"JAMIYAT va QONUN" # "ЖАМИЯТ ва ҚОНУН" RASMIY KANAL

❗️Rasman: 2-yanvar ham dam olish kuni deb e’lon qilindi

Bu bo‘yicha Prezident qarori qabul qilindi.

Unga ko‘ra, besh kunlik ish haftasida ishlaydigan xodimlar uchun dam olish kuni 4-yanvar – shanba kunidan 2-yanvar – payshanba kuniga ko‘chirildi hamda olti kunlik ish haftasida ishlaydigan xodimlar uchun 2-yanvar – payshanba qo‘shimcha dam olish kuni etib belgilandi.

Shunday qilib, Yangi yilda olti kunlik ish haftasida ishlaydiganlar 5 kun, besh kunlik ish haftasidagilar 6 kun dam oladi:

❌✅ 28-dekabr (shanba) — 6 kunliklar uchun ish kuni, 5 kunliklar uchun dam olish kuni;

✅ 29-dekabr (yakshanba) — barcha uchun odatiy dam olish kuni;

✅ 30-dekabr (dushanba) — 6 kunliklar uchun qo‘shimcha dam olish kuni, 5 kunliklar uchun 14-dekabr (shanba) kunidan ko‘chirilgan dam olish kuni;

✅ 31-dekabr (seshanba) — barcha uchun qo‘shimcha dam olish kuni;

✅ 1-yanvar (chorshanba) — Yangi yil bayrami.

✅ 2-yanvar (payshanba) — 6 kunliklar uchun dam olish kuni, 5 kunliklar uchun 4-yanvar (shanba) kunidan ko‘chirilgan dam olish kuni.

@jamiyatvaqonun

9 декабрь - Халқаро коррупцияга қарши курашиш куни

2003 йил 9 декабрь куни Мексикада БМТнинг коррупцияга қарши конвенцияси имзоланган ва ушбу кун Халқаро коррупцияга қарши курашиш куни сифатида эълон қилинган.

Шу тариқа 2004 йилдан буён 9 декабрь Халқаро коррупцияга қарши курашиш куни сифатида эътироф этилади.

@jamiyatvaqonun

Ўзбекистон Республикасининг 2024 йил 15 ноябрдаги «Ўзбекистон Республикасининг айрим қонун ҳужжатларига ер участкаларидан самарали фойдаланиш, соҳадаги ҳуқуқбузарликларнинг олдини олиш механизмларини такомиллаштиришга қаратилган ўзгартириш ва қўшимчалар киритиш тўғрисидаги» ЎРҚ-997-сонли қонуни билан Ўзбекистон Республикасининг Жиноят кодексига, Жиноят-процессуал кодексига ва Маъмурий жавобгарлик тўғрисидаги кодексига ердан фойдаланиш ҳақидаги қонунчилик ҳужжатлари талабларини бузганлик учун жавобгарлик чоралари кучайтирилишини назарда тутувчи ўзгартириш ва қўшимчалар киритилмоқда.

