HAZRATIIMOM.UZ | Rasmiy Kanal

Фарзандим Фотиҳ бўлсин деганларга.

Фотиҳ Султон Меҳмет Хон болалигида жуда ярамас, тўполончи бир ўқувчи эди. Дарс вақтида қилган тўполонлари билан устози Оқшамсиддинни жаҳлини чиқарар эди. Устози унга танбеҳ берса, дарҳол: «Мен подшоҳнинг ўғлиман, ҳеч нарса қилолмайсан», дейишдан ҳам тоймасди.

Оқшамсиддин подшоҳга шикоят этишликни адабсизлик ҳисоблаб, ҳолатни ИИ-Муротга айтишликдан тортинар эди. Аммо, вақт ўтгани сайин кичик Меҳметнинг қилиқлари ҳаддан ошиб, чидаб бўлмас ҳолга келади.
Шундан кейин ноилож подшоҳ ИИ-Муротнинг ҳузурига чиқади.

«Подшоҳим, Сизга айтишим зарур бўлган бир хусусий масала бор. Аммо, айтишдан ҳаё қилмоқдаман.»

Подшоҳ:
«Марҳамат! Ҳеч тортинмасдан айтавер», дейди.
Бу сўз Оқшамсиддинни хотиржам этди. Ва ҳодисани англата бошлади.
«Подшоҳим! Ўғлингиз - жигарпорангиз жуда тўполончи. Унинг дастидан дарсимни ўтолмаяпман. Қачон танбеҳ берсам, дарҳол Сизни номингиз билан менга таҳдид қилади».

Подшоҳ бир оз сукут сақлайди.
Кейин Оқшамсиддинга яқин келиб, бир нарсаларни пичирлаб тушунтиради. Подшоҳнинг сўзларидан Оқшамсиддин саросимага тушади.
«Бу қандай режа? Буни амалга ошириш мумкин эмас!
Оқшамсиддин бу режа хусусидаги хавотирларини ошкор қилишига қарамай, подшоҳ,  «Бу иш бўлади»,  дейди».

Эртаси куни Меҳмет дарсда яна тўполонини бошлайди. Устозининг танбеҳига одатдагидек, отаси билан таҳдид жавобини беради. Айни шу пайт тўсатдан эшик очилиб, подшоҳ ичкарига киради. Бу ҳолатдан ғазабланган Оқшамсиддин подшоҳга қараб бақиради. Бир тарсаки уриб дейди: Ҳеч ким дарс вақтида ичкарига бундай тарзда кириши мумкин эмас!
Изн сўраб кириши лозимлигини айтиб, ташқарига ҳайдайди.

Подшоҳ маҳжуб шаклда бўйнини эгиб, узр сўрайди ва ташқарига чиқади.
Бу ҳодиса қаршисида Фотиҳ Султон тили калимага келмай, нима қилишини билмай қолади. Ишонгани - подшоҳ отаси кўз ўнгида тарсаки еган эди. Фотиҳ Султон Меҳметнинг ички дунёси ағдар-тўнтар бўлганди.

Бир оздан сўнг эшик тақиллайди, ва подшоҳ ҳижолатли ҳолатда ичкарига узр сўраб киради.

Режа ажойиб шаклда амалга ошган эди.
Ўша кундан сўнг, Фотиҳ Султон Меҳмет асло ярамаслик қилмади.
Чунки, ишонган тоғларига қор ёғган эди...
--------------------------------------------------------------------------
Таълим не эканини ИИ-Мурот даражасида бўлмаса ҳам, камида ўз фарзандини янглиш йўлларга йўналтирмаслик қадар идрок этадиган ота-оналарга эҳтиёжимиз бор.

Унутмайлик, болалар эрка, тантиқ бўлиб туғилмайдилар. Уларни дипломли, мансабли, топармон, аммо тарбиясиз ота-оналар талтайтирадилар.

┈┉┅━❀🍃🌺🍃❀━┅┉┈

Telegram | Facebook | Instagram | Youtube

Рўзани бузувчи амал

Амал қилинмаса рўзани бузувчи иккинчи аркон, рўзани бузувчи нарсалардан сақланиш.

-Қасддан бирор нарса истеъмол қилиш, у ейдиган бўладими ёки ичадиган бўладими, ҳар қанча кичкина бўлса ҳам фарқи йўқ.

Бадандаги табиий тешиклар орқали нарсанинг кириши

Жисм, нарса деганда, кўз билан кўриладиган ҳамма нарсани тушунишимиз мумкин, табиий тешиклар булар: оғиз, бурун, қулоқлар, жинсий азолар ва орқа тешик тушунилади.

Агар оғизга солинган нарса томоқ чегарасидан ўтсагина, рўза бузилади, айнан “ха” харфи чиқадиган ер назарда тутилган. Бурунда нарса гайморал бўшлиқдан ўтса, рўза очилади. Юқорида қайд этилган тешиклардан тана ичига кирган ҳар қандай нарса рўзани бузади. Масалан бурунга томизилган томчи рўзани бузади, лекин кўзга томизилса йўқ чунки у ерда бўшлиқ йўқ. Ханқа хам рўзани бузади, чунки суюқлик бўшлиққа киради, лекин қон томирига, мускулга қилинган укол рўзани бузмайди.

