Londondan muhabbat ila - Sara Jo
Kitobni qo'limdan qo'ymadim. Ayniqsa, bugun undan ajray olmadim. Qo'limda tutgancha uxlab qolibman. Tushlarimda hamroh bo'ladigan kitoblar kam, lekin bunisini juda yaxshi ko'rdim.
Kitob. Bir qarashda bir necha yuz varoqdan iborat "matncha". Muqovada uni aks ettiradigan kichik surat bo'ladi doim. Agar chinakam kitobxonniki bo'lsa, turli xil xatcho'p yoki gullar ham chiqib qolishi mumkin. Aslida esa aynan shu kitoblar bu dunyoning shovqinidan tin oladigan joyimiz. Qochib ketadigan maskanimiz. Bir o'ylab ko'ring-a, birgina kitobni olasiz va u bilan sayohat qiladigan, turli xil taqdirlarni chetdan kuzatadigan insonga aylanasiz. Tanangiz shu yerda tursa ham, o'zingiz har xil hayotni ta'tib ko'rasiz.
Eloiza. Sevimli qahramonim aylanib ulgurdi. Uning sevgisiga havasim keldi. Sevdi. Butun umri bilan, butun qalbi bilan. Ilk qarashlaridan to so'nggisiga qadar. Asar muhabbatga to'lib yozilgan. Taqdirlar kesishmalari esa yengilgina ulanib, ishoralar orqali o'quvchini esankiratib qo'ymaydi. Eng yoqqan tomoni, asar ikki kishining tilidan oldinma-ketin hikoya qilingani. Bir sahnadan ikkinchisiga o'tishda xuddi kinoteatrdagi parda yopilib, ochilganga o'xshaydi.
Aslida o'zimizga mos muhabbatni qanday topamiz? Qanday bilamiz uni umrbodlik ekanligini? Tavakkal qilish kerakmi? Sevib, keyin sevmay qo'yish-chi? Bo'lishi mumkin emasmi? Kitoblar hayotining mazmuni bo'lgan odamlar qanday seviladi? Ularni tushunuvchi topilishi qiyin emasmi? Ko'zlaring porlab, bir asar haqida gapirasan-u, u senga shunchaki tikilib tursa, og'ir botmaydimi? Ona va bolaning orasidagi sevgi-chi? Ayriliqlar azobi sevgining hajmiga qarab o'lchanadimi? Nega sevib turib, ayrilishadi? Nega sevib turib, ayirishadi?
Shuni bildimki, kitoblarni sevganlarni boshqa qancha o'xshashliklari bo'lmasin, ularga mehr qo'ymaganlar sevolmaydi. Orzulari uyqash bo'lmaydi. Chunki mana shu uydirma qahramonlar uchun kuyingan, sevingan odamlar haqiqiylari uchun ham shunday yonishadi. Birga yona olish esa qiyin masala.
@MinnesotanPeggy
Kitobni qo'limdan qo'ymadim. Ayniqsa, bugun undan ajray olmadim. Qo'limda tutgancha uxlab qolibman. Tushlarimda hamroh bo'ladigan kitoblar kam, lekin bunisini juda yaxshi ko'rdim.
Kitob. Bir qarashda bir necha yuz varoqdan iborat "matncha". Muqovada uni aks ettiradigan kichik surat bo'ladi doim. Agar chinakam kitobxonniki bo'lsa, turli xil xatcho'p yoki gullar ham chiqib qolishi mumkin. Aslida esa aynan shu kitoblar bu dunyoning shovqinidan tin oladigan joyimiz. Qochib ketadigan maskanimiz. Bir o'ylab ko'ring-a, birgina kitobni olasiz va u bilan sayohat qiladigan, turli xil taqdirlarni chetdan kuzatadigan insonga aylanasiz. Tanangiz shu yerda tursa ham, o'zingiz har xil hayotni ta'tib ko'rasiz.
Eloiza. Sevimli qahramonim aylanib ulgurdi. Uning sevgisiga havasim keldi. Sevdi. Butun umri bilan, butun qalbi bilan. Ilk qarashlaridan to so'nggisiga qadar. Asar muhabbatga to'lib yozilgan. Taqdirlar kesishmalari esa yengilgina ulanib, ishoralar orqali o'quvchini esankiratib qo'ymaydi. Eng yoqqan tomoni, asar ikki kishining tilidan oldinma-ketin hikoya qilingani. Bir sahnadan ikkinchisiga o'tishda xuddi kinoteatrdagi parda yopilib, ochilganga o'xshaydi.
Aslida o'zimizga mos muhabbatni qanday topamiz? Qanday bilamiz uni umrbodlik ekanligini? Tavakkal qilish kerakmi? Sevib, keyin sevmay qo'yish-chi? Bo'lishi mumkin emasmi? Kitoblar hayotining mazmuni bo'lgan odamlar qanday seviladi? Ularni tushunuvchi topilishi qiyin emasmi? Ko'zlaring porlab, bir asar haqida gapirasan-u, u senga shunchaki tikilib tursa, og'ir botmaydimi? Ona va bolaning orasidagi sevgi-chi? Ayriliqlar azobi sevgining hajmiga qarab o'lchanadimi? Nega sevib turib, ayrilishadi? Nega sevib turib, ayirishadi?
Shuni bildimki, kitoblarni sevganlarni boshqa qancha o'xshashliklari bo'lmasin, ularga mehr qo'ymaganlar sevolmaydi. Orzulari uyqash bo'lmaydi. Chunki mana shu uydirma qahramonlar uchun kuyingan, sevingan odamlar haqiqiylari uchun ham shunday yonishadi. Birga yona olish esa qiyin masala.
@MinnesotanPeggy