Marketing bo'limi

Google Ramazonga tayyor! Sizchi?

Ertaga, 1-martdan boshlab, butun musulmon ahli uchun muqaddas bo‘lgan Ramazon oyi boshlanadi. Shu munosabat bilan Google oʻz anʼanasiga sodiq qolgan holda maxsus yangilik bilan foydalanuvchilarni qarshi oldi.

Google’ning “Ramazon” soʻzi qidiruvi natijalari sahifasining pastki burchagida chiroyli bayramona dizayn aks etgan boʻlib, u foydalanuvchilarda Ramazon ruhini yanada his qilishiga yordam beradi.

Maʼlumot uchun, Google har yili xalqaro ahamiyatga ega kunlar yoki muhim sanalar munosabati bilan shu kabi oʻziga xos doodle yoki giflar yaratadi. Ular orqali dunyodagi turli madaniyatlarni qoʻllab-quvvatlaydi va e’tirof etadi.

Marketing oʻzbek tilida — @marketingbolimi

Baku Flames: Alina Mirzayeva jyurilar qatorida, Temur Sa'di nutq qiladi

Avvalroq Ozarbayjonda birinchi xalqaro kreativ effektivlik festivali o’tkazilishi haqida xabar bergandik. Ushbu festivalning hakamlar hay'ati va spikerlari aniq bo'ldi. Ular orasida ikki o'zbekistonlik bor: "Sintez" kreativ agentligi asoschisi va bosh direktori Alina Mirzayeva (jyuri) hamda "Ma'no Branding" hamasoschisi Temur Sadi (spiker).

Tadbir Ozarbayjon, Markaziy va Sharqiy Yevropa va MDHning ijodkorlarini birlashtirib, hamkorlik, innovatsiya va mukammallikni targ‘ib qiladi.

Uning hakamlar hay'ati 10 kishidan iborat va Eduardo Markez ularning prezidenti bo'ladi. O'zbekistonlik Alina Mirzayeva ham hakamlar qatoridan joy olgan.

"Ma'no Branding" kreativ direktori esa festival doirasida nutq so'zlaydi. "Temur Sadi sahnada mahalliy kuchni ko'rsatib beradi", deyiladi festival rasmiy sahifasida.

Eslatib o'tamiz, "Boku Flames" 2-3-may kunlari Ozarbayjonda bo'lib o'tadi. Ushbu havola orqali ishlarni topshirish va chiptalar sotib olish mumkin.

Marketing oʻzbek tilida — @marketingbolimi

TASH-KHE-KHE-KENTga xush kelibsiz! — poytaxtning turistik “slogani”

“Tashkent Postmodernism” Telegram kanali mualliflari poytaxtning yangi “turstik slogani”ni ishlab chiqdi — “Welcome to Tash-khe-khe-kent”.

Bu bilan ijodkorlar havo ifloslanishi va smoglarga ishora bermoqda. Havoning bunday holati Toshkent osmoniga kirib kelishingiz bilan seziladi, hatto koʻz bilan koʻrar darajada.

“Bu shahar nafaqat sirlar, balki quyuq smog bilan ham qoplangan, bu yerda havo hatto oʻpkada iz qoldirishi mumkin: shu atmosferaga shoʻngʻing… va unda sogʻ chiqishga harakat qiling, zero bu yerda boʻlish nafas tizimining har bir kletkalarida ham seziladi”, deb yoziladi xabarda.

Kanal mualliflar bu uchun alohida video ham tayyorlagan.

Marketing oʻzbek tilida — @marketingbolimi

Microsoft kelajakka yaqinlashdi: kompaniya inqilobiy kvant chip namoyish etdi

Microsoft yangi “Topological Core” arxitekturasiga asoslangan dunyodagi birinchi “Majorana 1” kvant chipini taqdim etdi.

Batafsil

Marketing oʻzbek tilida — @marketingbolimi

airBaltic o‘z reyslarida Starlink internetini ishga tushirdi

Latviyaning airBaltic aviakompaniyasi o‘z samolyotlarini SpaceX kompaniyasining Starlink internet tizimi bilan jihozlashni boshladi.

Bunday reyslarning birinchisi 21-fevral kuni amalga oshirildi, Rigadan Myunxenga uchayotgan yo‘lovchilar bortda Starlink internetidan bepul foydalanish imkoniyatiga ega bo‘ldi. 

