Marketing bo'limi

O’zbekistonda 40 mln dollarlik venchur fond ishga tushirildi

O’zbekistonda yetakchi yetti bank hamkorligida 40 million dollarlik "United Ventures" venchur fondi tashkil qilindi. Fondning asosiy maqsadi startaplarga sarmoya kiritish va tadbirkorlik ekotizimini rivojlantirishdan iborat.

Fondga O’zmilliybank, Xalq Banki, Asaka Bank, Agrobank, Mikrokreditbank, Turonbank va Biznesni Rivojlantirish Banki teng ulush – 14.28% bilan egalik qiladi.

Marketing o’zbek tilida — @marketingbolimi

#marketing_termin

Dayjest – ma’lumotlar, faktlar va yangiliklar jamlanmasi.

Kross-marketing – bu umumiy maqsadlarga erishish uchun ikki yoki undan ortiq kompaniyalar
o'rtasidagi o’zaro hamkorlik.

Mem – Biror bir vaziyat haqidagi yoshlar orasida keng tarqalgan hazil-mutoyibaning bir
ko’rinishi.

Nativ reklama – bu to'g'ridan-to'g'ri "sotib ol" degan ishoraga ega bo’lmagan, kontent bilan
uyg’unlashgan, sotishdan ko'ra ko'proq ma'lumot berishga qaratilgan reklama turi.

Marketing oʻzbek tilida — @marketingbolimi

Blokda qolayotgan TikTok 2024-yilda 1 mlrd soʻmga yaqin soliq toʻladi

Davlat soliq qoʻmitasi Oʻzbekistonda elektron shaklda xizmatlar koʻrsatuvchi xorijiy kompaniyalar 2024-yil davomida qancha ishlab topgani va soliq toʻlagani haqida ma’lumot e’lon qildi.

Unga koʻra, “Meta” eng koʻp daromad (345 mlrd soʻm) ishlab topganiga mos ravishda eng koʻp soliq ham toʻlagan — 41,7 mlrd soʻm. “Google” esa 240 mlrd soʻm ishlagan holda 28,9 mlrd soʻm soliq toʻlagan. Uchinchi oʻrindagi “Apple”da esa daromad 227 mlrd soʻmni tashkil qilgan boʻlsa, uning 27 mlrd soʻmi soliqqa toʻlangan.

E’tiborli jihati, oʻtgan yil davomida 2021-yildan beri Oʻzbekiston hududida blokda boʻlgan “TikTok” salkam 7,5 mlrd soʻm daromad topgan va 903 million soʻm soliq toʻlagan.

U bloklangan holida ham soliq toʻlash boʻyicha kuchli oʻnlikka kirgan.

Platforma 2021-yilda bloklanganiga qaramay, 2023-yilda Oʻzbekiston hududida soliq toʻlovchi sifatida roʻyxatdan oʻtgan. Oʻshandan beri u koʻrsatilgan xizmatlat uchun QQS toʻlaydi.

“TikTok” “Shaxsiy ma’lumotlar to‘g‘risida”gi qonunni buzgani uchun Shaxsga doir ma’lumotlar bazalarining davlat reyestriga kiritilgan. Oʻsha paytda “Twitter”, “VKontakte” va “WeChat” ham ro‘yxatda bo‘lgan, ammo 2022-yilning avgustida ular chiqarib tashlangan va faqat “TikTok” qolgan, haligacha qolmoqda.

Marketing oʻzbek tilida — @marketingbolimi

🤔 Performance marketing yoki brend yaratish – qaysi biri muhim?

📈 Kompaniya rivojlanishida performance marketing va brend qurish o‘rtasidagi tanlov sizga bog'liq, lekin qay biri muhimroq. Keling, ikkalasini ham bu hafta bo'lib o'tuvchi master-klassda bilib olamiz )

Marketing bo'yicha mutaxassis, 605 agentligining asoschisi va rahbari Otabek Sharapov bilan master-klass bo'lib o'tadi.

