Qo'limdan kelsachi seni unutish, Uddalay olsamchi voz kechishni ham?!
Yengilib, bosh olib ketsachi firoq
Bir pulga teng bo'lib tugasa alam?!

Yana bahor kelsa gullasamchi duv, Yana yonib qarshi olsamchi kuzni?!
Yonimda bir ko'ngil tursachi suluv, Tanimay o'tsamchi ko'rganda seni...

Kimdir joylasachi joniga, sevib
Kimnidir eritib qo'ysam mehrda?
Sen ham o'zgasini quchoqlab turib, Meni kutsangchi mushtoq, sabrda...

Qo'limdan kelsachi seni unutmoq, Boshqa butlamasam buzilgan uyni. Senga mumkin bo'lmas hatto sog'inmoq,
O'zgaga sevdim deb aytganim kuni!

Ichim achiyapti senga negadir, Bahorda hech kim bir eslamas qishni,
Bizni yaxshi ko'rib turganda kimdir, Yaxshi ko'rmaslarni unutish ishmi?!