Мамлакатимизда ерга оид муносабатларда тенглик ва шаффофликни, ер ресурсларидан оқилона ва мақсадли фойдаланилишини таъминлашга ҳамда ер участкалари ўзбошимчалик билан эгаллаб олинишининг олдини олишга қаратилган тизимли ишлар амалга оширилмоқда. Шу билан бирга ерга оид ҳуқуқий муносабатларда барқарорликни таъминлаш, ерларни муҳофаза қилиш, ер эгаларининг мулкий ҳуқуқлари ҳимояси кафолатларини кучайтириш ҳамда мазкур соҳадаги ҳуқуқбузарликларнинг ўз вақтида олдини олиш зарурияти юзага келмоқда. Ўзбекистон Республикасининг Фуқаролик процессуал кодекси ва Иқтисодий процессуал кодекси ўзбошимчалик билан эгаллаб олинган, давлат мулкида бўлган ер участкасини қайтариш, ўзбошимчалик билан қурилган иморатни бузиб ташлаш тўғрисидаги ишлар бўйича алоҳида иш юритилишини назарда тутувчи қоидалар билан тўлдирилмоқда.
«Давлат божи тўғрисида»ги Ўзбекистон Республикаси Қонунига маҳаллий ижро этувчи ҳокимият органлари ер тўғрисидаги қонунчилик бузилганлиги билан боғлиқ даъволар бўйича давлат божини тўлашдан озод этилишини назарда тутувчи қўшимча киритилмоқда.
Ушбу Қонун ер участкаларидан самарали ва мақсадли фойдаланишни таъминлаш механизмларини такомиллаштиришга, уларни ўзбошимчалик билан эгаллаб олиш ва ўзбошимчалик билан иморатлар қуриш ҳолатларининг камайишига, ер тўғрисидаги қонунчилик бузилиши билан боғлиқ қилмишларни содир этганлик учун қўлланиладиган таъсир чораларининг мутаносиблиги ва етарлилиги принципларини таъминлашга хизмат қилади.

М. ЭРГАШEВ
Жиноят ишлари бўйича
Пастдарғом тумани судининг раиси @jamiyatvaqonun

«Зўравонликка қарши 16 кун фаоллик”

БМТ Бош Ассамблеясининг 1999 йил 17 декабрдаги резолюсиясига кўра 25 ноябрь Халқаро аёлларга нисбатан зўравонликка қарши курашиш куни деб эълон қилинган.

Шу муносабат билан ҳар йили дунё миқёсида 25 ноябрдан 10 декабргача «Зўравонликка қарши 16 кун» фаол ҳаракатлар доирасида турли тадбирлар ўтказилади. Давлатимиз раҳбарининг қатъий сиёсий иродаси туфайли «Инсон қадри учун” тамойили асосида зўравонликнинг ҳар қандай кўринишига қарши тизимли ишлар амалга оширилмоқда. Қонунларимиз такомиллаштирилди, жазо чоралари қатъийлаштирилди, ушбу иллатга қарши ишлайдиган аниқ тизим — Ижтимоий ҳимоя Миллий агентлиги фаолияти йўлга қўйилди.

Ҳозирда ўтказилаётган «Зўравонликка қарши 16 кун фаоллик” тадбирлари мақсади — мавжуд муаммоларни таҳлил қилиш, бу борада кенг жамоатчилик вакиллари, мутахассислар, халқаро ташкилотлар ва бошқа шу соҳага алоқадор инсонлар фикрини ўрганиш, давлат томонидан амалга оширилиши лозим бўлган вазифаларни белгилаш, инсон ҳуқуқларини таъминлаш йўлида барчани бирлаштиришдан иборатдир.

Лекин қисқа муддатда амалга оширилган ишлар ва бугунги натижаларимиз — бу борада қилиниши зарур бўлган ҳақиқий фаолиятга дастлабки қадамдир. Бу йўналишда ҳали муаммолар етарлича. Бунинг учун барчамиз масъул бўлишимиз даркор. Бутун жамиятимиз зўравонликка қарши курашиш учун ягона кучга айланиши керак. Бефарқ бўлмаслик, зўравонлик аниқланиши ва тўхтатилиши учун барча имкониятларни ишга солиш орқали барбод бўлган тақдирлар, йўқолган умидларга нажот беришимиз мумкин.

М. ЭРГАШEВ
Жиноят ишлари бўйича
Пастдарғом тумани судининг раиси @jamiyatvaqonun

Конституция куни арафасида Ўзбекистон Республикаси ИИВ 3-минтақавий ҳудуд 37-сонли манзил колониясида жазо муддатини ўтаётган ва қилмишига чин кўнгилдан пушаймон бўлган 17 нафар шахсга нисбатан тайинланган озодликдан маҳрум қилиш жазоси енгилроғи билан алмаштирилди.

Бу воқеа юртимизда олиб борилаётган инсонпарварлик сиёсатининг, халқимизга хос бағрикенглик, кечиримли бўлиш, олижаноблик ва меҳр-мурувват кўрсатиш каби эзгу фазилатларнинг намоён бўлганлигининг амалий ифодасидир.

