#shaxsiy_fikr

Agar o'g'il farzand ulug'vorlik belgisi bo'lganda edi, Allohim Payg'ambarimiz🤎ga faqat o'g'il berardi. Lekin, Fotima onamizni jannat sayyidalaridan biri qilib qo'ydi

O'g'ilmi qizmi Allohni berganida deyishadiyu, ayrimlar qiz farzandga o'g'ilchalik suyunishmaydi. Yoki bir ayol ketma ket qiz dunyoga keltirsa "qiz tug'arda" deb qo'yishadi. O'g'ilga emas, qiz o'stirib, tarbiya qilganga jannat bashorati borligini unutishadi.

Ayoldan payg'ambar chiqmagan deyishadi ammo unutishadiki, payg'ambarlarni dunyo ayol keltirgan edi. Buxoriydeklarga tarbiyani ayol bergan edi.
Odamdan keyin yaratilgan Havvo edi
Ismoilni o'stirgan Xojar edi.
Musoni asrab olgan Osiyo edi.
Hech kimning haddi sig'magan, nima qilarini bilmay qotib qolgan bir payt Rosululloh ﷺ ning ustlaridagi ichak-chovoq axlatlarni olgan Fotima onamiz edi. Sahobalar qolib, islomni ilk qabul qilgan odam Xadicha onamiz edi.

Soliha ayol iymonning yarmi deyildi. Birinchi farzandi qiz bo'lgan ayol barakali deyildi.

Yana bir hadisda shunday deyiladi.

"Kimning farzandi bo‘lsa, u farzandni Allohning ne’mati deb bilsin. Zero, Alloh istagan kishiga qiz, istagan kishiga o‘g‘il beradi, istaganiga har ikkisini beradi, istaganini esa befarzand qiladi. U zot har narsani biluvchi va qudrat egasidir."

Bir homilador ayolning qiz yoki o'g'il dunyoga keltirishi na uning nasabi, na onasi, na ajdodi va na boshqa narsasiga tegishli. Hadisda bu haqida ham aytilgan, tibbiyotda ham hammaning bundan xabari bor.

Lekin jamiyatimizda negadir qiz tug'ish ayolning aybidek qaraladigan streotip bor. Haligacha borligi achinarli holat ..