Аммо баъзи бир уламолар, агар киши касаллик сабабли эмас, балки рўзани осон тутиш ниятида осма укол олса у кишининг тутган рўзаси ҳақиқий ҳисобланмайди дейдилар. Буларнинг ҳаммаси қасддан амалга оширилсагина рўзани бузади. Рўзадорнинг ичига унинг ихтиёрисиз чанг ва шунга ўхшаш нарсалар кирса рўзаси очилмайди, чунки бундай нарсалардан сақланиш жуда қийин. Ўз сўлагини ютиши ҳам рўзасини очмайди. Лекин сўлагини атайин тўплаб ютса ёки сўлагига милкидан чиққан қон аралашса, ва бу сўлагини ютиб юбоса рўзаси очилади хатто сўлак ранги аслига қайтган бўлса хам. Рўза бузулмаслиги учун оғизни тоза сув билан чайиш керак.Бир томчи сув ҳам томоқ чегарасидан ўтмаслиги учун ҳамма сувни қолдирмасдан туфлаб ташлаш керак.

Худди шундай тиш тозалаётганда ҳам жуда хушёр бўлиш керак, на сув, на тиш мажуни томоқ чегарасидан ўтиб кетмаслигига ҳаракат қилиш керак акс холда рўза бузилади. Таҳорат вақтида амалга ошириладиган оғизни чайиш, бурунга сув олиб қоқиш (мазмаза ва истиншоқ) каби амалларда агар киши хаддан ташқари кўп ҳаракат қилмаган бўлса, рўзаси бузулмаслиги мумкин. Акс ҳолда рўзаси очилади сабаби, у рўзадор қилиши керак бўлмаган амални бажарган бўлади. Агар инсонни таҳдид орқали бирор нарсани ейиш ёки ичишга мажбур қилишса рўзаси бузилмайди.

Учинчи сабаб – бу орқали рўза бузилади яъни қасддан қусиш. Бунда қусуқдан хатто бир томчисини қайтиб ошқозон ёки қизилўнгачга тушишиш шарт эмас. Абу Хурайра розиялллоҳу анҳудан ривоят қилинади. Набий соллаллоҳу алайҳи васаллам:: “Ким рўзадор бўлсаю унга қайт ғолиб келса, қазо қилмоқ вожиб эмас. Агар ўзи ҳохлаб қайт қилган бўлса, қазо тутсин”, деганлар

(«Сунан Абу Довуд», № 2380; «Сунани Термизий», № 720).

Қасддан жимо қилиш

Жимо қилишлик рўзани бузади, хатто уруғ шаҳват билан отилиб чиқмаган бўлса ҳам. Аллоҳ Қуръонда: “…..Тонг пайтида оқ ип қора ипдан ажрагунча еб-ичаверинг. Сўнгра рўзани кечасига батамом қилинг..”

(«Бақара» сураси, 187-оят).

Унутиб жимо қилиб қўйса, рўза бузилмайди.Рамазон ойининг рўзасини жимо қилиб бузган шахс, кун ботгунича рўзани бузувчи барча ишлардан емоқ, ичмоқ ва хоказолардан тийилиши шарт. Рамазон ойидан кейин қазосини тутиб бериши ва каффорат сифатида 60 кун кетма-кет, узлуксиз рўза тутиб бериши шарт. Агар бу ишни жисмонан қилишга қодир бўлмаса, 60 та мискинга таом бериши керак.

Жуфтини ўпганда шахват билан уруғ отилиб чиқса, ёки азл қилганда рўза бузилади. Агар ўпганда шахвати келиб қолишидан қўрққан одам бу ишдан тийилгани маъқул, чунки бу иши гуноҳ бўлиши билан бирга фарз ҳисобланган рўзасига путур етказиши мумкин.

-Хайз ва нифос. Бу нарсаларни келиши рўзани бузилишига сабаб бўлади. Гарчи уларнинг давомийлиги кўп бўлмаса хам. Улар сабабли ўтказилган рўзалар тутиб берилади.

