QURILISH VA UY-JOY KOMMUNAL XO'JALIGI VAZIRLIGI

#Brifing

🔴 Mavzu: Qurilish va kommunal sohadagi ishlar samaradorligini oshirishda korrupsiya holatlarining oldini olish va tizimni raqamlashtirish jarayonlari

⏰Vaqti: 14:00

⭐️ Ishtirok etadi: Saidnosir Usmonov, Qurilish va uy-joy kommunal xo‘jaligi vazirligi Axborot xizmati rahbari 

📍Manzil: Oʻzbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

↖️ Margʻilon shahridagi “Yangi Oʻzbekiston” massivida qurilish ishlari ko'zdan kechirildi

Avval xabar berganimizdek, Qurilish va uy-joy kommunal xo'jaligi vaziri oʻrinbosari Toir Alimatov Margʻilon shahrida bo'lib turibdi.

Navbatdagi manzil shaharda barpo etilayotgan “Yangi Oʻzbekiston” massivi bo'ldi. Loyihaning nazorati Margʻilon shahar hokimi, Qurilish sohasida nazorat qilish inspeksiyasi, loyiha va qurilish-pudrat tashkilotlari rahbarlarining ishtirokida amalga oshirildi.

Bu yerda 75 gektar yer maydonda 6 ming xonadondan iborat turar joy binolari bunyod etilmoqda. Hozirda 10 ta 12 va 16 qavatli uylarning qurilishi belgilangan me’yorlarga muvofiq bajarilmoqda. Bundan tashqari hudud doirasida savdo majmualari va 10 ta ijtimoiy soha obyektlarining qurilishi ham rejalashtirilgan.

Vazir oʻrinbosari kunlik ish natijalarini sarhisob qilib, aniqlangan kamchiliklarni tahlil etish asosida kelgusidagi ishlar bo‘yicha aniq vazifalarni belgilab berdi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

🏘 Ta’kidlaganimizdek, vazir o’rinbosari Ozoda Jo’rayeva poytaxtimizning Mirzo Ulug’bek tumanida bo’lib, boshqaruv organlarining faoliyatini ko’zdan kechirdi.

Ikkinchi manzil “Turon” mahallasida joylashgan 23 ta uyga xizmat ko’rsatuvchi “Turon kom servis” boshqaruv organi bo’ldi.

Mazkur hududda ham bir qator kamchiliklar aniqlanib, bartaraf etish choralari yuzasidan qat’iy topshiriqlar berildi. Xususan, aholiga ko’rsatiladigan xizmatlarning o’z vaqtida amalga oshirilishini ta’minlash hamda doimiy hisobdorlik mas’uliyati yana bir bor eslatib o’tildi.

Ozoda Jo’rayeva boshqaruv kompaniyasining hujjatlar bilan ishlash tizimi, dispetcherlik xizmati hamda boshqaruv binosida ishchi xodimlarga yaratilgan sharoitlar bilan tanishdi.

Boshqaruv organiga ish ko’lamini oshirish yuzasidan tavsiyalar berildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

🗺 Marg‘ilondagi renovatsiya barcha hududlar uchun namunaviy barpo etilishi kerak

Qurilish va uy-joy kommunal xo‘jaligi vaziri o‘rinbosari Toir Alimatov Farg'ona viloyatida bo‘lib, bir qator qurilish obyektlarida monitoring ishlarini amalga oshirmoqda.

Dastlabki manzil, Marg‘ilon shahridagi “Ipakchi” mahallasida “Renovatsiya” dasturi doirasida bunyod etilayotgan turar joy majmuasi bo‘ldi. Ushbu hududda maʼnan eskirgan xonadonlar o‘rnida 11 ta 7 qavatli, jami 385 xonadondan iborat zamonaviy ko‘p qavatli uylar barpo etilmoqda. Mazkur uylarning bir qismi aprel oyi so'ngiga qadar foydalanishga topshirilishi rejalashtirilgan.

Quruvchilar bilan muloqot davomida qurilish ishlarining sifatiga alohida e’tibor qaratish, muhandislik-kommunikatsiya tarmoqlarini to‘liq tortish, xonadon egalari uchun barcha zarur qulayliklarni yaratish, hududni obodonlashtirish hamda loyihani boshqa hududlar uchun namunaviy tarzda amalga oshirish bo‘yicha tegishli topshiriq va ko‘rsatmalar berildi.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|

#JARAYON

🏘 Qurilish va uy-joy kommunal xo’jaligi vaziri o’rinbosari Ozoda Jo’rayeva joylarda boshqaruv organlari tomonidan amalga oshirilayotgan ishlar sifatini o’rganmoqda.

Xususan, Toshkent shahri Mirzo Ulug’bek tumanidagi 25 ta ko’p qavatli uyga xizmat ko’rsatib kelayotgan “Qorasuv Nur kommunal” boshqaruv organi ko’zdan kechirildi.

O’rganish jarayonlarida ko’p qavatli uylarning kamchiliklari, xususan, kirish eshiklariga e’lonlarning tartibsiz yopishtirib tashlangani hamda kirish yo’laklarining soyabonlari (kozerog) dagi holatlar tanqid ostiga olindi. Har bir kirish yo'lagiga dispetcherlik raqamlari hamda minimal tarif bo'yicha boshqaruv organi tomonidan amalga oshirilishi kerak bo'lgan ishlarning ma'lumotini joylash bo'yicha qat'iy topshiriqlar berildi.

Vazirlik tomonidan belgilab berilgan minimal tarif doirasida boshqaruv organlari 16 ta xizmat turlarini taqdim qilishi va bunda aholining nazorat mexanizmini oshirish kerakligi alohida ta’kidlandi.

Shuningdek, xizmat sifati va ko’lamini oshirish uchun qo’shimcha servis xizmatlarni ko’paytirish lozimligiga urg’u berildi.

📌 Ta'kidlash lozimki, mazkur hududda 28 ta ko’p qavatli uy mavjud bo’lib, undan 3 tasiga bitta uy-joy mulkdorlari shirkati hamda ikkita o’z-o’zini boshqaruvchi organlar xizmat ko’rsatadi. Ozoda Jo’rayeva va boshqa bir qator mutasaddilar ushbu 3 ta uyning holati yuzasidan boshqaruv organlari bilan uchrashmoqchi bo’ldi, ammo ularning hech qaysi birini ish joyidan topishning imkoni bo’lmadi.

Vazir o’rinbosari sohadagi zamonaviy talablarga e’tiborsizlik va mas’uliyatsizlik bilan yondoshish salbiy holatlarni keltirib chiqarishini ta’kidladi:

-Bugun aholi boshqaruv organlaridan nimani talab qilishni juda yaxshi biladi. 24/7 xizmat ko’rsatish tizimi yo’lga qo’yilishi kerak, aks holda raqobat muhitida xalq ishonchidan qolib ketish mumkin, - dedi Ozoda Jo’rayeva.

O’rganish ishlari davom etmoqda.

Rasmiy sahifalarimizga a'zo bo'ling👇
|🌍Web| 📸Instagram|💬Facebook|😎Telegram| 📹Youtube|