𝗜𝗦𝗟𝗢𝗠𝗢𝗧𝗔.𝗨𝗭

​​📖 ​​#ҚУРЪОНИЙ

📖 Аллоҳ таоло «Ҳуд» сурасида марҳамат қилади:

Меҳрибон ва раҳмли Аллоҳнинг номи ила бошлайман

«... 61. Ва Самудга биродарлари Солиҳни (юбордик). У: «Эй қавмим, Аллоҳга ибодат қилинг. Сиз учун Ундан ўзга илоҳ йўқ. У сизларни ердан пайдо қилди ва унга сизни ободлиги учун қўйди. Бас, Унга истиғфор айтинг, сўнгра Унга тавба қилинг. Албатта, Роббим яқин ва ижобат қилгувчидир», деди.

62. Улар: «Эй Солиҳ, бундан олдин сен ичимизда орзу қилинган эдинг. Энди бизни ота-боболаримиз ибодат қиладиган нарсага ибодат қилмоғимиздан қайтарасанми? Албатта, биз сен даъват қилаётган нарса ҳақида шак-шубҳадамиз», дедилар.

63. У: «Эй қавмим, хабар беринг-чи, агар мен Роббим томонидан очиқ-ойдин ҳужжатга эга бўлсам ва менга У томонидан раҳмат берилган бўлса-ю, мен Унга осий бўлсам, ким менга Аллоҳ (азоби)дан (қутулишга) ёрдам беради?! Бас, сиз менга зиёндан ўзгани зиёда қилмассизлар.

64. Эй қавмим, Аллоҳнинг мана бу туяси сизга белги-мўъжизадир. Бас, уни тек қўйинглар, Аллоҳнинг ерида еб юрсин, унга ёмонлик етказманглар, акс ҳолда, сизни яқин азоб ушлайди», деди». ... (давомли).
———
📚Оятларнинг тўлиқ мазмуни учун тафсир китобларига қаранг!
•••••┈••••┈•••┈••┈• ❁✿❁ •┈•••┈•••┈••••┈•••••
👉 Дўстларга ҳам улашинг ⤵️ ➫ www.islomota.uz
🔄 https://t.me/joinchat/AAAAAEGGvVxjpov993rSgA

#Уламолар_бисотидан

Ўлим васфи

Aмр ибн Оснинг ўғли Aбдуллоҳдан ривоят қилинади: Отам: “Мен ўлим тўшагида ётган кишидан ажабланаман, унинг ақлу ҳуши, тили жойида бўлса, энди қандай қилиб ўлимни сифатлаб бера олмайди”, дер эди. Сўнг вақти келиб, ўзи ҳам ўлим тўшагида ётди, унинг ақлу ҳуши, тили жойида эди. Шунда отамга: “Эй ота! Сиз ўлаётган киши ақлу ҳуши, тили бўла туриб, ўлимни сифатлаб бермаслигига ажабланаман”, дер эдингиз”, дедим. Шунда у: “Эй ўғлим, ўлим сифатлаб беришликдан каттароқ нарса экан. Лекин сенга ўлимдан баъзи нарсаларни сифатлаб бераман. Aллоҳга қасамки, гўё елкамда Ризво ва Туҳома тоғи тургандек. Гўё менинг руҳим игна тешигидан чиқаётгандек, гўё менинг ичим тиканлар билан тўлгандек. Гўёки осмон ер устига ёпилгану мен уларнинг орасида қолиб кетгандекман”. Сўнг шундай деди: “Эй ўғлим, менинг ҳолатим уч кўринишда ўтди. Aввалида Муҳаммадни (с.а.в.) ўлдириш учун инсонларнинг энг ҳорисроғи бўлдим. Эй воҳ, не кўргилик бўларди агар ўша вақтда ўлиб кетсам, кейин Aллоҳ мени Исломга ҳидоят қилди ва Муҳаммад (с.а.в.) мен учун одамларнинг энг яхшисига айланди, мени аскарларга бошлиқ қилди. Кошки мен ана ўша вақтда ўлсам эди. Расулуллоҳнинг (с.а.в.) дуолари менга етган бўларди. Шундан сўнг дунё ишлари билан шуғулланиб, овора бўлиб кетдик, энди Aллоҳнинг ҳузурида ҳолим не бўлади, билмайман”. Ўғли унинг ҳузурида жон таслим қилгунча турди.

Абу Лайс Самарқандийнинг
"Танбеҳул-ғофилийн" китобидан.

•••••┈••••┈•••┈••┈• ❁✿❁ •┈•••┈•••┈••••┈•••••
👉 Дўстларга ҳам улашинг ⤵️ ➫ www.islomota.uz
🔄  https://t.me/joinchat/AAAAAEGGvVxjpov993rSgA

​​📖 ​​#ҚУРЪОНИЙ

📖 Аллоҳ таоло «Ҳуд» сурасида марҳамат қилади:

Меҳрибон ва раҳмли Аллоҳнинг номи ила бошлайман

«... 53. Улар: «Эй Ҳуд, бизга очиқ-ойдин ҳужжат келтирмадинг. Биз сенинг гапинг учун худоларимизни тарк қилувчи эмасмиз ва биз сенга иймон келтирувчи ҳам эмасмиз.

54. Биз фақат, сени баъзи худоларимиз ёмонлик ила урибди, деймиз, холос», дедилар. У: «Албатта, мен Аллоҳни гувоҳ қиламан ва сиз ҳам гувоҳ бўлингки, мен шерик келтираётганингиздан покман.

55. Ундан ўзга. Бас, ҳаммангиз менга қарши ҳийла қилаверинглар, менга муҳлат берманглар.

56. Албатта, мен Роббим ва Роббингиз бўлмиш Аллоҳга таваккал қилдим. Ҳар бир ўрмалайдиган нарсанинг пешонаси Унинг чангалидадир. Албатта, Роббим тўғри йўлдадир.

57. Агар юз ўгириб кетсангиз, батаҳқиқ, мен сизларга нима ила юборилган бўлсам, уни сизларга етказдим. Роббим ўрнингизга сиздан бошқа қавмни келтиради ва сиз Унга ҳеч бир зарар етказа олмассиз. Албатта, Роббим ҳар бир нарсани муҳофаза қилгувчи Зотдир», деди». ... (давомли).
———
📚Оятларнинг тўлиқ мазмуни учун тафсир китобларига қаранг!
•••••┈••••┈•••┈••┈• ❁✿❁ •┈•••┈•••┈••••┈•••••
👉 Дўстларга ҳам улашинг ⤵️ ➫ www.islomota.uz
🔄 https://t.me/joinchat/AAAAAEGGvVxjpov993rSgA