Uzbekistan Weightlifting Federation

🇺🇿Oʻzbekiston Milliy Olimpiya qoʻmitasi 33 yoshda!

Bugun Oʻzbekiston Milliy Olimpiya qoʻmitasi oʻz faoliyatini boshlaganiga roppa-rosa 33-yil toʻldi. Oʻzbekiston MOQ 1992-yil 21-yanvar kuni tashkil etildi. 1993-yil Xalqaro Olimpiya qoʻmitasining 101-Sessiyasida rasman tan olingach, mamlakatimiz 8 ta yozgi va 8 ta qishki Olimpiya oʻyinlarida munosib ishtirok etdi. Qoʻmitamiz ortda qolgan davr mobaynida diyorimizda olimpizmning pok va ezgu qadriyatlarini, sogʻlom turmush tarzini targʻib etish yoʻlida faoliyat olib bormoqda.

O'zbekiston Og'ir atletika federatsiyasi bugungi sana munosabati bilan O'zbekiston Milliy Olimpiya qo'mitasi jamoasini samimiy muborakbod etadi va kelgusidagi faoliyatida muvaffaqiyatlar tilaydi!

👉 💻Instagram |🎞YouTube  | 📝Telegram

Federatsiyamiz mutaxassislari “Antidoping ta’limoti” bo‘yicha maxsus o‘quv-seminarida ishtirok etmoqda

Ayni kunlarda O‘zbekiston Milliy antidoping agentligining 2025 yil uchun ishlab chiqilgan “Antidoping ta’limoti” o‘quv rejasiga asosan federatsiya va assosiatsiyalarda faoliyat olib borayotgan antidoping bo‘yicha mas’ul xodimlar uchun 3 kunlik o‘quv-seminar o‘tkazilmoqda. Unda O‘zbekiston Og‘ir atletika federatsiyasi mutaxassislari ham faol ishtirok etmoqda.

Bugun seminarning birinchi kunida Butunjahon antidoping Kodeksidagi sport federatsiya (assosiatsiya)larining roli va majburiyatlari, antidoping qoidabuzarlik turlari, doping test topshirish jarayoni, sportchi yoki vakilning huquq va majburiyatlari hamda Butunjahon antidoping agentligining ADEL platformasi va O‘zbekiston Milliy antidoping agentligi tomonidan ishga tushirilgan talim-uznada.uz platformalaridan foydalanish bo‘yicha ma’lumotlar berildi.

Seminar davomida ishtirokchilar o‘zlarini qiziqtirgan savollar bilan mutaxassislarga yuzlanishdi va kerakli javoblar olishdi. Seminar ertaga ham davom etadi.

👉 💻Instagram |🎞YouTube  | 📝Telegram

Qadrli Vatanimiz himoyachilari!

Oʼzbekiston Og'ir atletika federatsiyasi “14-yanvar – Vatan himoyachilari kuni” munosabati bilan barchangizni chin dildan samimiy muborakbod etadi.

Xalqimizga munosib va haqli ravishda faxrlana oladigan qurolli kuchlar yaratish yoʼlida olib borilayotgan ishlaringiz bardavom boʼlsin.

Barchangizga mustahkam sogʼliq, oilaviy baxt, tinchlik-xotirjamlik, xizmat faoliyatingizda ulkan muvaffaqiyatlar yor boʼlsin. Chegaralarimiz daxlsiz, osmonimiz musaffo boʼlsin.

Yana bir bor bayramingiz muborak boʼlsin, aziz Vatan himoyachilari!

👉 💻Instagram |🎞YouTube  | 📝Telegram

O‘zbekiston Og'ir atletika federatsiyasi yurtdoshlarimizni kirib kelayotgan Yangi 2025-yil bilan samimiy muborakbod etadi. Barcha vatandoshlarimizga sihat-salomatlik, tinchlik-xotirjamlik, baxtu saodat, farovonlik tilaydi.

Yangi yil yangi ga'labalarga, yangi muvaffaqiyatlarga boy bo'lsin!

👉 💻Instagram |🎞YouTube  | 📝Telegram

Hikmatillo Haydarov Tbilisidagi xalqaro turnirda sovrindor bo‘ldi!

Gruziya poytaxti Tbilisi shahrida uch karra Olimpiada chempioni va rekordchisi hisoblangan Kaxi Kaxiashvillining "Kaxi kubogi-2024" ochiq turniri bo‘lib o‘tdi. Ushbu xalqaro musobaqada ikki nafar vakilimiz shohsupadan joy oldi.

Jumladan, erkaklar o‘rtasida -81 kg vazn toifasida bahs olib borgan Hikmatillo Haydarov dast ko‘tarishda 147 kg, siltab ko‘tarishda 176 kg va umumiy 323 kg natija qayd etib, musobaqaning bronza medaliga sazovor bo‘ldi.

Shuningdek, 89 kg vazn toifasida supachaga ko‘tarilgan yana bir vakilimiz Batirbek Paraxatov dast ko‘tarishda 144 kg, siltab ko‘tarishda 170 va ikkikurashda 314 kg natija qayd etib, 7-o‘rinni egalladi.

👉 💻Instagram |🎞YouTube  | 📝Telegram

Osiyo chempionatida yuqori natijalar qayd etgan terma jamoamizning navbatdagi guruhi yurtimizga qaytib keldi.

Toshkent xalqaro aeroportida o‘tkazilgan tantanali kutib olish marosimida Og‘ir atletika federatsiyasi mutasaddilari, murabbiylar va sportchilarning yaqinlari ishtirok etdi.

👉 💻Instagram |🎞YouTube  | 📝Telegram

Og‘ir atletika federatsiyasi Milliy antidoping agentligi tomonidan “Yilning eng yaxshi hamkor federatsiyasi” sifatida e'tirof etildi!

O‘zbekiston Og‘ir atletika federatsiyasi yakunlanayotgan 2024-yilda barcha yo‘nalishlarda bo‘lgani kabi antidoping bo‘yicha ham salmoqli ishlarni amalga oshirdi.

Bugun O‘zbekiston Milliy antidoping agentligida yil davomida amalga oshirilgan ishlar sarhisob qilinib, munosiblar taqdirlandi.

Sport federatsiya va assotsiatsiyalarining sportda dopingga qarshi kurash borasidagi hamkorliklari va antidoping talablarini o‘z vaqtida bajarish hamda antidoping qoidalariga rioya qilish borasidagi reytingi tuzildi.

Ushbu reyting g‘olibini aniqlash uchun quyidagi mezonlarga tayanildi:
- Federatsiya va assotsiatsiya sportchilari xalqaro darajadagi sertifikatni olganligi;
- Antidoping taʼlimotini targ‘ib qilishdagi hamkorlik;
- Federatsiya va assotsiatsiyalarning antidoping bo‘yicha masʼul xodimning faolligi;
- ADAMS tizimini vaqtida to‘ldirish;
- Qoidabuzarliklar aniqlanganda ularning sababini aniqlashdagi hamkorlik kabi mezonlar asosida g‘olib aniqlandi.

Unga ko‘ra, O‘zbekiston Og‘ir atletika federatsiyasi yuqoridagi talablarni to‘liq bajargan federatsiya deb topildi va “Yilning eng yaxshi hamkor federatsiyasi” nominatsiyasida g‘oliblikni qo‘lga kiritdi. G‘olib uchun atalgan tashakkurnoma va esdalik sovg‘asini agentlik direktori Abdushukur Sadikov federatsiyamiz Bosh kotibi Olimjon Mahmudovga tantanali ravishda topshirdi.

👉 💻Instagram |🎞YouTube  | 📝Telegram