Forward from: Nurboy Jabborov saboqlari
IMOM BUXORIY VA HADIS MA’RIFATI
Bu ulug‘ alloma ilmiy merosini anglamay turib, ma’rifatli bo‘lish imkonsiz. Payg‘ambarimiz Muhammad Mustafo sallollohu alayhi vasallam hadislarini to‘plash, o‘rganish va avlodlar mulkiga aylantirishda hadis ilmining sultoni Abu Abdulloh Muhammad ibn Ismoil al-Buxoriyning xizmatlari nechog‘liq katta ekanini butun islom olami e’tirof etadi.
Imom Buxoriy 194 hijriy, 810 milodiy sanada Buxoro shahrida tavallud topgan. Bolaligidanoq hadislarni yod ola boshlagan olimning quvvai hofizasi shu qadar kuchli bo‘lganki, bu haqda taniqli muhaddislardan Hoshid ibn Ismoil ibn Iso al-G‘azzol quyidagilarni yozgan: “Imom al-Buxoriy o‘spirin chog‘imizda biz bilan birga Basra mashoyixlaridan hadislar eshitardi. Hammamiz ustozlardan o‘rgangan hadislarni yozib olar edik, al-Buxoriy esa hech narsa yozmay, faqat tinglab o‘tirardi. Shu tariqa o‘n olti kun o‘tgach, u bizdan: “Nazarimda, ko‘p hadis yozib yubordingiz, qani, menga yozganlaringizni ko‘rsatinglar-chi?” – deb qoldi. Hisoblab ko‘rsak, o‘n besh mingdan ortiq hadis yozib olibmiz. Shunda al-Buxoriy ularning hammasini yoddan aytib berdilar, hatto ustozlardan yozgan hadislarimiz matnida yo‘l qo‘yilgan xatolarni uning yoddan aytganlariga qarab tuzatib ham oldik”.
Imom Buxoriy butun umrini hadis ilmi rivojiga bag‘ishladi. Uning 7275 ta eng ishonchli, eng mo‘tabar hadislarni jamlagan “Al-Jomi’ as-sahih” asari butun Islom olamida ma’lum va mashhurdir. Bu hadislarning sahih (ishonchli) ekani boisi Imom Buxoriy hazratlari dunyo kezib, hadislar to‘plagan. Bu hadislarni olimlar tasdig‘idan o‘tkazgandan so‘nggina jamlab, kitob holiga keltirgan. Davomi...
Nurboy Jabborov
Bu ulug‘ alloma ilmiy merosini anglamay turib, ma’rifatli bo‘lish imkonsiz. Payg‘ambarimiz Muhammad Mustafo sallollohu alayhi vasallam hadislarini to‘plash, o‘rganish va avlodlar mulkiga aylantirishda hadis ilmining sultoni Abu Abdulloh Muhammad ibn Ismoil al-Buxoriyning xizmatlari nechog‘liq katta ekanini butun islom olami e’tirof etadi.
Imom Buxoriy 194 hijriy, 810 milodiy sanada Buxoro shahrida tavallud topgan. Bolaligidanoq hadislarni yod ola boshlagan olimning quvvai hofizasi shu qadar kuchli bo‘lganki, bu haqda taniqli muhaddislardan Hoshid ibn Ismoil ibn Iso al-G‘azzol quyidagilarni yozgan: “Imom al-Buxoriy o‘spirin chog‘imizda biz bilan birga Basra mashoyixlaridan hadislar eshitardi. Hammamiz ustozlardan o‘rgangan hadislarni yozib olar edik, al-Buxoriy esa hech narsa yozmay, faqat tinglab o‘tirardi. Shu tariqa o‘n olti kun o‘tgach, u bizdan: “Nazarimda, ko‘p hadis yozib yubordingiz, qani, menga yozganlaringizni ko‘rsatinglar-chi?” – deb qoldi. Hisoblab ko‘rsak, o‘n besh mingdan ortiq hadis yozib olibmiz. Shunda al-Buxoriy ularning hammasini yoddan aytib berdilar, hatto ustozlardan yozgan hadislarimiz matnida yo‘l qo‘yilgan xatolarni uning yoddan aytganlariga qarab tuzatib ham oldik”.
Imom Buxoriy butun umrini hadis ilmi rivojiga bag‘ishladi. Uning 7275 ta eng ishonchli, eng mo‘tabar hadislarni jamlagan “Al-Jomi’ as-sahih” asari butun Islom olamida ma’lum va mashhurdir. Bu hadislarning sahih (ishonchli) ekani boisi Imom Buxoriy hazratlari dunyo kezib, hadislar to‘plagan. Bu hadislarni olimlar tasdig‘idan o‘tkazgandan so‘nggina jamlab, kitob holiga keltirgan. Davomi...
Nurboy Jabborov