганингни азиз қиласан. Хоҳлаганингни хор қиласан. Яхшилик сенинг қўлингдадир. Сен барча нарсага қодир Зотсан. Сен дунё ва охиратда раҳмат соҳибисан. Хоҳлаган бандангни Ўз раҳматинг ила сийлайсан. Хоҳлаган банданг бу бахтдан мосуво бўлади. Аллоҳим, менга  Сендан бошқани марҳаматига ҳожат қолдирмайдиган раҳматингни бергин.

РЎЗА ТУТУВЧИЛАР УЧУН   15--ЯНВАРЬ   ЧОРШАНБА  КУНИ   САҲАРЛИК ВА ИФТОРЛИК ВАҚТЛАРИ.
ТОШКЕНТ ВИЛ.   С. 6,12.  ИФТОР.  17-- 22.
БУХОРО ВИЛ  С. 6,25.ИФТОР.  17,45.

♻️🌸♻️🌸♻️🌸♻️

┈•┈•┈•┈•❁✿❁•┈•┈•┈•┈•

Дўстларингизга ҳам улашинг!
@orifonuz

Ғурурланишнинг зарари

Ҳотимул Асом раҳматуллоҳи алайҳ айтади: Булар тилло суви билан ёзиб қўйиладиган сўзлар:

1. Яхши маскан билан ғурурланма! Чунки жаннатдан кўра афзалроқ макон йўқ. Отамиз Одам алайҳис салом у ерда нимага йўлиққан бўлса, йўлиқди.

2. Кўп ибодат қилиш билан фахрланма! Шайтон узоқ ибодатидан кейин ҳам нимага йўлиққан бўлса, йўлиқди.

3. Илмнинг кўплигидан фахрланма! Чунки Балъам Аллоҳнинг исми Аъзамини яхши билар эди, лекин охир оқибат нима бўлганига қара! (Балъам ибн Бауро Баний Исроилнинг катта олимларидан бўлиб, Мусо алайҳиссалом замонасида яшаган, Исми Аъзамдан хабардор бўлган дуоси ижобатли олим эди. Охир-оқибат куфр келтириб ҳалокат топган.)

4. Солиҳ кишилар билан учрашиб турганингга фахрланма! Муҳаммад мустафо соллаллоҳу алайҳи васалламдан кўра солиҳроқ ва улуғроқ шахс бўлмаган. Лекин қариндошларидан айримлари у зотдан фойдаланишмади, аксинча душман бўлишди.

«Ҳикматлар чашмаси»дан.

♻️🌸♻️🌸♻️🌸♻️

♻️🌸♻️🌸♻️🌸♻️

•┈•┈•┈•┈•❁✿❁•┈•┈•┈•┈•

Дўстларингизга ҳам улашинг!
@orifonuz

БУХОРОГА ТЕГМАНГ, БИРОДАР!

Бухоро бу, "Жаннатул маъво",
Юрсанг, қалбинг бир ҳис сезади.
Бухоро бу," Қуббатул аъло",
Ҳар қадамда руҳлар кезади.

Бунда пок бўл, калиманг қайтар,
"Ла илаҳа иллааллоҳ!"де.
Мадад сўра яратган Зотдан,
"Сенда қувват,сендан паноҳ" де.

...Бу тупроққа бош эгган хонлар,
Соҳибқирон тушган отидан.
Бухорони тавоф айлаган,
Бўлса ҳамки кимнинг зотидан

Сирли шаҳар, сеҳрли эшик,
Очилмайди,тилсим осонга.
Боҳарзийга пешхезлик қилгач,
Бало етди, чингизий хонга.

Бу нур маскан, илоҳий гўша,
Таърифига йўқдир ниҳоя.
Фохира! деб ном бермиш Расул,
Аллоҳ ўзи қилур ҳимоя.

...Бухорони писанд этмаслар,
Зар кийди,сўнг ялонғоч бўлди.
Нон-тузин қадрига етмаслар,
Аввал тўйиб, сўнгра оч ўлди.

...Араб, муғул,оқпошшо-бари,
Бу заминга келиб етдилар.
Таладилар,хўрладилар, лек,
Ва охири ташлаб кетдилар.

...Бухоро бу "Қуббатул ислом",
Бухоро бу "Қалъаи иймон".
Боболарнинг номуси янглиғ,
Туғдек мағрур, минори Калон!

Бухоро бу, о, мўъжаз Макка,
Шаҳри ирфон, шаҳри авлиё.
Дерлар, тунлар унинг бағридан,
Само узра таралар зиё...

...Бухорога яхшилик тиланг,
Дуо айланг,сокин ва аста.
Буюк шаҳар кўз ёш тўкар, жим,
Захга ботган, юраги хаста.

