ЭРКАК ПУЛЬСИЗ ҚОЛГАНДА ЁМОН

Омад қувиб солганда ёмон,
Тақдир бахтин олганда ёмон.
Инсон қадри пуллик замонда,
Эркак пульсиз қолганда ёмон.

Чойхонага айтмас ошналар,
Менсимайди баланд пошналар.
Йўқчиликда кўзлар ёшланар,
Эркак пульсиз қолганда ёмон.

Кетар экан ҳамма ҳар тараф,
Биров турмас кунинга яраб.
Гаплашишар чўнтакка қараб,
Эркак пульсиз қолганда ёмон.

Давринг келса мақтаб сизлашар,
Бирам ширин ширин сўзлашар.
Жигарлар ҳам фойда кўзлашар,
Эркак пульсиз қолганда ёмон.

Камбағалга қиз берар қай жой,
Совчи қўйиб турганида бой.
Кимга ёқмас машина, сарой,
Эркак пульсиз қолганда ёмон.

Миннатга дучор қилма Худо,
Ўзига бер хор қилма Худо.
Бандасига зор қилма Худо,
Эркак пульсиз қолганда ёмон.

✍ Одилбек Қодиров

❤️ 𝗞𝗮𝗻𝗮𝗹 | 𝙾𝚍𝚒𝚕𝚋𝚎𝚔 𝚀𝚘𝚍𝚒𝚛𝚘𝚟