Posts filter


#1000fakt
1000 ta fakt: 24-fakt

Aktyor Bob Odenkyork(Soul Gudman) Breaking Bad serialining 2-mavsumida jami 4 ta epizodda chiqishi kerak edi. Lekin biz uni uchta qismda ko'ramiz. Chunki aktyor How I met your mother sitkomining suratga olish ishlari bilan band bo'lgan. Shunda Vins Gilligan serialdagi eng sovuqqon personaj Mayk Ermantrouni o'ylab topadi.

@kinoekrani


Video is unavailable for watching
Show in Telegram
#edit

Welcome to Kino ekrani.

P.s: Sizniyam reklama qilib berdim orasida bilsez bilarsiz) @sebs_channel

@kinoekrani


#kinomusiqa

Taxtlar o'yini
serialini ko'rib tugatdim. Avvalroq ko'rmagan ekanman degan afsusni his qildira oldi. Bir dunyo emotsiyalar berdi. Sauntreklari ham zo'r lekin menga shu Starklarniki yoqdi.

You know nothing Jon Snow

@kinoekrani

602 0 12 39 10

#kinotaqriz
Moskva ko'z yoshlarga ishonmaydi ( Москва слезам не верит, 1980)
IMDb: 8.0
Kino ekrani: 10

1958-yil, uch dugonalar Lyudmila, Antonina va Keterina Moskva shahrining ishchilar yotoqxonasida yashashadi. Ular bu ulkan shaharda o'z baxtlarini topishga ishonishadi, shunga harakat qilishadi. Antonina mehnatkash bir erkakka turmushga chiqadi, Lyudmila esa mashhur xokkeychi bilan o'z baxtini topadi. Biroq Katerina chaqalog'i bilan yolg'iz qoladi......


Rossiya kinematografiyasi tarixidagi eng yaxshi film.

QIZIQ FAKTLAR

1981-yilgi Akademiya taqdirlash marosimida, eng yaxshi xorijiy tildagi film nominatsiyasi g'olibi bo'ldi, oskar yutdi. Ruslarni ko'rishga ko'zi yo'q amerikaliklar eng oliy mukofotni ularga topshirishgan. Vladimir Menshov o'z filmi bilan ularni shunga majbur qila olgan. AQShning 40-prezidenti Ronald Reygan Mixail Gorbachyov bilan uchrashishdan oldin ushbu filmni bir necha marta tomosha qilgan. Shu orqali ruslar qalbini tushunmoqchi bo'lgan.

MENI QILGAN XATONI QAYTARMANG
Birinchi o'zbek tilida ko'rmoqchi bo'ldim. Dublyaj sifati zo'r, mazza qiladi odam. Kinoteatr telekanalida berilgan versiyasini ko'rdim. Kino umumiy 1s - 47d ekan. Ko'rib bo'lib syujetda ko'p kamchilik bordek tuyuldi. Qarasam originali 2s - 28d ekan. Qaytadan originalini ko'rdim. Keyin mukammal syujet yasaldi. Keyin filmdagi ba'zi argumentlar ma'no kasb qila boshladi.

VIZUAL
Filmdagi tungi Moskva manzaralari yoqdi. Lekin eng ko'p yoqqan sahnalar: dugonalar yig'ilib banka yopgach qorong'uda o'tirib suhbatlashgan va Gosha o'rmonda kabob pishirib bergani bo'ldi. Qanday go'zal sahnalar. Bu xuddi Jeylanni qorli Istanbuli, Skorsezening tungi Nyu-Yorki, Nolanning koinoti yoki Tarantinoning Gollivudiga o'xshaydi. Undagi go'zallik, undagi vizual shunchaki tabiiylikda, oddiylikda. Rejissyor shunchaki hayotni ekranga ko'chirgan. Nima bo'lsa shuni boricha plyonkaga muhrlagan.

Moskva ko'z yoshlarga ishonmaydi, o'z aravangni o'zing tortishing kerak.

@kinoekrani


Video is unavailable for watching
Show in Telegram
Endi o'sha ro'yhatga Margret Kuollini ham qo'shib qo'ysak bo'ladi. 🫦

Erga tekkan

@kinoekrani

894 0 6 12 13

Men sekin yozaman va yozishim uchun qahvaxonaga borishim shart. Men odamlarga teskari qarab o'tiraman, shunda ularning suhbatlari yoki boshqa ovozlar orqamda qoladi. Keyin boshimni ko'tarmasdan ssenariy yozaman. Men uyda yoza olmayman. Chunki dangasalashib ketaman. Faqat televizor ko'rgim yoki uxlagim keladi. Lekin qahvaxonada uxlash mumkinmasku shundaymi ? Shu narsa meni ishlashga undaydi.

Pong Jun-Ho

@kinoekrani

849 0 1 20 27

#kinotaqriz
Belgilar (Signs, 2002)
IMDb: 6.8
Kino ekrani: 8.0

Xotinining o'limidan so'ng cherkovda ruhoniylik qilishni tashlagan Grem Hes fermada ikki farzandi va ukasi bilan yashaydi. Bir kuni ertalab uyg'onib qarasa, uning keng jo'xori maydonida qandaydir belgilar paydo bo'lib qoladi. Dastlab belgilarni bezorilar qoldirib ketgan degan tahminga boradi, lekin rostdan ham shundaymi ?