...Бухорога тегманг биродар,
Етти пири мудом огоҳдир.
Баҳоуддин ҳазрат нафаси,
Ёмонларга оловли чохдир.

Бухорони севинг, эгинг бош,
Тупроғини тавоф этгайсиз.
Бухорони обод этганлар,
Ҳақ васлига сўзсиз етгайсиз!

БОБОҚУЛ УСМОН.

♻️🌸♻️🌸♻️🌸♻️

♻️🌸♻️🌸♻️🌸♻️

•┈•┈•┈•┈•❁✿❁•┈•┈•┈•┈•

Дўстларингизга ҳам улашинг!
@orifonuz

ТОНГДА ЎҚИЛАДИГАН ДУОЛАР.


Ўқилиши: Алҳамду лиллаҳиллазий аҳйана баъда ма аматана ва илайҳин нушур.

Маъноси: Бизни вафот эттиргандан кейин қайта тирилтирган Аллоҳга ҳамд бўлсин. Қайта тирилиш Унинг Ўзигадир


Ўқилиши: Алҳамду лиллаҳиллазий родда ъалаййа руҳий ва ъафаний фий жасадий ва азина лий бизикриҳи

Маъноси: Менга руҳимни қайтарган, жисмимга офият берган ва зикрини қилишимга изн берган Аллоҳга ҳамд бўлс


Ўқилиши: Лаа илаҳа иллаллоҳу ваҳдаҳу лаа шарийка лаҳу, лаҳул мулку ва лаҳул ҳамду ва ҳува ъала кулли шайин қодийр

Маъноси: Яккаю ёлғиз Аллоҳдан бошқа илоҳ йўқ. Унинг шериги ҳам йўқ. Мулк Уникидир. Унга ҳамд бўлсин. У ҳар бир нарсага Қ

Ўқилиши: Субҳаналлоҳи ва биҳамдиҳи

Маъноси: Аллоҳни поклаб ёд этаман ва У Зотга ҳамд а


Ўқилиши: Аллоҳумма бика асбаҳна ва бика амсайна ва бика наҳйа ва бика намуту ва илайкан нушур

Маъноси: Аллоҳим, Сенинг номинг ила тонг оттирдик, Сенинг номинг ила кеч киргиздик. Сенинг номинг ила тириламиз ва Сенинг номинг ила ўламиз ва Сенга қа


Ўқилиши: Бисмиллаҳиллазий лаа йазурру маъ исмиҳи шайун фил арзи ва лаа фис самааи ва ҳувас самъиул аълийм

Маъноси: Ер-у осмонда Унинг исми билан бўлганда бирор нарса зиён қила олмайдиган Зот Аллоҳнинг номи ила. У ўта эшитувчи ва ўта билувчидир.

Кимки ушбу зикрни эрталаб ва кечки пайт уч мартадан ўқиса, унга ҳеч бир нарса зиё


Ўқилиши: Ҳасбияллоҳу лаа илаҳа иллаҳу аълайҳи таваккалту ва ҳува Роббул аършил аъзийм

Маъноси: Аллоҳнинг ўзи менга кифоя. Ундан ўзга илоҳ йўқ. Айнан унга таваккал қилдим. У буюк Аршнинг Роббидир.

Расулуллоҳ соллаллоҳу алайҳи васаллам: “Кимки ушбу дуони эрталаб ва кечки пайт етти марта ўқиса, Аллоҳ таоло унинг дунёвий ва ухровий муҳим ишларига кифоя қилади”, деганлар (Имом Абу Довуд ривояти).

♻️🌸♻️🌸♻️🌸♻️

┈•┈•┈•┈•❁✿❁•┈•┈•┈•┈•

Дўстларингизга ҳам улашинг!
@orifonuz

ЎТА ИБРАТЛИ НАСИҲАТ!!!

Салжуқ вазириМуиниддин Парвона Ҳазрати Мавлонодан ўзига насиҳат қилишларини илтимос қилди. Ҳазрат Мавлоно билан вазир ўртасида шундай мулоқот кечди:

"Эшитдим ки, Қур'он ёдлаётган экансиз?"

-"Худди шундай, Ҳазрат!"

-"Яна эшитдим ки, Шайх Садруддиндан Ҳадис ўқиётган экансиз?"

-"Тўғри, Тақсир!"

-"Сиз Аллоҳ ва Расулининг сўзини, насиҳатини қулоқга олмаганингиздан ва халқга зулм этишда давом этганингиздан кейин, мен сизга қандай ва нимани насиҳат қилайин?
Бундан кейин менинг сўзимни тинглармидингиз?"

Самога сиғмаган Ишқ сафари сени кутмоқда…


Аллоҳ қалб кўзимизни очиб,
Барчамизни насиҳат тингловчи ва унга амал қилгувчилардан қилсин ва икки дунё саодатига эриштирсин!

