Hech bir tashbehlarga burkamay bugun,
Kechir deyman lablarim yopib,
Shunchaki yuragimning kirligi uchun.

Devonalik qilmay, donolik qilmay,
Yoshlar bo'sa olgan kipriklaringdan
Uzr so'rayman torligim uchun.

Baxtginangni ko'rib kechilgan kemtik,
Yolg'ontarz aytilgan har bir maqtovim,
Afv et meni hasadim uchun.

Qotganim, ko'nganim uchun muttasil,
Uchmaganim uchun ming bor tazarru,
O'likdek yashagan jasadim uchun.

Kechir, yuragimning kirligi uchun,
Tabassum berolmay olib qochganim
Ko'zlarim uchun.
Kechir meni, torligim,
Baxtiqaro yashab qoʻyganim uchun,
Hasadimning gunohidan kech,
Parvozlar tiladim koinotgacha
Kechir meni...