𝗜𝗦𝗟𝗢𝗠𝗢𝗧𝗔.𝗨𝗭

Уяли алоқа воситасига оид одоблар

• Телефон сотиб олишда уни яхшиликларга, дунё ва охират учун манфаатли нарсаларга ишлатиш ниятини қилиш керак.

• Уяли алоқа жиҳозининг ўз эҳтиёжига ярашасини олиши керак.

• Уяли алоқа воситаси ойнасига Аллоҳ лафзини ва Қуръони карим оятларини қўймаслик одобдандир.

• Уяли алоқа жиҳозининг қўнғироқ товушларига Қуръон ояти, азон ёки Аллоҳнинг зикрларини қўйиш мумкин эмас.

• Уяли алоқа жиҳозига Исломда тинглаш ёки томоша қилиш ман қилинган нарсаларни жойлаштириш харомдир.

• Уяли алоқа воситаси ўзгага тегишли бўлса, унинг рухсатисиз олиш, ундан бировга қўнғироқ қилиш, унинг ичидаги нарсаларни очиб кўриш мутлақо мумкин эмас.

• Уяли алоқа жиҳози билан ўзининг рухсатисиз бировни суратга олиш ёки овзини ёзиш мутлақо мумкин эмас.

• Болаларга Уяли алоқа жиҳозини олиб беришга шошилмаслик, олиб берганда ҳам, фақат зарурат юзасидан ишлатишини йўлга қўйиш лозим.

“Ижтимоий одоблар” китобидан.


♻️ Дўстларингизга ҳам улашинг!!!
•••••┈••••┈•••┈••┈• ❁✿❁ •┈•••┈•••┈••••┈•••••
👉 Дўстларга ҳам улашинг ⤵️ ➫ www.islomota.uz
🔄 https://t.me/joinchat/AAAAAEGGvVxjpov993rSgA

#Солиҳлар_гулшани

Бу солиҳ халифа ким?

Молик ибн Динордан ривоят қилинади: «Умар ибн Абдулазиз халифалик тахтига ўтиргач, тоғ-тошларда қўй боқиб юрган чўпонлар: «Одамларга волий бўлиб келган бу солиҳ халифа ким экан?» дейишди. Одамлар чўпонлардан: «Халифанинг солиҳ эканини қаердан билдингиз?» деб сўрашган эди, шундай жавоб беришди: «Халққа солиҳ одам халифа бўлиб келса, бўрилар қўйларни еб кетишдан тийилиб қолади».

❗️Дунёдан олиб кетадиган нарсангизни биласизми?
•••••┈••••┈•••┈••┈• ❁✿❁ •┈•••┈•••┈••••┈•••••
👉 Дўстларга ҳам улашинг ⤵️ ➫ www.islomota.uz
🔄 https://t.me/joinchat/AAAAAEGGvVxjpov993rSgA

#иқтибос

✨ Ризққа алоқадор қоидалар

Ризқнинг қоидалари бор бўлиб, мўмин киши уларни билган ҳолда амал қилса, ризқ масаласида қалби хотиржам бўлади:

1. Ризқ фақат мол-мулк эмас.

2. Бандаларнинг ризқи Аллоҳнинг зиммасида.

3. Ризқ Аллоҳнинг фазлу карамидир.

4. Ризқлар азалдан ёзиб, тақсимлаб қўйилган.

5. Ризқларнинг тақсимоти Аллоҳнинг ҳикмати билан бўлади...

📘 «Ризқ» китобидан

•••••┈••••┈•••┈••┈• ❁✿❁ •┈•••┈•••┈••••┈•••••
👉 Дўстларга ҳам улашинг ⤵️ ➫ www.islomota.uz
🔄 https://t.me/joinchat/AAAAAEGGvVxjpov993rSgA

Суҳбатлашиш одоби

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Сўзлаётган пайтда ортиқча ҳаракатлар қилмаслик лозим.

Бунга кўз, қош, қўл ва бошқа аъзоларнинг ҳаракати ҳам киради. Суҳбатлашаётганда, суҳбатдошини туртиб, қўлидан тутиб ёки кийимидан тортқилаб гапирадиганлар ҳам бор. Ушбу нарсалар ҳам одобсизликка киради ва бу ишлар киши одобидаги нуқсонлардир.
Имкони борича чиройли, маънодор ва хушҳолликка далолат қиладиган сўз важумлаларни ишлатиб, қўпол, маъносиз ва нохушликка сабаб бўладиган сўз важумлалардан четланиш керак.
Бу борада мумтоз адабиётимизда бир ҳикоя келган: Подшоҳ туш кўрибди. Тушида тишлари битта қолмай тўкилиб кетган эмиш. Аъёнларини чақириб, бу тушининг таъбирини сўрабди. Биров: «Барча қариндошларингиз ўлиб, ёлғиз ўзингиз қолар экансиз», дебди. Бу гап подшоҳни маҳзун қилибди. Бошқа биров: «Йўқ, ундай эмас, подшоҳим. Сиз барча қариндошларингиздан кўра кўп умр кўрар экансиз», дебди. Бу гап подшоҳга маъқул келиб, жуда хурсанд бўлибди.
Тилни ихтиёрига қўйиб юбориш инсонни ёлғон, ғийбат, чақимчилик, риё, ихтилоф, душманлашув, ахлоқсизлик, фаҳш ишлар ва бошқа турли ёмонликларга олиб боради. Шунинг учун «Ким тилини тийса, нажот топади» дейилган. Тил офатларидан сақланишнинг энг яхши йўли турли бемаъни ўтириш-зиёфатлар, ғийбат-хусумат мажлислари, нодон, ахлоқсиз кишилар суҳбати кабилардан узоқроқ юришдир.

Шайх Муҳаммад Содиқ Муҳаммад Юсуф
(Ижтимоий одоблар китобидан)

♻️ Дўстларингизга ҳам улашинг!!!
•••••┈••••┈•••┈••┈• ❁✿❁ •┈•••┈•••┈••••┈•••••
👉 Дўстларга ҳам улашинг ⤵️ ➫ www.islomota.uz
🔄 https://t.me/joinchat/AAAAAEGGvVxjpov993rSgA