🗣Ushbu master-klassda nima uchun brend yaratish muhimligi va brendning mijozlar ishonchiga ta'sirini ko'rib chiqamiz. Shuning uchun hoziroq master-klassga ro'yxatdan o'ting.

📅 Qachon: 1-fevral, shanba, soat 14:00
🙋 Kim uchun: Barcha uchun ochiq
📍 Qayerda: «Najot Ta'lim», Chilonzor filialida

🔗 Ro'yxatdan o'tish

Hamkorlik materiali

Marketing o’zbek tilida — @marketingbolimi

"O‘zbekistonda biznes qilish uchun telegram kanalingiz bo‘lishi shart!" — tadqiqot natijalari

Raqamlar yolg‘on gapirmaydi. Bugungi ijtimoiy tarmoqlar nafaqat kommunikatsiya vositasi, balki marketing va brend strategiyalari uchun eng qulay maydon.

O‘zbekistonda bu platformalarning har biri o‘z auditoriyasiga ega bo‘lib, ularni chuqur o‘rganish va ularga moslashish biznes egalariga katta foyda olib keladi.

• Xabarlar soni va tillar taqsimoti:

Telegram: O‘zbek tilida oyiga 47,3 mln xabar, eng faol platforma.
TikTok: Ko‘p millatli maydon, xabarlarning 68,7% rus tilida.
Instagram: O‘zbek (35,8%) va rus (35%) tillari deyarli teng ulushda.

• Gender balansi:

TikTok: Erkak kuzatuvchilar 68,5%.
Instagram: 52,2% erkaklar, 47,8% ayollar.

• Muhim raqamlar:

Telegram: 2,9 mln muallif, oyiga 47,3 mln xabar va o‘zbek tilidagi kontent bilan yetakchi — 64,8%.

• Tavsiya:

— Telegramda o‘zbek tilida sifatli kontent yarating;
— TikTokda ko‘tarinki va ommaviy kontent samarali bo‘ladi;
— Instagramda ikki tilga moslashgan strategiya qo‘llash foydali.

• Qisqa faktlar:

— Kun.uz O‘zbekistonning iqtibos indeksi eng baland OAVsi;
— Instagram gender muvozanatini ta’minlovchi ideal platforma;
— TikTok esa erkak kuzatuvchilar uchun qiziqarli media maydon;
— YouTube oz, lekin yuqori sifatli kontent yaratish uchun platforma;
— Facebook turli tillardagi auditoriyani qamrab olish uchun yaxshi tanlov.

Tadqiqotdagi raqamlar asosida auditoriyangiz bilan samarali muloqot qilish yo‘llarini ishlab chiqing va ijtimoiy tarmoqlardagi ishingizni yangi bosqichga olib chiqing.

Marketing o‘zbek tilida — @marketingbolimi

Husanov nomiga mem koin ishga tushirildi

Xabaringiz bo'lsa kerak, Abduqodir Husanov "Manchester Siti" safida debyut uchrashuvini o'tkazdi. Birgina xatoni aytmasa, hammasi ko'ngildagidek o'tdi, birinchi o'yin uchun yomon emas. Ammo "Siti"ning ashaddiy muxlislari Husanovni qo'llab-quvvatlash maqsadida uning nomiga mem koin ishga tushirdi.

Yarim soatdan oshiqroq vaqt ichida uning bozor kapitali 7,5 ming dollardan oshib, u nuqtadan qaytib tushishga ham ulgurdi. Koinlarni 52 kishi sotib olishga ulgurgan. Ular sentlarga sotilmoqda.

P.S. Va'da beramiz, ertadan Husanov mavzusidan chekinib, marketingga albatta qaytamiz :)

Marketing o‘zbek tilida — @marketingbolimi

Husanov mavzusini davom ettiramiz. "Siti" uning aktividan foydalanyaptimi?

"Manchester Siti" Instagram sahifasida Husanov atrofida o'nlab post chiqqani va uning obunchalari qanday o'zgargani haqida avvalroq yozgandik.

