МАҲАЛЛА ЕТТИЛИГИ | MAHALLA YETTILIGI KANAL

#Диққат
#тарқатинг

Ўзбекистонда ҳар куни қотиллик жинояти кўриб чиқилмоқда

2024 йил Ўзбекистондаги жиноят судларида 61 минг киши судланди, 723 киши оқланди. Республика бўйлаб ҳар куни камида битта одам ўлдириш, ҳар 2 кунда бир марта номусга тегиш жиноятига доир ишлар кўрилмоқда.

@Mahalla_Raisi

#Диққат
#тарқатинг
#пора

Прокурор катта ёрдамчиси пора билан қўлга тушди

Бухоро ва Хоразм вилоятларида ноқонуний ҳолатлар аниқланди.

2024 йил жиноят иши қўзғатилган пахта ва ғалла етиштиришга ихтисослашган фермер хўжалик раҳбарига нисбатан оғирроқ жазо тури тайинланиши лозимлиги юзасидан вилоят прокуратураси томонидан суд ҳукмига нисбатан кассация протести киритилади.

Вазиятдан хабардор бўлган Жондор тумани прокурорининг катта ёрдамчиси фермер хўжалик раҳбарига нисбатан дастлабки инстанция томонидан чиқарилган ҳукмни судья орқали ўзгартиришсиз қолдириш эвазига 3 минг доллар талаб қилиб, дастлаб 500 доллар олади. Қолган 2500 долларни Бухоро шаҳрида олган вақтида ушланди.

Ҳолат юзасидан унга нисбатан Жиноят Кодексининг 25, 168-моддаси 3-қисми “в” банди билан жиноят иши қўзғатилиб, тергов ҳаракатлари олиб борилмоқда.

Яна бир ҳолат, Урганч шаҳрида Мажбурий ижро бюросининг Хоразм вилояти бошқармаси Суриштирув ва маъмурий амалиёт шўъбаси катта суриштирувчиси ўз хизмат мавқеидан фойдаланиб, Шовот туманида яшовчи фуқарони ваколатли ҳамкасблари орқали МИБ тизимига ишга киритиб қўйиш эвазига 2 минг доллар талаб қилиб, шундан 1800 доллари олган вақтида ушланди.

Ҳолат юзасидан унга нисбатан Жиноят Кодексининг 25, 168-моддаси 3-қисми “в” банди ва 211-моддаси 1-қисми билан жиноят иши қўзғатилиб, тергов ҳаракатлари олиб борилмоқда.

@Mahalla_Raisi

#Диққат
#тарқатинг
#Президент

Шавкат Мирзиёев 11-13 март кунлари давлат ташрифи билан Францияда бўлади.

@Mahalla_Raisi

#Диққат
#тарқатинг

Бугун 10 март соат 23:59 да саралашдан ўтган лойиҳаларга овоз бериш босқичи бошланади ва 29 март 23:59 га қадар давом этади.

Ўз ҳудудингиздаги мавжуд муаммоларни ҳал этишда фаол бўлишни тавсия қиламиз.

@Mahalla_Raisi

#Диққат
#тарқатинг

Метан газнинг нархи ошади

1 апрелдан метан шохобчаларига етказиладиган газ нархи 39 % га қимматлайди. Табиийки, метан газнинг чакана нархи ҳам шунга мувофиқ ошади.

@Mahalla_Raisi

#Диққат
#тарқатинг

Администрация ҳам маҳаллий автомобиллардан фойдаланишга ўтмоқда

Президент Администрацияси қимматбаҳо «иномарка»лардан бутунлай воз кечиб, мамлакатимизда ишлаб чиқарилган автомобиллардан фойдаланишга ўтишни бошлагани айтилмоқда.

Чет элда ишлаб чиқарилган қимматбаҳо автомобилларнинг барчаси босқичма-босқич «E-auksion» электрон савдо тизими орқали сотувга қўйилади.

@Mahalla_Raisi

#Диққат
#тарқатинг

Бош прокуратура коррупциявий жиноятлар ҳақида "1161" рақамли “Ишонч телефони” ёки @bpantikoruz_bot телеграм боти орқали хабар беришга чақирмоқда.