Жазодан озод этилган шахсларга асосий қонунимизни ҳаётга татбиқ этиш йўлида ғоят муҳим қадам бўлганини яна бир бор таъкидланди.

«Конституциямиз мамлакатимизда миллий мустақиллигимизни мустаҳкамлаш, тинчлик ва барқарорлик, миллатлараро дўстлик ва ҳамжиҳатликни сақлаш, ислоҳотларимизнинг ортга қайтмас тус олишини таъминлашда доимо ишончли кафолат бўлиб келган ва бундан буён ҳам шундай бўлиб қолади.

Инсон қадрини улуғлаш, унинг ҳуқуқ ва манфаатларини таъминлаш бўйича асосий қонунимизда муҳрлаб қўйилган устувор тамойилларни ҳаётимизга изчил татбиқ этиш борасида юртимизда кенг кўламли чора-тадбирлар амалга оширилмоқда.

Ислоҳотларни жадал давом эттириб, янгиланган Конституциямиз нормаларини ҳаётга татбиқ этиш мақсадида тадбиркорликни ривожлантириш, шу асосда аҳоли даромадларини ошириш, оила ва маҳаллаларда ўзаро ҳурмат ва аҳиллик муҳитини мустаҳкамлаш, кекса авлод вакиллари, хотин-қизлар ва ёшларни ҳар томонлама қўллаб-қувватлаш вазифаси бундан буён ҳам давлатимиз раҳбари эътибор марказида бўлади.

Марат Эргашев
Жиноят ишлари бўйича
Пастдарғом туман судининг раиси @jamiyatvaqonun

