PFD ва P&ID ўқиш учун символлар қўлланмаси

Ишлаб чиқариш жараёнида PFD (Process Flow Diagram) ва P&ID (Piping and Instrumentation Diagram) ҳужжатлари муҳим ўрин тутади. Бу ҳужжатларни тўғри тушуниб, анализ қила олиш — ҳар бир инженер ва технолог учун асосий кўникмалардан биридир. Дастлаб улардаги символлар тушунарсиз бўлиб кўриниши мумкин, аммо уларнинг маъносини билиб олгандан сўнг, ушбу диаграммаларни бемалол ўқиш мумкин бўлади.

PFD ва P&ID нима учун керак?

PFD — технологик жараённинг умумий йўналиши ва ишлаш принципини акс эттиради. Унда асосий ускуналар, қувурлар ва маҳсулотлар оқими тасвирланган бўлади.

P&ID — ишлаб чиқариш объектининг тўлиқ техник схемасини кўрсатувчи диаграмма. Унда қувурлар, клапанлар, сенсорлар ва бошқа воситаларнинг ўрнатилиши ва ўзаро боғлиқлиги тасвирланади.

Символлар китоби нима учун керак?

PFD ва P&ID ни ўқишдаги асосий тўсиқ — бу турли хил символлар ва қисқартмалардир. Символлар китоби бу диаграммаларда учрайдиган барча белгиларни тушунтириб беради. Яни бу технологик чизмалар алифбоси десак ҳам бўлади.

Ушбу қўлланма соҳага энди кириб келаётган инженер ва технологлар учун муҳим ва қимматли қўлланмадир.

Каналга уланиш: @Ngi_Uz