"Bu airBaltic uchun tarixiy voqea va Yevropa havo transporti sohasida oldinga qo‘yilgan muhim qadam. Yevropada birinchi bo‘lib SpaceX’ning Starlink’ini integratsiya qilgan aviakompaniya sifatida biz havodagi aloqa tushunchasini o‘zgartiryapmiz. Bu shunchaki yaxshilanish emas, balki aviatsiyada haqiqiy inqilob. Biz ilg‘or texnologiyalarni qo‘llayotganimizdan faxrlanamiz va bugunoq yo‘lovchilarimizga kelajakni bog‘lash imkoniyatlarini taqdim etamiz", - dedi airBaltic prezidenti va bosh direktori Martin Gauss. 

Hozirda Starlink kompaniyaning bitta samolyotida o‘rnatilgan, keyingi haftada yana birida paydo bo‘ladi. Yozgacha internet 25 ta samolyotda, yil oxirigacha esa butun flotda mavjud bo‘ladi.

Bortdagi internet foydalanuvchilarga bepul taqdim etiladi. 

Marketing o‘zbek tilida — @marketingbolimi

2025-yilgi Super Bowl’ning eng yaxshi 10 ta reklamasi

Super Bowl boshlangani haqida avvalroq yozgan edik. Bundan bir necha kun oldin esa 2025-yilgi mavsum o‘z nihoyasiga yetdi.

Har yili Amerika Futbol Ligasining final o‘yinini dunyo bo‘ylab 200 milliondan ortiq kishi tomosha qiladi. Shuncha auditoriyaning e’tibori bir vaqtda, bir joyda jamlangani uchun ham bu eng qimmat efir hisoblanadi. Brendlar ham bu vaziyatdan foydalanib, musobaqaga qattiq tayyorgarlik ko‘rishadi. Amerikacha futbolda qatnashish uchun emas, balki eng qimmat efir vaqti bo‘lgan, o‘yinning tanaffusida ko‘rsatiladigan roliklarni tayyorlash uchun.

Super Bowl’ga tayyorlangan reklamalar eng yaxshi roliklar ro‘yxatidan joy oladi. Bu yil ham unda namoyish etilgan reklamalarni eng yaxshi 10 tasi tanlab olindi. Reytingni tuzgan System1 platformasi tomoshabinlarda eng katta hissiy taassurot qoldirgan roliklarga qarab, ijodkorga 1.0 dan 5.9 ballgacha baho beradi.

Odatda, reklama roliklarining bir foizi 5 yulduz bilan baholanadi. Lekin bu yilgi Super Bowl’da uchta reklama 5 yulduzli bo‘ldi. Taqqoslash uchun, o‘tgan yili birorta ham 5 yulduzli reklama bo‘lmagan.

Reyting quyidagicha:

1. Lays «Little Farmer» — 5.9 ball
2. NFL «Somebody (it takes all of us)» — 5.6 ball
3. WeatherTech «whatever comes your way» — 5.2 ball
4. NFL «Flag 50» — 4.9 ball
5. Haagen Daz «Not so Fast, Not so Furious» — 4.7 ball
6. Stella Artois «David & Dave» — 4.5 ball
7. Doritos «Abduction» — 4.4 ball
8. Pfizer «Knock Out» — 4.4 ball
9. Nerds «Big Game Commercial» — 4.3 ball
10. Reese's «Don't Eat Laver» — 4.1 ball

Agar ko‘pincha mashhur shaxslar chiqqan reklamalarning samaradorligi yaxshi bo‘lgan bo‘lsa, bu safar aksincha, brendlar oddiy amerikaliklar hayotini samimiy tarzda ko‘rsatgani — muvaffaqiyat olib keldi. Lay’s kompaniyasining fermer haqidagi sodda hikoyasi jadvalda eng yuqori ballni qo‘lga kiritgani bunga misol.

Tajriba va kreativlikni oshirish, muammolarga to‘g‘ri yondashish uchun har birini ko‘rib chiqishga harakat qiling. Shunchaki baho berib emas, balki mazmunni topib, “nega aynan shunday qilishdi” degan savol bilan ko‘rishni tavsiya qilgan bo‘lardik :)

Marketing o’zbek tilida — @marketingbolimi

McKinsey va narkotik savdosi mojarosi — biznesning axloqiy chegaralari qanday belgilanadi? 