ЧАҚАЛОҚНИ 3.000 АҚШ ДОЛЛАРИГА БАҲОЛАГАН МАНСАБДОРНИНГ СЎНГГИ ПУШАЙМОНИ

Пастдарғом тумани тиббиёт бирлашмасига қарашли туғруқ мажмуасида дунёга келган болакай ўз онасининг бағрида ўсиб-вояга етиши ўрнига «одам савдоси»дек жирканч жиноятнинг қурбонига айланди. Яъни онаси ундан туғилиши билан воз кечган ва ҳаттоки бошқа одамлар билан савдолашиб ҳам қўйганди. Бундан хабари бор М. И. эса Пастдарғом тумани ҳокимлиги Болаларни ҳимоя қилиш шуъбаси бош мутахассиси З.Т.га синглиси Ш.га бола асраб олишида ёрдамлашишни сўраб оғзаки мурожаат қилди. Ўз ваколатидан «одам савдоси» жиноятини содир этишни енгиллатиш мақсадида фойдаланган З. эса туғруқ мажмуасидаги чақалоқни Ш.га фарзандликка асраб олиш учун беришини ва зарур ҳужжатларни ўзи тўғирлашини ваъда қилиб, ушбу хизматларини 3.000 АҚШ долларида баҳолади. Дастлаб Ш.дан туман ҳокимлиги фуқароларни қабул қилиш биносида ўзаро келишилган пул ҳисобидан бир миллион сўмни олгач, гўёки расмийлаштириш ишларини бошлаб юборди. Лекин орадан вақт ўтгач, З. Ш.га пул эвазига ваъда қилган чақалоқни бошқа шахсга бериб юборганлигини айтиб, Пастдарғом тумани ҳокимининг тегишли Қарорига асосан Самарқанд вилояти ички ишлар бошқармаси Вояга етмаганларга ижтимоий ҳуқуқий ёрдам кўрсатиш марказида қолиш муддати тугаган ва назоратсиз қолган вояга етмаган бошқа бир болакайга нисбатан уни васий этиб белгиланганлигини маълум қилади. Унга илгари пул эвазига бола олиб бериш тўғрисида оғзаки тузилган битимни ҳам эслатиб қўяди. Шу тариқа бирор-бир ҳуқуқий ҳужжатларсиз қаровсиз қолган болакайни Ш.га сотмоқчи бўлган З. бу иши жиноят эканлигини яхши билар эди. Яхшиямки, Ш. унинг хатти-ҳаракатлари устидан ҳуқуқни муҳофаза қилувчи органларга ўз вақтида хабар берди. Яъни Ш.нинг аризаси юзасидан олиб борилган терговга қадар текширув давомида, бола сотиши эвазига келишилган уч минг АҚШ доллари ҳисобидан З.га берилган бир миллион сўм пул Бош прокуратура ҳузуридаги Иқтисодий жиноятларга қарши курашиш Департаменти ходимлари томонидан тегишли тартибда олиниб ҳужжатлаштирилди. Бундан ташқари, З. ўзининг жиноий ҳаракатларини давом эттириб, туман ҳокимлиги Болаларни ҳимоя қилиш шуъбасига фарзанд асраб олиш учун ариза билан мурожаат қилиб навбатда турган М.М.га ҳам туман тиббиёт бирлашмасига қарашли туғруқ мажмуасида туғилган чақалоқни пул эвазига унга фарзандликка асраб олиш учун беришини ва зарур ҳужжатларни ўзи тўғрилашини ваъда қилади. Туғруқ мажмуаси олдида М.дан йигирма миллион сўм миқдоридаги нақд пулни олади ва шу куниёқ чақалоқни бирор-бир ҳуқуқий ҳужжатларсиз аёлнинг ихтиёрига топшириб, болакайни сотади. З.нинг «одам савдоси» билан боғлик шу каби қилмишлари фош бўлгач, мазкур жиноий иш суд муҳокамасида кўриб чиқилар экан, у ўз айбига тўлиқ иқрорлик билдириб, ҳақиқатдан ҳам Ш.га асраб олмоқчи бўлган фарзандининг туғилганлик тўғрисидаги гувохномасини тўғрилаб бериш учун бир миллион сўм миқдоридаги пулларни олганлигини, лекин бу пулларни ўзининг шахсий эҳтиёжига сарф қилиб юборганлигини тан олди. Шундан кейин Ш.га берган ваъдаси эсдан чиқиб, ундан бола топиб беришни илтимос қилиб холи жонига қўймаган М.га ҳам пул эвазига бола топиб берганлигини айтиб, қилган ишидан чин кўнгилдан пушаймон эканлигини, унга нисбатан қонуний енгиллик берилишини суддан сўради. Лекин суд З.ни жиноят содир этишдаги ҳолатларига баҳо бериб, унинг айбига тўлиқ иқрорлиги, қилмишидан чин кўнгилдан пушаймонлиги, муқаддам судланмаганлиги ҳамда Ўзбекистон Республикаси Жиноят Кодексининг 55-моддасига асосан жазосини енгиллаштирувчи ҳолатлар деб, унинг Ўзбекистон Республикаси Жиноят Кодексининг 56-моддасига асосан жазони оғирлаштирувчи ҳолатлар мавжуд эмас деб баҳолади. Шунингдек, суд ҳайъати, иш юзасидан ашёвий далил сифатида эътироф этилган бир миллион сўм миқдордаги пуллар тергов вақтида жабрланувчига тилхат орқали қайтарилганлигини эътиборга олиб, уни муҳокамадан қолдиришликни лозим деб топди.

@jamiyatvaqonun

Эркинжон Турдимов Президент администрациясида фаолиятини давом эттиради

Бу ҳақда Самарқанд вилояти ҳокимлигида ўтаётган сессияда маълум қилинди.


@jamiyatvaqonun

Бугун, 27 октябрь  — Ўзбекистон Республикаси Олий Мажлиси Қонунчилик палатаси ва маҳаллий Кенгашлар депутатлари сайлови куни!

Овоз бериш жараёни бошланишига оз фурсат қолди.

Овоз бериш жараёни соат 8:00 дан соат 20:00 гача давом этади.

@jamiyatvaqonun