Huquqiy targ`ibot

❗️Тергов судьяларининг ваколатлари белгиланди

Қонун (ЎРҚ-1022-сон, 28.01.2025 й.) билан айрим қонун ҳужжатларига ўзгартириш ва қўшимчалар киритилди.

🔰 Унга кўра, тергов судьялари томонидан жиноят ишлари бўйича судга қадар иш юритиш босқичида процессуал қарорларга санкция бериш ва маъмурий ҳуқуқбузарликлар тўғрисидаги ишларни кўриб чиқиш масалаларини қонунчиликда белгилаш мақсадида тергов судьяларининг ваколатлари жумласига киритилган ишларни кўриб чиқиш асослари ҳамда тартибини назарда тутувчи ўзгартириш ва қўшимчалар киритилди.

Ҳужжатнинг расмий тўлиқ матни:
https://lex.uz/pdfs/7347837

❗️Риштонда кулолчилик тарихи музейи очилади

“Риштон анъанавий кулолчилиги тарихи музейи фаолиятини йўлга қўйиш тўғрисида”ги Ҳукумат қарори (41-сон, 28.01.2025 й.) қабул қилинди

🔰 Қарорга кўра, Риштон анъанавий кулолчилиги тарихи нодавлат музейи ташкил қилинади.

📚 Музейни ташкил этиш бўйича ишчи гуруҳ тасдиқланди ва унинг асосий вазифаларидан бири этиб, музей концепциясини ишлаб чиқиш, тасдиқлаш ҳамда музей фаолиятини йўлга қўйиш белгиланди.

Ҳужжатнинг расмий тўлиқ матни:
https://lex.uz/pdfs/7345780

❗️Ахборотни криптографик муҳофаза қилиш воситаларини ишлаб чиқиш тартиб-таомиллари такомиллаштирилади

Қарор (ПҚ-30-сон, 27.01.2025 й.) билан “Ўзбекистон Республикасида ахборотни криптографик муҳофаза қилишни ташкил этиш чора-тадбирлари тўғрисида”ги қарорига ўзгартириш ва қўшимчалар киритилди.

⚡️ Киритилган қўшимчага кўра, дастурий ахборотни криптографик муҳофаза қилиш воситаси (АКМВ)дан давлат сирларини ҳимоялашда фойдаланишга қонунчилик ҳужжатлари ва миллий стандартлар, шунингдек, Ваколатли органнинг идоравий ҳужжатлари талаблари доирасида рухсат этилади.

Ҳужжатнинг расмий тўлиқ матни:
https://lex.uz/pdfs/7345640

❗️Транспорт-логистика тизими янада ривожлантирилади

“Ўзбекистон Республикасининг транспорт-логистика тизимини янада ривожлантириш чора-тадбирлари тўғрисида”ги Президент қарори (ПҚ-28-сон, 27.01.2025 й.) қабул қилинди.

🔰 Қарорга кўра, Ўзбекистоннинг транспорт-логистика тизимини 2030 йилгача ривожлантириш концепцияси ва уни амалга ошириш бўйича “йўл харитаси” тасдиқланди.

📜 Юкларни халқаро ташишни ташкил этишда транспорт-экспедиторлик хизматларига ҚҚС ноль ставкада қўлланади.

🗓 2025 йил 1 июндан Давлат чегараси орқали автомобиль ўтказиш пунктларида автотранспорт воситаларининг электрон навбат тизими жорий этилади.

🎓 Халқаро автомобиль транспорти иттифоқи билан ҳамкорликда Халқаро автомобиль транспорти соҳасида кадрлар тайёрлаш ва уларнинг малакасини ошириш бўйича минтақавий ўқув маркази ташкил этилади.

▶️ Умумий фойдаланишдаги автомобиль йўллари бўйларида йўлбўйи сервис (“Service area” ва “Service point”) объектлари ташкил этилади.

Ҳужжатнинг расмий тўлиқ матни:
https://lex.uz/pdfs/7342148

❗️Нукус давлат техника университети ташкил этилади

“Нукус давлат техника университетини ташкил этиш тўғрисида”ги Президент қарори (ПҚ-25-сон, 24.01.2025 й.) қабул қилинди.

⚡️ Қарорга кўра, Навоий давлат кончилик ва технологиялар университети ҳузуридаги Нукус кончилик институти ҳамда Тошкент ахборот технологиялари университети
Нукус филиали негизида Нукус давлат техника университети ташкил этилади.

🎓 Университетда Илғор муҳандислик мактаби фаолияти ташкил этилади.

🗓 2025/2026 ўқув йилигача Университетда тажриба-ишлаб чиқариш (“спин-офф”) корхонаси ташкил этилади.

📌 Ҳозирда таҳсил олаётган барча талабалар ўқишини Университетда давом эттиради ва битирувчи курс талабаларига белгиланган тартибда Университет дипломи берилади.

Ҳужжатнинг расмий тўлиқ матни:
https://lex.uz/pdfs/7342014

#Bilasizmi

❗️“O‘zbekiston Respublikasi Kriminologiya tadqiqot instituti tomonidan pullik xizmatlarni ko‘rsatish tartibi to‘g‘risida”gi nizom Adliya vazirligida davlat ro‘yxatidan o‘tkazildi (ro‘yxat raqami 3602, 21.01.2025 y.)

