Куала-Лумпур. Шавкат Мирзиёев эрта-индин расмий ташриф билан Малайзияда бўлади. Ташриф арафасида шаҳар марказидаги мониторларда Ўзбекистоннинг туризм салоҳиятига оид роликлар намойиш этиляпти.

Қиш фаслини кўрмайдиган малайзияликлар учун бу роликлар анча қизиқарли туюлиши турган гап. Уларда Ўзбекистонга бориб Амирсойда чанғи учиш ва қор ўйнаш истагини пайдо қилиши мумкин. Қанча кўп турист келса, шунча сервис ва хизмат кўрсатиш сифати ошади. Даромад кўпаяди, одамлар иш билан таъминланади. Шунинг учун мамлакатнинг туризм салоҳиятини кенгроқ тарғиб қилавериш керак.