ҲАЗРАТИ ШАЙХ САҲЛ ИБН АБДУЛЛОҲ АТ-ТУСТАРИЙ
қудисса сирруҳу ҳикматларидан

****

«Беш нарса одамнинг жавҳаридир:
1. Камбағал бўлиб, ўзини бой кўрсатмоғи.
2. Оч бўлиб, ўзини тўқ кўрсатмоғи.
3. Кадарли (ғамгин) бўлиб, шод кўринмоғи.
4. Душманига дўстлик кўрсатмоғи.
5. Кечалари намоз ўқиб, кундузлари рўза тутиб, яна ўзини бардам кўрсатмоғи».

****

«Иккиюзламачи кимса асло сидқ ифорини тота билмас».

****

«Ҳар ким жаннатга кирди, қўрқувдан эмин бўлди, ва ҳар кимки суннатга кирди, ул ҳам қўрқувдан эмин бўлди».

****

«Ёрдамчиларнинг энг устуни Аллоҳ жалла жалолуҳудир, муршидларнинг энг устуни ҳазрати Расул алайҳиссаломдирлар».

****

«Озиқларнинг энг авлоси тақводир».



Шайх Фаридуддин Аттор ҳазратларининг
"Тазкират ул-авлиё" китобидан.
Форс тилидан Устоз Мирзо Кенжабек таржимаси.



@m_kenjabek
┈┈• ❀ 🌷☘️🌷 ❀ •┈┈•