Ақлдан озишлик ва Аллоҳ сақласин муртад бўлишлик ҳам рўзани бузадиган ишлардан

Рўзадорлар учун Райён дарвозаси
Рамазон ойи – Аллоҳ таолонинг раҳмати, мағфират ва дўзахдан озод бўлиш ойидир. Бу ойда тутилган рўза мўмин-мусулмонлар учун жаннат эшикларидан бири бўлмиш "Райён" дарвозаси орқали кириш шарафига сабаб бўлади.
Райён дарвозаси ҳақида ҳадис
Пайғамбаримиз Муҳаммад соллаллоҳу алайҳи васаллам рўза тутишнинг ажри ва Райён дарвозаси ҳақида шундай деганлар:
إِنَّ فِي الجَنَّةِ بَابًا يُقَالُ لَهُ الرَّيَّانُ، يَدْخُلُ مِنْهُ الصَّائِمُونَ يَوْمَ القِيَامَةِ، لَا يَدْخُلُ مِنْهُ أَحَدٌ غَيْرُهُمْ، يُقَالُ: أَيْنَ الصَّائِمُونَ؟ فَيَقُومُونَ، لَا يَدْخُلُ مِنْهُ أَحَدٌ غَيْرُهُمْ، فَإِذَا دَخَلُوا، أُغْلِقَ، فَلَمْ يَدْخُلْ مِنْهُ أَحَدٌ
"Жаннатда «Райён» деган эшик бор. Ундан қиёмат куни рўзадорлар киради, улардан бошқа ҳеч ким кирмайди. «Рўзадорлар қаерда?» дейилади. Шунда улар туриб келишади ва улардан бошқа ҳеч ким кирмайди. Уларнинг ҳаммаси кириб бўлганидан сўнг эшик ёпилади ва у эшикдан бошқа ҳеч ким кирмайди."
(Имом Бухорий ва Имом Муслим ривоятлари)
Рўзанинг фазилати
Рўза – инсонни нафсдан, шаҳватдан ва ёмон ишлардан тийиб, тақвога етаклайдиган энг улуғ ибодатдир. Аллоҳ таоло шундай марҳамат қилади:
يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِنْ قَبْلِكُمْ لَعَلَّكُمْ تَتَّقُونَ
"Эй иймон келтирганлар! Сизлардан олдин ўтган умматларга фарз қилинганидек, сизларга ҳам рўза фарз қилинди. Шоядки, тақводор бўлсангизлар."
(Бақара сураси, 183-оят)
Рўзанинг ажри ва Райён дарвозасига лойиқ бўлиш
Аллоҳ таоло рўзанинг мукофотини Ўзи беради. Ҳадисда шундай дейилади:
"Одам боласининг ҳар бир амалининг ажри ўн баробардан етти юз баробаргача оширилади. Лекин рўза мен учундир ва унинг мукофотини Ўзим бераман..." (Бухорий ва Муслим)
Рўза тутган киши учун икки хил хурсандлик бор.
Ифтор вақтида рўзасини очганида қувонади.
Қиёмат куни Аллоҳ билан кўришганда, рўзасининг ажрига ҳурсанд бўлади.
Рўза дўзахдан сақлайди.
Ҳадисда шундай келтирилади:
"Кимки бир кун Аллоҳ учун рўза тутса, Аллоҳ уни етмиш йиллик масофада дўзахдан узоқлаштиради." (Бухорий ва Муслим)
Райён дарвозасидан фақат рўзадорлар киради.
Бу дунёда чин ихлос билан рўза тутган мўминлар қиёмат куни жаннатнинг энг гўзал дарвозаларидан бири бўлган Райён эшигидан ўтадилар ва уларга абадий жаннат неъматлари насиб этади.
Хулоса
Рўза – бу Аллоҳ таолога яқинлашиш ва тақво соҳибларидан бўлиш учун энг яхши йўлдир. Бу ибодат инсоннинг қалбини поклаб, уни жаннатга муносиб даражага етказади. Биз ҳам шу улуғ ибодатни чинакам ихлос билан адо этиб, Аллоҳнинг розилиги ва Райён дарвозасидан кириш шарафига эришишга ҳаракат қилайлик.
Аллоҳ таоло барчамизни шу улуғ неъматдан баҳраманд қилсин!
Ҳазрати Имом жоме масжиди имом-хатиби
устоз Ҳабибуллоҳ қори Абдуразоқов

Рамазон муборак!

Барчангизни қутлуғ ва фазилатли Рамазон ойининг кириб келиши билан муборакбод этаман! Ушбу ойнинг ҳар бир онида Аллоҳнинг раҳмати, мағфирати ва баракаси ёғиладиган кунлар келмоқда. Рамазон – тақво, сабр, раҳм-шафқат ва дуо ойидир.

Пайғамбаримиз Муҳаммад соллаллоҳу алайҳи васаллам айтганлар:

إِذَا جَاءَ رَمَضَانُ فُتِحَتْ أَبْوَابُ الجَنَّةِ وَغُلِّقَتْ أَبْوَابُ النَّارِ وَصُفِّدَتِ الشَّيَاطِينُ

"Рамазон келганда жаннат эшиклари очилади, дўзах эшиклари ёпилади ва шайтонлар кишанланади."

(Бухорий ва Муслим ривояти)

Бу ойда ҳар биримиз ўз нафсимизни тарбия қилиб, ибодат ва эзгу амаллар билан банд бўлишимиз лозим. Аллоҳ таоло тутган рўзаларимиз, қилган ибодатларимизни қабул қилсин, қалбларимизни покласин ва бизни дўзахдан озод қилинган бандалар қаторидан қилсин!

Рамазон муборак бўлсин!

Ҳазрати Имом жоме масжиди имом-хатиби

устоз Ҳабибуллоҳ қори Абдуразоқов