Davlat ijtimoiy buyurtmasi g'olibi aniqlandi

🧠 Bugun Ijtimoiy himoya milliy agentligi huzuridagi Jamoatchilik kengashining 7-son yig‘ilishi bo‘lib o‘tdi. Unda Agentlik tomonidan e’lon qilingan Xorazm viloyati Urganch tumanida “Bolalar ijodi va iqtidorini qo‘llab quvvatlash markazi”da 8 ta yo‘nalish bo‘yicha to‘garaklar va 3 ta xizmat ko‘rsatish bo‘yicha o‘quv kurslarini tashkil etish yuzasidan umumiy summasi 453,1 mln so‘m bo‘lgan davlat ijtimoiy buyurtmasi uchun tanlov o‘tkazildi.

Tanlovda Xorazm viloyatida faoliyat yuritayotgan 3 nafar NNT vakillari ishtirok etdilar:

- Xorazm viloyati “Iroda” xalq hunarmandchiligi va kasb-hunarga o‘qitish markazi;

- Bolalar va oilalarni qo‘llab-quvvatlash assotsiatsiyasi Xorazm viloyati hududiy bo‘linmasi;

- Xorazm viloyat “Mehr gulshani” nogiron bolalar va yoshlarni qo‘llab-quvvatlash jamiyati.

Tanlov yakunlariga ko‘ra eng ko‘p ovoz to‘plagan NNT - Xorazm viloyati “Iroda” xalq hunarmandchiligi va kasb-hunarga o‘qitish markazi davlat ijtimoiy buyurtmasi g‘olibi deb topildi.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz