Kino ekrani

@kinoekrani

Channel's geo and language: Uzbekistan, Uzbek

Category: Blogs

Hammasi kino haqida.
Murojaat: @kinoekranibot

Related channels | Similar channels

Channel's geo and language

Uzbekistan, Uzbek

Kino ekrani

12 Feb, 16:14

#kinotaqriz
Yovvoyi nok (Ahlat Ağacı, 2018)
IMDb: 8.0
Kino ekrani: 9.5

Sinan o'qishini tamomlab o'z qishlog'iga qaytadi. O'zi nafratlanadigan odamlar, uylar va ko'chalarga. Uni ishsizlik qiynayabdi, nima ish qilishni bilmaydi, sohasi bo'yicha muallimlik qilishga hushi yo'q. Hayotidan maqsadi yo'q, butunlay hammadan uzilishni istaydigan odam. Yagona xohishi o'zi yozgan kitobini nashrdan chiqarish.

Filmni yigirma daqiqacha ko'rgach undagi bir jihat — soddalik juda ham tanish ko'rindi. Darrov eng sevimli platformam letteboksga kirib filmni rejissyorini tekshirdim. Jeylan ekan. Rejissyor Nuri Bilge Jeylanning boshqa (Uzoq, 2002) filmiga ham taqriz yozgan edim. Uning filmlarini oson ajratib olish mumkin, u shunchaki kamerani yoqadi va suratga oladi. Unga pavilyonlar, chiroqlar yoki maxsus effektlar kerak emas. U hayotni tasvirlaydi. Agar men kino olsam Jeylanni filmlariga o'xshash bo'lardi.

Ushbu film endigina universitetni tamomlab hayotdagi yo'lini yo'qotib qo'ygan yigit haqida hikoya qiladi. Psixologiyada o'rta yosh inqirozi atamasi mavjud. Hammamiz uni boshdan kechiramiz. Qahramonimiz bilan ham shunday hodisa ro'y bermoqda. U hammani yomon ko'radi, undan tashqari dunyodagi hamma odam ahmoq. Bir vaqt, hamma narsa qilgisi keladi, boshqa payt esa aksincha. Oilasi bilan munosabatlari yaxshi emas, u hechkimni yaxshi ko'rmaydi. Shunday bo'lsada hayotidan ma'no topishga urinmoqda.

Rejissyor tomoshabin his-tuyg'ulari bilan ham yaxshigina o'ynashgan. Agar sizga Nuri Bilge Jeylanning avvalgi filmi yoqqan bo'lsa bunisi ham yoqishi aniq. Lekin o'zingizni unchalik ham qiynamang bo'lmasa ushbu 3 soatlik kino sizni qiynab qo'yadi.

@kinoekrani — is back

205 0 5 1 12

Kino ekrani

11 Feb, 09:38

00:21

Video is unavailable for watching

Show in Telegram

#edit

2024-yilda chiqqan filmlar bo'yicha oskar mukofotini topshirish marosimi bu yil 3-mart sanasida bo'lib o'tadi. Bu ikkisi haykalchali bo'lib qolishlari mumkin.

Filmni hali ko'rmagan bo'lsangiz albatta tavsiya qilaman. Anora — go'zal kartina.

P.s: Oxirgi paytlar faqat video tashlashdan boshqasiga o'tmayabman, o'tolmayabman. Taxtlar o'yinini tugatganimdan so'ng qaytish qiyin kechayapti. Hammasi ortda qoldi, yaxshi filmlar va taqrizlar bilan kelyabman, tayyor turing)

@kinoekrani

371 0 2 26 14

Kino ekrani

8 Feb, 10:12

1. Jahongir Otajonov — Happy Birthday
rejissyor: Sardor Fakhriddinov

2. Jinoiy Asar
rejissyor: Kventin Tarantino

@kinoekrani

718 0 12 11 28

Kino ekrani

6 Feb, 17:54

#1000fakt
1000 ta fakt: 24-fakt

Aktyor Bob Odenkyork(Soul Gudman) Breaking Bad serialining 2-mavsumida jami 4 ta epizodda chiqishi kerak edi. Lekin biz uni uchta qismda ko'ramiz. Chunki aktyor How I met your mother sitkomining suratga olish ishlari bilan band bo'lgan. Shunda Vins Gilligan serialdagi eng sovuqqon personaj Mayk Ermantrouni o'ylab topadi.

