Демак, филм танлашда энг биринчи ўринда IMDb’даги рейтингига эътибор қаратаман, режисёри билан қизиқаман, сўнг фильм изоҳини ва кузатган фойдаланувчиларнинг фикрларини ўқиб чиқаман. Ана шундан кейин ушбу филмни томоша қиламан. Бу нотаниш филмлар билан содир бўладиган вазият. Таниш филмларни дарров кузатишга ўтиб кетаман. Асосан, заковатда савол қилиб берилган филмлар билан шундай бўлади. Филм танлашда мен учун энг аҳамиятсиз нарса - бу филмда актёрлар таркиби ва филм чиқарилган йил. Мен кўрган энг эски филм 1957-йилда суратга олинган ва “12 Angry Men” деб номланади. Энг янгиларидан эса Зендея рол ижро этган “Challengers”. Ўзимга мақул келган ҳар қандай жанрдаги филмларни кузатавераман, лекин Marvel киноларини жуда ёмон кўраман, DCни мақул кўраман. Асарлар асосида суратга олинган филмлар, реал воқеаларга асосланган филмлар, тарихий шахсларга аталган филмлар, биографик драмалар энг ёқтирганларим. Фантастика жанридаги филмлар ёқмайди, илмий фантастика эса, аксинча, жуда ёқади. Фэнтези жанридаги энг ёқтирганларим Гарри Поттер ва Узукларлар ҳукмдори франшизалари. Энг ёқтирган режисёрларим орасига Стивен Спилберг ва Кристофер Нолан киради, энг ёмон кўрганим эса - Квентин Тарантино. Энг яхши кўрган актёрларим Кристиан Бейл, Эндрю Гарфилд, Киллиан Мёрфи, Райан Гослинг, актрисалардан эса Скарлетт Йоханссон, Ана де Армас ва Хелена Бонем Картер. Энг ёқтирган филмларим Интерстеллар, Инсепшн, Тенет, Престиж, Молчание ягнят, Бойцовский клуб, Американская история Х, Остров проклятых, Крёстный отец, Список Шиндлера, Побег из Шоушенка, Зелёная миля, Сияние, Тёмный рыцарь, Дневник памяти ва яна кўплаб бошқа филмлар. Ҳамма учун Форрест Гамп ва Green book филмларини тавсия қилишим мумкин.

Ҳуллас шунақа, ўзимни сал-пал киномэн дея оламан)