Agar 4 yil oldingi o’zimga maslahat berish kerak bo’lganda quyidagilarni aytardim:

- Xato qilishdan qo’rqma va ko’proq insonlar bilan muloqatda bo’l.
- Atrofingga senga yaxshi ta’sir qiluvchi insonlarni yig’. Va ularga bog’lanib qolma.
- Ko’proq ingliz tilida kitob o’qi(iloji boricha juda ko’p!).
- Har doim ma’lumotlarni tekshir. Oldingga nima va kim chiqsa ham unga shunchaki ishonma, albatta fact-check’ qil!
- Hayoting ostun-ustun bo’lib ketgan taqdirda ham rizqingdan shubha qilma.
- Senga kerak odamlar vaqtida hayotingga kiradi va hayotingda vazifalari tugagan soniyada ketishadi. Kelib-ketish qo’rqinchli emas. Insonlarni qo’yib yubor va har doim ular senga bergan yaxshiliklari, yomonliklari uchun minnatdor bo’l.
- Har narsaning sababi borligiga ishon va boshingga kelganlardan dars ol. Yoki sen dars olasan yoki senariy takrorlanaveradi.
- Nima bo’lsa ham o’zingga har doim Rahmat ayt! Chunki bu lanati dunyoda yashab qolish oson emas. Sen esa buni uddalayapsan va baxtli bo’lishga harakat qilyapsan.
- Albatta yaxshi kunlar kelishini kutma, eng yaxshi vaqt hozir va shu yerda) O’rningdan tur va harakat qil.

Va unutma sen hech qachon yolg’iz emassan!

Baqara surasi, 186-oyat:

“Agar bandalarim sen (Muhammad)dan Mening haqimda so‘rasalar, albatta, Men ularga yaqindirman. Duo qiluvchi kishi Menga duo qilsa, uning duosiga ijobat qilaman. Bas, ular ham Mening da’vatimga ijobat qilsinlar va Menga ishonsinlar! Shoyadki, ular to‘g‘ri yo‘lni topsalar.”