@kinoekrani

758 0 4 3 25

Kino ekrani

5 Feb, 18:54

00:25

Video is unavailable for watching

Show in Telegram

#edit

Welcome to Kino ekrani.

P.s: Sizniyam reklama qilib berdim orasida bilsez bilarsiz) @sebs_channel

@kinoekrani

815 1 7 4 16

Kino ekrani

3 Feb, 15:51

Goodbye Brother (From The "Game Of Thrones" Soundtrack) — Ramin Djawadi

09:27

#kinomusiqa

Taxtlar o'yini serialini ko'rib tugatdim. Avvalroq ko'rmagan ekanman degan afsusni his qildira oldi. Bir dunyo emotsiyalar berdi. Sauntreklari ham zo'r lekin menga shu Starklarniki yoqdi.

You know nothing Jon Snow

@kinoekrani

846 0 15 39 12

Kino ekrani

29 Jan, 17:19

#kinotaqriz
Moskva ko'z yoshlarga ishonmaydi ( Москва слезам не верит, 1980)
IMDb: 8.0
Kino ekrani: 10

1958-yil, uch dugonalar Lyudmila, Antonina va Keterina Moskva shahrining ishchilar yotoqxonasida yashashadi. Ular bu ulkan shaharda o'z baxtlarini topishga ishonishadi, shunga harakat qilishadi. Antonina mehnatkash bir erkakka turmushga chiqadi, Lyudmila esa mashhur xokkeychi bilan o'z baxtini topadi. Biroq Katerina chaqalog'i bilan yolg'iz qoladi......

Rossiya kinematografiyasi tarixidagi eng yaxshi film.

QIZIQ FAKTLAR
1981-yilgi Akademiya taqdirlash marosimida, eng yaxshi xorijiy tildagi film nominatsiyasi g'olibi bo'ldi, oskar yutdi. Ruslarni ko'rishga ko'zi yo'q amerikaliklar eng oliy mukofotni ularga topshirishgan. Vladimir Menshov o'z filmi bilan ularni shunga majbur qila olgan. AQShning 40-prezidenti Ronald Reygan Mixail Gorbachyov bilan uchrashishdan oldin ushbu filmni bir necha marta tomosha qilgan. Shu orqali ruslar qalbini tushunmoqchi bo'lgan.

MENI QILGAN XATONI QAYTARMANG
Birinchi o'zbek tilida ko'rmoqchi bo'ldim. Dublyaj sifati zo'r, mazza qiladi odam. Kinoteatr telekanalida berilgan versiyasini ko'rdim. Kino umumiy 1s - 47d ekan. Ko'rib bo'lib syujetda ko'p kamchilik bordek tuyuldi. Qarasam originali 2s - 28d ekan. Qaytadan originalini ko'rdim. Keyin mukammal syujet yasaldi. Keyin filmdagi ba'zi argumentlar ma'no kasb qila boshladi.

VIZUAL
Filmdagi tungi Moskva manzaralari yoqdi. Lekin eng ko'p yoqqan sahnalar: dugonalar yig'ilib banka yopgach qorong'uda o'tirib suhbatlashgan va Gosha o'rmonda kabob pishirib bergani bo'ldi. Qanday go'zal sahnalar. Bu xuddi Jeylanni qorli Istanbuli, Skorsezening tungi Nyu-Yorki, Nolanning koinoti yoki Tarantinoning Gollivudiga o'xshaydi. Undagi go'zallik, undagi vizual shunchaki tabiiylikda, oddiylikda. Rejissyor shunchaki hayotni ekranga ko'chirgan. Nima bo'lsa shuni boricha plyonkaga muhrlagan.

Moskva ko'z yoshlarga ishonmaydi, o'z aravangni o'zing tortishing kerak.