✅Nizom Kriminologiya tadqiqot instituti tomonidan jamoat xavfsizligini ta’minlash va jinoyatchilikka qarshi kurashish sohasida shartnoma asosida pullik xizmatlar ko‘rsatish tartibini belgilaydi.

🏢 Institut quyidagi faoliyat turlari bo‘yicha pullik xizmat ko‘rsatadi:

🔹ekspertlik faoliyati;

🔹ilmiy-tadqiqot faoliyati;

🔹noshirlik faoliyati;

🔹matbaa faoliyati.

✔️ Buyurtmachi xizmat ko‘rsatishni so‘rab Institutga yozma yoki elektron shaklda murojaat qiladi.

📝 Institutga murojaat kelib tushgan kundan boshlab bir ish kuni ichida buyurtmachi va Institut o‘rtasida ikki nusxada xizmat ko‘rsatish bo‘yicha shartnoma tuziladi.

☑️ Xizmatlar preyskuranti (narxlari) Institut tomonidan bozor konyunkturasidan kelib chiqqan holda tasdiqlanadi.

@iiv_huquqiy_targibot

#Bilasizmi

❗️“O‘zbekiston Respublikasi Prezidentining ayrim qarorlariga o‘zgartirish va qo‘shimchalar kiritish to‘g‘risida”gi Prezident qarori (PQ-21-son) qabul qilindi.

⚡️ Unga ko‘ra, Prezidentining ayrim qarorlariga harbiy xizmatni (xizmatni) o‘tash bilan bog‘liq cheklovlar o‘rnatishni nazarda tutuvchi o‘zgartirish va qo‘shimchalar kiritildi.

✅Jumladan:

🔹Ichki ishlar organlarida xizmatni o‘tash tartibi to‘g‘risidagi nizomiga kiritilgan qo‘shimchaga ko‘ra:

🔹Ichki ishlar organlari xizmatiga kirish istagini bildirgan fuqaro “Ichki ishlar organlari to‘g‘risida”gi Qonunida belgilangan ichki ishlar organlarida xizmatni o‘tash bilan bog‘liq cheklovlar bilan yozma shaklda tanishtiriladi.

🔹Mazkur cheklovlarga rozi bo‘lgan hamda vazirlikning maxsus talablariga javob beradigan nomzodlar ichki ishlar organlari xizmatiga qabul qilinadi.

@iiv_huquqiy_targibot

#Bilasizmi

❗️Normativ-huquqiy hujjat loyihasining ekspertizasi

🔰Qonunchilikka muvofiq, normativ-huquqiy hujjat loyihasi huquqiy va korrupsiyaga qarshi ekspertizalardan o‘tkazilishi shart.

✔️Bundan tashqari, normativ-huquqiy hujjat loyihasi ishlab chiquvchining yoki normativ-huquqiy hujjat qabul qilish huquqiga ega bo‘lgan organning qaroriga ko‘ra iqtisodiy, moliyaviy, ilmiy, lingvistik, ekologik ekspertizadan, shuningdek boshqa turdagi ekspertizalardan o‘tkazilishi mumkin.

🔹huquqiy ekspertiza jarayonida normativ-huquqiy hujjat loyihasining O‘zbekiston Respublikasining Konstitutsiyasi va qonunlariga, unga nisbatan yuqoriroq yuridik kuchga ega bo‘lgan boshqa normativ-huquqiy hujjatlarga, yuridik-texnik jihatdan rasmiylashtirishning talablariga muvofiqligi, shu jumladan normativ-huquqiy hujjat loyihasida havola qiluvchi normalar qo‘llanilishining asosliligi hamda maqsadga muvofiqligi tekshiriladi;

🔹korrupsiyaga qarshi ekspertizasi — normativ-huquqiy hujjatlardagi va ularning loyihalaridagi korrupsiyani keltirib chiqaruvchi omillarni aniqlashga, aniqlangan korrupsiyani keltirib chiqaruvchi omillarni bartaraf etishga qaratilgan tavsiyalar ishlab chiqish va choralar ko‘rishga yo‘naltirilgan tadbirlar majmui hisoblanadi;

🔹ekologik ekspertiza deganda rejalashtirilayotgan yoki amalga oshirilayotgan xo‘jalik va boshqa xil faoliyatning ekologik talablarga muvofiqligini belgilash hamda ekologik ekspertiza obyektini ro‘yobga chiqarish mumkinligini aniqlash tushuniladi.

🔹gender-huquqiy ekspertiza — normativ-huquqiy hujjatlarni hamda ularning loyihalarini xotin-qizlar va erkaklar uchun teng huquq hamda imkoniyatlar kafolatlarini ta’minlash prinsiplariga muvofiqligi yuzasidan tahlil qilish;

🔹lingvistik ekspertiza — loyiha matnining davlat tili qoida va talablariga muvofiqligini mutaxassis tomonidan o‘rganilishi;

🗓Shuningdek, “Normativ-huquqiy hujjatlar loyihalarining ilmiy asoslanganlik darajasini oshirish chora-tadbirlari to‘g‘risida”gi Hukumat qarori (29-son, 22.01.2025 y.) qabul qilindi.

☑️Unga ko'ra, qonunosti hujjatlari loyihalari bo‘yicha — tegishli sohadagi davlat ekspertlik ilmiy-tadqiqot muassasalari, davlat ilmiy-tadqiqot muassasalari hamda davlat oliy ta’lim muassasalari tomonidan kelishuv asosida ilmiy ekspertizadan o‘tkaziladi.

@iiv_huquqiy_targibot