Тафаккур вақти:
Бир замонлар, яъни ҳайвонлар ёнма-ён яшаган бир даврда шер нима бўлибдию, қафасга тушиб қолибди. Бир неча кун ўтиб қорни очибди, аммо егулик йўқ.
Чиқишнинг ҳам йўлини қилолмабди. Бақирай деса, кимсан шер. Уялганидан атрофдан ёрдам сўролмабди. Шунда қафас ёнидан қўй ўтиб қолибди. Шер уятни йиғиштириб, қўйдан ёрдам сўрабди. Қўй уларни еб, қорнини тўйдирадиган шерни чиқаришга иккиланибди. Шунда шер:
- Агар мени чиқарсанг, сенга тегмайман, емайман ҳам, - деб ваъдани қуюқ қилибди. Ваъдага ишонган қўй шерни қафасдан озод қилибди.
Қорни оч шер уни ейишга чоғланганида қўй унга ваъдасини эслатибди. Шу тариқа улар ўртасида тортишув чиқибди.
Бу ҳодисадан хабар топган ҳайвонлар тўпланибди. Шер ва қўй воқеани айтиб берибди. Кимдир қўйнинг тарафини олса, яна кимдир шердан қўрқиб, унинг ёнини олибди.
Негадир биргина тошбақа жим турар, ҳеч кимга ён босмасди. Тошбақа:
- Мен унчалик яхши тушунмадим. Бошидан айтиб беринглар, - дебди. Эшитгач:
- Тушунмадим, шунда қўй келган пайтда шер қафасда бўлганми? - деб сўрабди ишонқирамай.
Шер:
- Ҳа, мен қафасда эдим, - дебди. Тошбақа:
- Яна бир кириб кўрсат ва ҳаммасини аниқ тушуниб олайлик, - дебди.
Шунда шер мағрурланиб қафасга кирибди. Тошбақа бўлса қафасни қайта бекитиб қўйибди.
Буни кузатиб турган ҳайвонлар бунинг сабабини сўрашибди:
- Агар қўйни ҳозир шерга ем қилдирсак, кейинчалик яна оч қолади ва ким билади бошимизга қандай кунларни солади, - деб доноларча жавоб қайтарибди.
https://t.me/ogohuzofficial
Бир замонлар, яъни ҳайвонлар ёнма-ён яшаган бир даврда шер нима бўлибдию, қафасга тушиб қолибди. Бир неча кун ўтиб қорни очибди, аммо егулик йўқ.
Чиқишнинг ҳам йўлини қилолмабди. Бақирай деса, кимсан шер. Уялганидан атрофдан ёрдам сўролмабди. Шунда қафас ёнидан қўй ўтиб қолибди. Шер уятни йиғиштириб, қўйдан ёрдам сўрабди. Қўй уларни еб, қорнини тўйдирадиган шерни чиқаришга иккиланибди. Шунда шер:
- Агар мени чиқарсанг, сенга тегмайман, емайман ҳам, - деб ваъдани қуюқ қилибди. Ваъдага ишонган қўй шерни қафасдан озод қилибди.
Қорни оч шер уни ейишга чоғланганида қўй унга ваъдасини эслатибди. Шу тариқа улар ўртасида тортишув чиқибди.
Бу ҳодисадан хабар топган ҳайвонлар тўпланибди. Шер ва қўй воқеани айтиб берибди. Кимдир қўйнинг тарафини олса, яна кимдир шердан қўрқиб, унинг ёнини олибди.
Негадир биргина тошбақа жим турар, ҳеч кимга ён босмасди. Тошбақа:
- Мен унчалик яхши тушунмадим. Бошидан айтиб беринглар, - дебди. Эшитгач:
- Тушунмадим, шунда қўй келган пайтда шер қафасда бўлганми? - деб сўрабди ишонқирамай.
Шер:
- Ҳа, мен қафасда эдим, - дебди. Тошбақа:
- Яна бир кириб кўрсат ва ҳаммасини аниқ тушуниб олайлик, - дебди.
Шунда шер мағрурланиб қафасга кирибди. Тошбақа бўлса қафасни қайта бекитиб қўйибди.
Буни кузатиб турган ҳайвонлар бунинг сабабини сўрашибди:
- Агар қўйни ҳозир шерга ем қилдирсак, кейинчалик яна оч қолади ва ким билади бошимизга қандай кунларни солади, - деб доноларча жавоб қайтарибди.
https://t.me/ogohuzofficial