Ona yurtimiz bo‘ylab milliy qadriyatlarimizni asrab-avaylash va targ‘ib qilish maqsadida o‘tkazilayotgan bayram tadbirlari Namangan tumanidagi 19-sonli maktabimizda ham davom etdi. "Bahor sogʻinchi" deb nomlangan badiiiy-musiqali tadbir hamda o‘zbek milliy liboslarining namoyishi barchaga juda yoqdi. Tadbirda tuman hokimining xotin-qizlar masalalari boʻyicha oʻrinbosari M. Toʻychiyeva, Tuman madaniyat boʻlimi bosh mutaxassisi B. Ahmedov va tuman maktabgacha va maktab ta'limi boʻlimi mutaxassisi D.Ikramov va boshqa mehmonlar ishtirok etdilar. Yosh iqtidorli oʻquvchilar ijrosidagi she'r, kuy-qoʻshiq va raqslar barchaga unutilmas bahoriy kayfiyat ulashdi.