@kinoekrani

1.4k 0 6 3 17

Kino ekrani

28 Jan, 12:54

00:07

Video is unavailable for watching

Show in Telegram

Endi o'sha ro'yhatga Margret Kuollini ham qo'shib qo'ysak bo'ladi. 🫦

Erga tekkan

@kinoekrani

1k 0 6 12 14

Kino ekrani

26 Jan, 19:56

Men sekin yozaman va yozishim uchun qahvaxonaga borishim shart. Men odamlarga teskari qarab o'tiraman, shunda ularning suhbatlari yoki boshqa ovozlar orqamda qoladi. Keyin boshimni ko'tarmasdan ssenariy yozaman. Men uyda yoza olmayman. Chunki dangasalashib ketaman. Faqat televizor ko'rgim yoki uxlagim keladi. Lekin qahvaxonada uxlash mumkinmasku shundaymi ? Shu narsa meni ishlashga undaydi.

Pong Jun-Ho

@kinoekrani

1.1k 0 1 20 27

Kino ekrani

23 Jan, 18:44

#kinotaqriz
Belgilar (Signs, 2002)
IMDb: 6.8
Kino ekrani: 8.0

Xotinining o'limidan so'ng cherkovda ruhoniylik qilishni tashlagan Grem Hes fermada ikki farzandi va ukasi bilan yashaydi. Bir kuni ertalab uyg'onib qarasa, uning keng jo'xori maydonida qandaydir belgilar paydo bo'lib qoladi. Dastlab belgilarni bezorilar qoldirib ketgan degan tahminga boradi, lekin rostdan ham shundaymi ?

M. Nayt Shyamalan horrorning eng muhim elementi - saspensdan mohirona foydalangan. Tomoshabin uni ko'rmaydi, qandayligi haqida tasavvurga ega bo'lmasdan qo'rqa boshlaydi. Film boshidagi titrlar paytida ham fondagi musiqa horror film ekanligi haqida xabar beradi. Bizni tayyorlab boradi.

Bu filmdan so'ng rejissyor Shyamalanni bemalol yaxshi rejissyorlar sinfiga kiritib qo'ysak bo'ladi. U barcha hamkasblari qiynaladigan qism - bolalar bilan zo'r ishlagan. Filmdagi bolalar yosh bo'lishlariga qaramasdan yaxshi performens ko'rsata olishgan. Bu rollari ularga yaxshi karyera qurishlariga sababchi bo'lgan.

Filmni qaysi yili ko'rganim aniq esimda emas. Kichkina bola edim, Yoshlarda 22:30da efirga uzatilgan. Avzal Rafiqov va Sanjar Sa'dullayevlarning ovozlari haligacham quloqlarimda jaranglaydi. Filmni ko'rib bo'lgach tashqariga chiqishim kerak bo'lgan, hovlida kichkina maydonda jo'xori ekilgan, shamolda shiqirlab turibdi. Yana uyga yugurib kirib ketganman. Har doim tunda, shamolda shiqirlab turgan daraxtlarga ko'zim tushsa darhol shu filmni eslayman. Yoshlikdagi travmam)

Nostalgiya bo'lishi uchun o'zbek tilida ko'rdim, sizga ham shuni tavsiya qilaman.

Filmni ko'rish

@kinoekrani

1.4k 0 6 11 26

Kino ekrani

22 Jan, 20:24

Ertaga taqriz chiqqunch mana shu filmni o'zbekcha subtitrlarda mazza qilib tomosha qilsangiz bo'ladi. Enigma Uzga rahmat.

Filmni ko'rish

1.2k 0 0 10

Kino ekrani

22 Jan, 19:24

📌 Ertaga taqriz chiqadi.

P.s: Rasmda rejissyor Shyamalan braziliyalik muhlisi bilan.

@kinoekrani

1.2k 0 2 23 20

Kino ekrani

20 Jan, 17:04

#kinotaqriz
Yana bir bor Texas shtati, Albukurke shahriga sayohat qilamiz.