McKinsey & Company — global miqyosdagi yirik boshqaruv konsalting kompaniyasi bo‘lib, 1926-yilda James O. McKinsey tomonidan AQShda tashkil etilgan. Qariyb yuz yillik tarixga ega kompaniya bugungi kunda 65 dan ortiq mamlakatda 130 dan ortiq ofislarga ega bo‘lib, turli sohalarda faoliyat yurituvchi tashkilotlar, davlat idoralari va korporatsiyalarga strategik maslahatlar beradi.

Batafsil

Marketing o‘zbek tilida — @marketingbolimi

2024-yilda qancha keshbek to'lab berilgan?

O‘zbekistonda 2024-yili 4-fevral holatiga iste’molchilarga 1 mlrd chek uchun 1 trln so‘mdan ortiq keshbek to‘langan. Bu haqda Soliq qo‘mitasi matbuot xizmati xabar berdi.

Hududlar kesimida qaraydigan bo'lsak:

• Toshkent shahri — 412,2 mlrd so‘m;
• Toshkent viloyati — 107,1 mlrd so‘m;
• Samarqand — 93,3 mlrd so‘m;
• Farg‘ona — 75,6 mlrd so‘m;
• Andijon — 52 mlrd so‘m;
• Xorazm — 48,3 mlrd so‘m;
• Qashqadaryo — 46,5 mlrd so‘m;
• Namangan — 42,8 mlrd so‘m;
• Buxoro — 39,9 mlrd so‘m;
• Navoiy — 35,2 mlrd so‘m;
• Qoraqalpog'iston — 31,3 mlrd so‘m;
• Surxondaryo — 28,6 mlrd so‘m;
• Jizzax — 22,5 mlrd so‘m;
• Sirdaryo — 15,5 mlrd so‘m.

Ushbu keshbeklarni yil davomida 5,639 nafar fuqaro ro'yxatdan o'tkazgan.

Endi qiziq-da, siz o‘tgan yili qancha keshbek to‘pladingiz?

Marketing o‘zbek tilida — @marketingbolimi

Apple hamyonbop narxda iPhone16e'ni taqdim etdi

Bu yangilik xohlayotgan, lekin katta xarajatlarsiz kuchli model izlayotganlar kutgan imkoniyat!

Oʻzgarishlar:
➖ "Home" tugmasi yoʻq, uning oʻrniga Action Button;
➖ Dynamic Island oʻrniga klassik monobrow oʻrnatilgan.

Narxi 599$ dan boshlanadi.

❓ Sizning yangi iPhone haqida fikringiz qanday?

Marketing o‘zbek tilida — @marketingbolimi

Geosiyosiy keskinliklarning global brendlarga ta’siri yoxud turklar KFC'siz yasholmaydimi?

Tobora globallashib borayotgan iqtisodiyotda ko‘p millatli korporatsiyalar tez-tez biznes va geosiyosat chorrahasida qoqilishadi. Diniy-siyosiy tangliklar, madaniy mojarolar va iqtisodiy qiyinchiliklar kompaniyaning xalqaro faoliyatiga sezilarli ta'sir ko‘rsatishi shubhasiz.

Batafsil

Marketing o‘zbek tilida — @marketingbolimi

O‘zbekistonga kim eng ko‘p investitsiya kiritmoqda?

Statistika agentligining dastlabki ma’lumotlariga ko‘ra, 2024-yilda O‘zbekiston Respublikasida asosiy kapitalga o‘zlashtirilgan investisiyalar hajmi 493,7 trln so‘mni tashkil etgan.

Shundan asosiy kapitalga o‘zlashtirilgan jami xorijiy investisiya va kreditlar ulushi 67,6 % ga yetgan.

O‘zlashtirilgan jami xorijiy investisiya va kreditlar hajmida eng yuqori ulushga ega bo‘lgan investor davlatlar:

— Xitoy – 27,9%;
— Rossiya – 13,2%;
— Turkiya – 6,8%;
— Germaniya – 5,2%;
— Saudiya Arabistoni – 5%;
— Niderlandiya – 4%.

Manba: biznesreport.uz

Marketing o‘zbek tilida — @marketingbolimi

#marketing_termin

Organika – bu maqsadli reklama va boshqa vositalardan foydalanilmagandagi sahifa
obunachilarining haqiqiy qamrov ko’rsatkichlari.

Qamrovlar – kontentning nechta foydalanuvchi tomonidan ko’rilganligini ifodalovchi noyobko’rsatkich.

Pleysment – reklama materiali yuklangan joy (lenta, stories va hokazolar)

Referens – misol, namuna.

Marketing o‘zbek tilida — @marketingbolimi