M. Nayt Shyamalan horrorning eng muhim elementi - saspensdan mohirona foydalangan. Tomoshabin uni ko'rmaydi, qandayligi haqida tasavvurga ega bo'lmasdan qo'rqa boshlaydi. Film boshidagi titrlar paytida ham fondagi musiqa horror film ekanligi haqida xabar beradi. Bizni tayyorlab boradi.

Bu filmdan so'ng rejissyor Shyamalanni bemalol yaxshi rejissyorlar sinfiga kiritib qo'ysak bo'ladi. U barcha hamkasblari qiynaladigan qism - bolalar bilan zo'r ishlagan. Filmdagi bolalar yosh bo'lishlariga qaramasdan yaxshi performens ko'rsata olishgan. Bu rollari ularga yaxshi karyera qurishlariga sababchi bo'lgan.

Filmni qaysi yili ko'rganim aniq esimda emas. Kichkina bola edim, Yoshlarda 22:30da efirga uzatilgan. Avzal Rafiqov va Sanjar Sa'dullayevlarning ovozlari haligacham quloqlarimda jaranglaydi. Filmni ko'rib bo'lgach tashqariga chiqishim kerak bo'lgan, hovlida kichkina maydonda jo'xori ekilgan, shamolda shiqirlab turibdi. Yana uyga yugurib kirib ketganman. Har doim tunda, shamolda shiqirlab turgan daraxtlarga ko'zim tushsa darhol shu filmni eslayman. Yoshlikdagi travmam)

Nostalgiya bo'lishi uchun o'zbek tilida ko'rdim, sizga ham shuni tavsiya qilaman.

Filmni ko'rish

@kinoekrani


Ertaga taqriz chiqqunch mana shu filmni o'zbekcha subtitrlarda mazza qilib tomosha qilsangiz bo'ladi. Enigma Uzga rahmat.

Filmni ko'rish


📌 Ertaga taqriz chiqadi.

P.s: Rasmda rejissyor Shyamalan braziliyalik muhlisi bilan.

@kinoekrani



1.2k 1 13 11 18

Video is unavailable for watching
Show in Telegram
#edit

Menimcha kino bu qandaydir sabablarga ko'ra qalbingizda iz qoldiradigan narsa. Oradan bir necha yil, hatto 10 yil o'tib uni yana tomosha qilsangiz, u sizga boshqacha ta'sir qiladi.


©️ Martin "daho" Skorseze

@kinoekrani

1.7k 1 27 14 26

#posterlar

Yaxshisi Soulga qo'ng'iroq qiling
serialining har bir mavsumi uchun tayyorlangan posterlar. Masterpiece.

P.s: yaqinda serialning taqrizi chiqadi

@kinoekrani


#kinotaqriz
Gollivud yonayotgan bir paytda, Tarantinoning (o'zining fikricha) eng yaxshi filmi "Bir zamonlar Gollivudda" haqida taqriz
yozdim.

@kinoekrani


#1000fakt
1000 ta fakt: 23-fakt

Bir zamonlar Gollivudda filmida Margret Kuollining qahramoni dastlab Kittycat bo'lgan. Bu ism Menson oilasining bir a'zosiga tegishli ekanini bilgach Tarantino uni Pussycatga almashtirgan.

Pussycatmi, Kittycatmi baribir, yes we do)

P.s: Bir zamonlar Gollivudda filmi bo'yicha esa katta taqriz chiqadi.

@kinoekrani


#kinotaqriz
Maymun odam (Monkey Man, 2024)
IMDb: 6.8
Kino ekrani: 7.0

Maymun niqobini kiyib olib uyushtirilgan janglarda pul uchun kaltak yeb yuradigan yigit. Yakkayu-yagona maqsadi qasos olish. Bolaligidan bunga qattiq tayyorlanib keladi. Shaharning elitasi kayfu safo qiladigan klubga ishga kirgach, o'ylagan rejalarini qo'llashni boshlaydi.


"Xarobadan chiqqan millioner" Dev Patel o'zini rejissyor sifatida kashf qildi. Ushbu film to'liqligicha unga tegishli deya olamiz. Filmni o'zi suratga oldi, ssenariysini ham yozishib yubordi, prodyuserlik qildi, yetmaganiga bosh rolni ham o'zi o'ynab qo'ya qoldi.

Hind aktyorlar, hindcha ko'chalar, uylar hatto aksent va til ham hindcha biroq film umuman hind kinematografiyasiga mos tushmaydi. Dev Patel uchib ketayotgan o'qni ushlab qolmaydi, bir tepishda mashinani uchirib yubora olmaydi. Hatto hamma aktyorlar qo'shiq kuylab, birga raqs tushadigan sahnalar ham yo'q. Jang sahnalari va filmning vizuali Gollivudning blokbasterlarini eslatib yuboradi.