Мурожаат тезкорлик билан кўриб чиқилади, унга қонуний муносабат билдирилади.

"Сизнинг хавфсизлигингиз тўлиқ кафолатланади", — дейилади хабарда.

@Mahalla_Raisi

#Диққат
#тарқатинг

«ТАШАББУСЛИ БЮДЖЕТ»ДА ТАРҒИБОТ БОСҚИЧИ БОШЛАНДИ

Жорий йилнинг 8–10 март кунлари «Ташаббусли бюджет» лойиҳаси доирасида саралашдан ўтган лойиҳалар учун 3 кунлик тарғибот босқичи ўтказилади.

Бунда, ташаббускорлар саралашдан ўтган лойиҳаларни тарғиб қилиш орқали овоз бериш босқичига тайёргарлик кўради.

Маълумот учун: овоз бериш босқичи 2024 йилги 2-мавсумдан бошлаб, 20 кундан 10 кунга қисқартирилган. Шу сабабли, овоз бериш жараёнларига тайёргарлик кўриш мақсадида тарғибот босқичи амалиётга жорий этилган.

@Mahalla_Raisi

#Диққат
#тарқатинг
#эътироф

Каналимиз админлари томонидан 8 март байрами муносабати билан 12 нафар кам таъминланган оилалар фарзандларига кийим кечаклар (спортивка) шуниннгдек, 10 та оилаларга озиқ овқат маҳсулотлари ҳолис савоб учун тарқатилди.

Юқоридаги тарқатилган маҳсулотларнинг расмлари каналга қўймасликка (ноқулай аҳволга солмаслик учун) қарор қилдик.

Бу каби эзгу ишларни рамазон ҳайитида ҳам амалга ошириш ниятидамиз.

@Mahalla_Raisi

#Диққат
#тарқатинг

Мигрантларнинг пул ўтказмаларисиз Ўзбекистонда камбағаллик 17 фоизгача ошиши мумкин – Жаҳон банки

Ўзбекистонлик муҳожирлар орасида Россияни танлаётганлар улуши 57 фоизгача камайган. Хориждан пул ўтказмаларининг бўлмаслиги мамлакатда камбағаллик даражасини 9,6 фоиздан 16,8 фоизгача ошириши мумкин, дейилади Жаҳон банкининг миграцияга оид тадқиқоти хулосаларида.

@Mahalla_Raisi

#Диққат
#тарқатинг

Бош вазир хизмат автомобили сифатида Malibu’дан фойдаланаётгани айтилмоқда

5 март куни Президент Шавкат Мирзиёев раислигида Коррупцияга қарши курашиш бўйича миллий кенгашнинг кенгайтирилган йиғилишида раҳбарлар хизмат транспортида юришни кескин қисқартириб, мамлакатимизда ишлаб чиқарилган автомобиль ва мебелга ўтиш зарурлиги қайд этилганди.

7 март куни Бош вазир раислигида ўтган видеоселектор йиғилишида эса барча раҳбарларга ушбу топшириқ ижросини сўзсиз бажариш юклатилган.

Дарвоқе, давлат раҳбарининг мазкур топшириғидан сўнг, шу кундан бошлаб Бош вазир Абдулла Арипов хизмат автомобили сифатида Malibu’дан фойдаланишга ўтгани айтилмоқда.

@Mahalla_Raisi

#Диққат
#тарқатинг
#эътироф

🌸 8 март – Халқаро хотин-қизлар куни!

💐 Барча мўътабар онажонларимизни, меҳрибон опа-сингилларимизни, гўзалликда тенгсиз қизларимизни байрамлари билан табриклаймиз!

💐 Бахтимизга ҳар доим соғ-омон бўлишларингизни тилаймиз!

@Mahalla_Raisi

#Диққат
#Тарқатинг

Расман: Ўзбекистондаги барча мактабларда 26-майдан бошлаб мактабнинг якуний имтиҳонлари ўтказилади

9 ва 11 синфлар учун якуний баҳолаш 26 майдан 15 июнга қадар (жисмоний тарбия ва касб-ҳунар таълими фанларидан ташқари) ўтказилади. Тил ва бошқа фанлардан давлат гувоҳномасига эга бўлган талабалар имтиёзли ҳисобланади.

@Mahalla_Raisi