Huquqiy targ`ibot

#Bilasizmi

⚡️Ovchilik guvohnomasini olish tartibi o’zgardi

✅O‘zbekiston Respublikasi Prezidentining “Respublikada ov qilish va ovchilik xo‘jaliklari faoliyatini yanada takomillashtirish chora-tadbirlari to‘g‘risida”gi PF-105-son Farmoniga muvofiq ovchilik guvohnomasini olishga talabgorlar tomonidan maxsus o‘quv kursini o‘qish uchun quyidagi amallar bajarishlari kerak:

1. Mobil qurilmalar orqali AppStore yoki Play Market platformasidan HunterUzb ilovasini yuklab olinib, o‘rnatiladi.
2. O‘rnatilgan HunterUzb ilovasiga kirib telefon raqami kiritiladi, parol o‘rnatiladi, tasdiqlash kodi kiritilib ro‘yxatdan o‘tiladi.  (Bunda parol bir dona bosh lotin harfi, son va maxsus belgilardan iborat bo‘lishi kerak)
3. Ilovaning profil bo‘limida shaxsiy ma’lumotlar kiritiladi.
4. Ilovaning profil bo’limidan “O‘qishni boshlash” bandi tanlanadi, ushbu bandda bioxilma-xilllikni asrash, hayvonlarning turlari va anatomiyasi, ov qilish qoidalari, ovchilik etikasi va birinchi yordam ko‘rsatish bo‘yicha o‘quv qo‘llanmani to‘liq o‘zlashtirgandan so‘ng, o‘quv kursi uchun BHMning 1 baravari miqdorida to‘lov amalga oshiriladi va test sinovlari topshiriladi.
5. Test sinovlaridan muvaffaqiyatli o‘tgandan so’ng Sertikat olinadi.
6. Mazkur sertifikat asosida yagona interaktiv davlat xizmatlari portali (my.gov.uz)ning “ovchilik guvohnomasi olish” xizmatidan foydalaniladi, ovchilik guvohnomasi uchun BHMning 2 baravari miqdorida to’lov amalga oshirilib, ovchilik guvohnomasi olinadi.

📌Eslatma: Ovchilik guvohnomasining amal qilish qilish muddati 2 yil.

@iiv_huquqiy_targibot

#Bilasizmi

❗️"Portlash xavfi bo‘lgan muhitlarda ishlatiladigan asbob-uskunalar xavfsizligi to‘g‘risidagi texnik reglamentni tasdiqlash haqida" Hukumat qarori (2-sоn, 06.01.2025 yil) qabul qilindi.

🔰Qarorga ko‘ra, portlash xavfi bo‘lgan muhitlarda ishlatiladigan asbob-uskunalarga qo‘yiladigan talablar, shuningdek, ularni tamg‘alash, identifikatsiya qilish hamda muvofiqligini baholash tartibini nazarda tutuvchi Portlash xavfi bo‘lgan muhitlarda ishlatiladigan asbob-uskunalar xavfsizligi to‘g‘risidagi texnik reglamenti tasdiqlandi.

⚡️Mazkur Texnik reglament quyidagilarga tatbiq etilmaydi:
➖portlash muhitida foydalanish mumkin bo‘lmagan texnik qurilmalar, o‘z tarkibida portlash xavfi mavjud bo‘lgan moddalar va beqaror kimyoviy birikmalarga (portlovchi moddalar, porox va boshqalar);
➖yonuvchan gazning kutilmaganda sizib chiqishi natijasida portlash muhiti hosil bo‘lgan sharoitlarda maishiy va nosanoat maqsadlarida foydalanish uchun gazdan foydalaniladigan uskunalarga;
➖O‘zbekiston Respublikasi chegarasi orqali tranzit olib o‘tilayotgan asbob-uskunalarga;
➖tibbiy mahsulotlarga;
➖shaxsiy himoya vositalariga;
➖umumiy foydalanishda bo‘lgan havo, avtomobil yo‘li, temir yo‘l yoki suv transportida o‘rnatilgan asbob-uskunalarga;
➖yadroviy tadqiqot asbob-uskunalariga va ulardagi portlash muhitida joylashgan asbob-uskunalarga

✅Portlash xavfi bo‘lgan muhitlarda ishlatiladigan asbob-uskunalarni ishlatish qoidalari Vazirlar Mahkamasi huzuridagi Sanoat, radiatsiya va yadro xavfsizligi qo‘mitasi tomonidan o‘rnatilgan tartibda belgilanadi.

📌Texnik reglament rasmiy e’lon qilingan kundan e’tiboran 6 oy o‘tgach kuchga kiradi.

@iiv_huquqiy_targibot

#Bilasizmi

❗️"Davlat maktabgacha ta’lim tashkilotlarida sog‘lom ovqatlantirish tartibini takomillashtirish chora-tadbirlari to‘g‘risida" Hukumat qarori (1-сон, 06.01.2025 yil) qabul qilindi.

🔰Qarorga ko‘ra, quyidagilar amalga oshiriladi:

➖davlat maktabgacha ta’lim tashkilotlarini bosqichma-bosqich autsorsing usulida ovqatlantirish tizimiga o‘tkazish;
➖“Yagona mavsumiy taomnoma”ni joriy etish hamda oziq-ovqat xarajatlarining hisobini “Bolalar bog‘chasi” maktabgacha ta’limni boshqarish axborot tizimida yaratilgan modullar orqali yuritish;
➖davlat bog‘larida tarbiyalanuvchilarni “Yagona mavsumiy taomnoma” asosida respublika hududlari kesimida bir tarbiyalanuvchi uchun kunlik ovqatlantirish xarajatini belgilash orqali ovqatlantirish.

🏢Shuningdek, Ta’lim sohasida ovqatlantirishni tashkil etish va nazorat qilish markazi tashkil etiladi.

✅Davlat maktabgacha va umumiy o‘rta ta’lim tashkilotlarida sog‘lom ovqatlantirishni tashkil etishni muvofiqlashtirish hamda jarayonlarni bosqichma-bosqich raqamlashtirish Markazning asosiy faoliyat yo‘nalishlaridan biri etib belgilandi.

🗓Davlat bog‘chalari tarbiyalanuvchilarning sog‘lom, xavfsiz va sifatli ovqatlanishini ta’minlash maqsadida 2025-yil 1-iyulgacha “Yagona mavsumiy taomnoma” joriy etiladi.

@iiv_huquqiy_targibot