Film biz sevadigan, yengilmas Jon Uikdan ilhomlanib ishlanganini sezish qiyin emas. Qora kostyum, uzun sochlar va o'lmaslik. Filmda ham bunga ishora qilib ketilgan. Bundan tashqari Jon Uik filmlariga prodyuserlik qilgan Erika Li ham ushbu filmda prodyuserlik kursisini egallagan.

Prodyuserlik haqida gap kettimi, filmning eng katta prodyuseri, so'nggi yillarda mening sevimli rejissyorimga aylanib ulgurgan Jordan Pilni ham eslamasdan o'tolmadim. Maroqli tomosha!

@kinoekrani


Forward from: Marokandsky
Ko’proq chatgptga ssenariy yozdirilar.


Onasiga tortgan qiz.

Maya Xouk
Uma Turman


@kinoekrani


#kinotaqriz
Yolg'iz bo'rilar (Wolfs, 2024)
IMDb: 6.5
Kino ekrani: 8.0

Margret tasodifan bir yigitchaning o'limi bilan o'ralashib qoldi. Sarosimada ishni tozalash uchun professionalga qo'ng'iroq qiladi. U kelib ishni boshlay deganda, boshqa bir o'z ishining ustasi ham yetib keladi. Natijada ikki qaysar qariya birga ishlashga majbur bo'lishadi.


Oradan yillar o'tib Bred Pit va Jorj Kluniy yana birga. AppleTV bu ikki aktyor muhlislari joniga oro kirib, ular ishtirokida komedik trillerni ekranlashtirdi. Ikki afsonaning soch-soqollaridagi oqdan ularning ham qariganini payqash mumkin. Filmda gavdalantirgan qahramonlari ham ularning yoshi o'tganini aytadi.

Filmdan ko'p narsa kutmasdan, shunchaki kayfiyat uchun, shu ikki aktyor mahorati uchun o'tirib ko'rish kerak. Bachkanalashib ketmagan hazillar, hazm qilish oson bo'lgan syujetni filmning yutug'i desak ham bo'ladi. Maydalab qor yog'ayotgan tungi Nyu-York kadrlari esa tomoshabinda grin karta o'ynash xohishini uyg'otadi.

Filmni ko'rish

@kinoekrani


#kinotaqriz
Abdullajon, 1991
IMDb: 7.1
Kino ekrani: 10

"Kommunizm" nomli qishloqqa buzulib qolgan uchar likopcha qo'nadi. Bozorboy ismli odam undan tushgan o'zga sayyoralik bolaga yordam beradi. Shundan so'ng Bozorboy uni o'g'il qilib asrab olishga qaror qiladi


O'zbek kinosi durdonasi. Menimcha Abdullajon filmini ko'rmagan, u haqida eshitmagan o'zbek bo'lmasa kerak. "Abdullajon, shakarsan shakar", "Мальчик иди сюда" kabi iqtiboslari esa hech qachon eskirmaydi.

Aktyorlik mahorati
Filmda Rajab Adashov va To'ti Yusupovalar bosh rollarda o'ynashgan. O'zga sayyoralik Abdullajon rolini esa Shuhrat Qayumov ijro etgan. Rajab Adashev intervyulardan birida aytgan edi, yosh bolaga ikki martagacha xato qilishi uchun imkon bor. Lekin biz, katta aktyorlar bitta dublda o'xshatimiz kerak edi. Sabab o'sha davrda kameraning plyonkasi qimmat bo'lgan.

Shevalar, ba'zi so'zlarning talaffuzi tomoshabinga judayam tabiiy eshitiladi. Tomoshabin filmga o'z bag'rini ochadi. Bunga sabab esa albatta unda rol ijro etgan aktyorlarning mahorati.

Rejissyor
Film rejissyori o'zbek kinematografiyasi tarixidagi eng kuchli rejissyorlardan biri (agar eng kuchlisi bo'lmasa) — Zulfiqor Musoqov. Rejissyorning umumiy vazifasi aniq, kartinani jonlantirish kerak. Qog'ozdagi hikoyani vizual yetkazib berishi kerak. Abdullajon filmida biz bunga guvoh bo'lamiz.

Harbiy trevoga e'lon qilinganda, harbiy uchoqlarni aerodromdan qo'zg'alish sahnalarini ko'rib, Meverik filmini ko'rgandek bo'ldim.

Filmning ikkinchi nomi
Filmning ikkinchi nomi yoki ruscha nomi — Abdullajon yoxud Stiven Spilbergga bag'ishlanadi.
Filmni Sotiboldi ismli odam hikoya qilib boradi. O'zbekcha kulgili aksent bilan rus tilida gapiradi. U amerikalik rejissyor Stiven Spilbergga xat yozayotgan bo'ladi. Stiven aka degan joyida film o'z soddaligi bilan yuragimni zabt etganini tushundim.

P.s: Filmni uzuq-yuluq televizorda efirga uzatishganda ko'rganman. Ko'p marotaba, lekin chala. O'tirib boshidan oxirigacha bir o'zim mazza qilib ko'rdim.

Filmda Zulfiqor Musoqovni o'zi ham rol ijro etgan, qaysi epizodda ?

Filmni tomosha qilish

@kinoekrani



20 last posts shown.