Sirdaryo viloyati Guliston shahrida yashovchi hunarmand ayol  Ra’no Azimboyevani qo‘li gul usta hunarmand sifatida e’tirof etishadi.

Dastavval o‘z ishini ayollarga liboslar tikishdan boshlagan hunarmand ayol keyinchalik faoliyatini yanada kengaytirib, milliy taqinchoqlar yasash sirlarini ham puxta o‘rgandi.

Tadbirkor va hunarmand ayol hozirgi kunda o‘z xonadonida ustaxona bunyod etib, ko‘plab shogirdlariga o‘z hunarini o‘rgatib kelish bilan bir qatorda, kasanachilik asosida ko‘plab xotin-qizlarning ham bandligini ta’minlagan.

"Hunarmand" uyushmasiga a’zo R.Azimboyeva shu kunga qadar ko‘plab mahalliy va xorijiy ko‘rgazmalarda o‘zi tayyorlagan hunarmandchilik mahsulotlari bilan ishtirok etgan.