Better Call Saul

Qing'ir ishning qiyig'i qirq yilda ham chiqadi: "Yaxshisi Soulga qo'ng'iroq qiling" seriali taqrizi

Yaxshisi Soulga qo\'ng\'iroq qiling (Better Call Saul, 2015 - 2022)

1.4k 1 13 11 18

Kino ekrani

19 Jan, 12:30

00:48

Video is unavailable for watching

Show in Telegram

#edit

Menimcha kino bu qandaydir sabablarga ko'ra qalbingizda iz qoldiradigan narsa. Oradan bir necha yil, hatto 10 yil o'tib uni yana tomosha qilsangiz, u sizga boshqacha ta'sir qiladi.

1.8k 1 27 14 27

Kino ekrani

16 Jan, 14:46

#posterlar

Yaxshisi Soulga qo'ng'iroq qiling serialining har bir mavsumi uchun tayyorlangan posterlar. Masterpiece.

P.s: yaqinda serialning taqrizi chiqadi

@kinoekrani

1.5k 0 3 17 27

Kino ekrani

15 Jan, 20:04

#kinotaqriz
Gollivud yonayotgan bir paytda, Tarantinoning (o'zining fikricha) eng yaxshi filmi "Bir zamonlar Gollivudda" haqida taqriz yozdim.

@kinoekrani

Tarantinoning eng yaxshi filmi

Bir zamonlar Gollivudda (Once upon a time... in Hollywood, 2019)

1.5k 0 7 4 23

Kino ekrani

13 Jan, 11:33

#1000fakt
1000 ta fakt: 23-fakt

Bir zamonlar Gollivudda filmida Margret Kuollining qahramoni dastlab Kittycat bo'lgan. Bu ism Menson oilasining bir a'zosiga tegishli ekanini bilgach Tarantino uni Pussycatga almashtirgan.

Pussycatmi, Kittycatmi baribir, yes we do)

P.s: Bir zamonlar Gollivudda filmi bo'yicha esa katta taqriz chiqadi.

@kinoekrani

1.5k 0 1 13 14

Kino ekrani

11 Jan, 20:24

#kinotaqriz
Maymun odam (Monkey Man, 2024)
IMDb: 6.8
Kino ekrani: 7.0

Maymun niqobini kiyib olib uyushtirilgan janglarda pul uchun kaltak yeb yuradigan yigit. Yakkayu-yagona maqsadi qasos olish. Bolaligidan bunga qattiq tayyorlanib keladi. Shaharning elitasi kayfu safo qiladigan klubga ishga kirgach, o'ylagan rejalarini qo'llashni boshlaydi.

"Xarobadan chiqqan millioner" Dev Patel o'zini rejissyor sifatida kashf qildi. Ushbu film to'liqligicha unga tegishli deya olamiz. Filmni o'zi suratga oldi, ssenariysini ham yozishib yubordi, prodyuserlik qildi, yetmaganiga bosh rolni ham o'zi o'ynab qo'ya qoldi.

Hind aktyorlar, hindcha ko'chalar, uylar hatto aksent va til ham hindcha biroq film umuman hind kinematografiyasiga mos tushmaydi. Dev Patel uchib ketayotgan o'qni ushlab qolmaydi, bir tepishda mashinani uchirib yubora olmaydi. Hatto hamma aktyorlar qo'shiq kuylab, birga raqs tushadigan sahnalar ham yo'q. Jang sahnalari va filmning vizuali Gollivudning blokbasterlarini eslatib yuboradi.

Film biz sevadigan, yengilmas Jon Uikdan ilhomlanib ishlanganini sezish qiyin emas. Qora kostyum, uzun sochlar va o'lmaslik. Filmda ham bunga ishora qilib ketilgan. Bundan tashqari Jon Uik filmlariga prodyuserlik qilgan Erika Li ham ushbu filmda prodyuserlik kursisini egallagan.

Prodyuserlik haqida gap kettimi, filmning eng katta prodyuseri, so'nggi yillarda mening sevimli rejissyorimga aylanib ulgurgan Jordan Pilni ham eslamasdan o'tolmadim. Maroqli tomosha!

@kinoekrani