♻️🌸♻️🌸♻️🌸♻️

♻️🌸♻️🌸♻️🌸♻️

•┈•┈•┈•┈•❁✿❁•┈•┈•┈•┈•

Дўстларингизга ҳам улашинг!
@orifonuz

​​Шайх Алихонтўра Соғуний раҳматуллоҳи алайҳнинг юрак қувватсизлиги ва камқонликка буюрган содда усули.

Дилшода ҳожи она шундай эслайдилар: “1970 йил. Онам (Азизапошша) юқори қон босимидан азият чекардилар. Бир куни оталарининг олдига бошлари оғриб, мазалари бўлмай борибдилар. Бувам (Алихонтўра Соғуний) онамнинг томирларини ушлаб текширибдилар. Юрагинг қуввати камайиб кетибди, дебдилар . Сўнгра буюрибдилар: - Сен қирқ кун мана шу муолажани қилгин, деб. Тадбир будир:
Ўнта янги, ишлатилмаган, тахминан, 7 смлик мих оласан. Михларни қайноқ сувда ярим соат, қирқ дақиқа қайнатиб, яхшилаб совуқ сувда ювиб, артилади. Иложи бўлса, михлар тоза мато ёки пахта билан артилади. Бир дона ўртача катталикдаги “семеринка” олма яхшилаб ювилади. Ўнта мих олманинг турли томонларидан санчиб қўйилади. Михларнинг учи олманинг иккинчи томонидан чиқиб туради. Бу ишни кечки соат еттиларда қилиб, бир идишга солиб, усти ёпиб қўйилади. Наҳорда михлар олиб ташланади. Михларини суғуриб олиб, олмани онамга берардим. Онам ўша олмани ердилар. Михларни яна қайнатиб, тозалаб, бир матога қуриши учун қўйиб қўярдим. Кечқурун яна бошқа олмага санчиб қўярдим.
Шуни онамлар қирқ кун еганлар. Сўнг бувамнинг олдиларига яна борганлар. Томирларини ушлатсалар, бувамлар: “Анча қувватга кирибсан, қизим”,-деганлар. Буни онам бувамнинг олдиларига бориб-келгандан кейин айтиб бергандилар. Энди бу камқонликка (анемияга) ҳам фойда қилади. Чунки, бунда темир кўп” .

Изоҳ:

Бунинг фойдаси: маълумки, темир моддаси организмга жуда керак. У икки ва уч валентлик бўлади. Михдаги темир уч валентлик, буни инсон танаси ўзлаштира олмайди. Уни икки валентликка ўтказиш ишини олмадаги кислоталар мукаммал бажаради ва михдаги зарур элементнинг бир қисми олмага ўтади.
Яна бир фойда: темир ошқозонга тушгани билан тўғридан-тўғри ўзи сўрилмайди.  Унга фолий кислотаси керак. Бу кислота эса, олмада бор.
Яна бир фойда: эрталаб истеъмол қилишни ҳикмати нимада? Наҳорга турганда инсонда сафро, замонавий тиббиёт бўйича ошқозон шираси (хлорид кислота) кўп бўлади. Бу кислота темирнинг яхши сўрилишига ёрдам беради. Хулоса: бемор темир моддасига тўйинтирилган маҳсулот истеъмол қилади. Натижада организмга темир моддаси сингади, камқонлик даволанади.
Яна бир фойда: олмада аскорбин кислотаси, яъни С витамини қон-томирлар мустаҳкамлигини таъминлайди, ҳамда иштаҳани очади.
Ундан ташқари, Ибн Сино “Юрак дорилари” рисолаларида олмани юракнинг совуқлик дориларига киритганлар.
Бу арзон, содда, халқчил усул бўлиб, ҳамма ҳам қўллаши мумкин. ТошПТИ Педиатрия кафедраси ассистенти Кулиева С. И. ўтган асрнинг 90-йилларида шу усулни кўпгина камқонлик билан азият чекувчиларга тавсия қилар эканлар. Биз у кишининг шогирди – Новиков С. А. хотираларидан ёзиб олдик. Бу киши ҳозиргача бу даволаш усулини қўллаб келар эканлар. Усуллар ўхшаб кетади: ўртача катталикдаги олмага қайнатиб тозаланган элликталик михни тиқиб қўйиб, кунига икки маҳал (эрталаб ва кечқурун), 10-15 кун давомида истеъмол қилиш (64-расмга қаранг).

"Шифоул-илал" асаридан.

♻️🌸♻️🌸♻️🌸♻️

♻️🌸♻️🌸♻️🌸♻️

•┈•┈•┈•┈•❁✿❁•┈•┈•┈•┈•

Дўстларингизга ҳам улашинг!
@orifonuz