Futbol ixlosmandlari endi "Siti" Abduqodirning imzosi tushirilgan futbolka o'ynalayotgani haqida yozmoqda. Ha, bu rost. Klub rasmiy sahifasida shunday o'yin boshlangan. Ijtimoiy tarmoqlarda bu klub nomidan reklama bo'lib chiqib kelmoqda. Chunki target O'zbekistonga yoqilgan.

Ya'ni "Abduqodirning muxlislari aktivligidan foydalanmoqchi" emas, bu har bir yangi shartnoma imzolagan futbolchi bilan bo'ladi, masalan, "shaharliklar"ning yangi misrlik futbolchisining ham futbolkasi o'ynalyapti (skrinshotda ko'rishingiz mumkin), lekin bu bizning reklamalarda yo'q, chunki o'zbekistonlik foydalanuvchilar target emas.

Ammo ishqibozlar Abduqodirni qanchalik kutayotganini ko'rsatib qo'ydi. YouTube'da klub uch yangi futbolchidan qaysi birini ko'proq kutayapsiz, degan mazmunda so'rovnoma o'tkazdi. Ovoz beruvchilarning 67 foizi Husanovni kutayotgani ma'lum bo'ldi.

"Siti" SMMchilari Abduqodir Husanovning o'zbekistonlik muxlislari faolligini payqagani tayin. Ammo hali undan foydalanyapti, deyishga hali erta. Chunki xuddi shunday postlar boshqa yangi futbolchilar bilan ham bo'ldi. Endi buyog'ini yashasak, ko'raveramiz.

Marketing o‘zbek tilida — @marketingbolimi

Husanovni "Siti"ga ham o'tkazib oldik. Endi bir uning Instagram sahifasiga qarasak

Xabaringiz bo'lsa kerak, 20 yoshli o'zbekistonlik himoyachi Abduqodir Husanov Angliyaning "Manchester Siti" safiga borib qo'shildi. Shu tariqa u APL va bu darajadagi top klublardagi ilk o'zbek futbolchisiga aylandi.

Husanovning transferi klub sahifasida APL rasmiy sahifasi bilan kollab qilingan holda o'zbek tilida e'lon qilindi. Ha, Abduqodir "Siti" safidagi tanishtiruv suhbatida savollar o'zbekcha javob berdi.

"Siti" SMM mutaxassislari Abduqodir transferi atrofida Instagram'ning o'zida umumiy 9 ta post chiqardi. Ularning eng kami 8,5 million ko'rildi. Eng ko'pi 2 sutka ichida 24,7 million marta ko'rilib, 1,2 mln layk yig'di. Abduqodir uchrashuvga taklif videosini ham o'zbek tilida yo'lladi. Bu dunyoning eng kuchli ligasi va eng taniqli klublaridan biri bilan sodir bo'layotgan voqealar.

Endi Abduqodirning Instagram obunachilariga qaraymiz. 10-yanvar kuni futbolchida 260 ming obunachi bor edi. Transfer atrofidagi shov-shuvlar ko'tarilgan, obunchalar soni ham ko'payib bordi, transfer rasman e'lon qilinishidan oldin Abduqodir yana 200 ming kishini yig'di. E'londan keyin esa yana shuncha – 178 ming. 22-yanvar holatiga ko'ra Abduqodir Husanovda 771 ming obunachi bor. Oxirgi bir oyda 500 ming obunachi qo'shildi. Raqamlar hozir ham oshib boryapti.

Marketing o‘zbek tilida — @marketingbolimi

Walmart rebrending qildi

Walmart 2008-yildan beri birinchi marta o‘z logotipini o‘zgartirdi. Kompaniyaning ta’kidlashicha, yangilangan brend Walmart’ning bugungi kundagi mohiyatini yanada aniqroq ifodalar ekan.

Qizig’i — logotip deyarli o’zgarmagan. GM Cobalt Midnight bilan qilgannidek, Walmart ham shunchaki rangini ozgina o‘zgartirib, butun mamlakatni muhokama qilishga majbur qildi.

Marketing o‘zbek tilida — @marketingbolimi