Yabancı

​​sut va bol — rupi kaur

bu bir safar hikoyasi
she'rla sogʻ qolish safari
yigirma bir yillik
qon, ter, koʻz yoshi
hovuchlaring ichidagi
yuragim
sanchish
sevish
sinish
sogʻayish

Kanadaning Toronto shahrida yashaydigan yozuvchi va rassom rupi kaur oʻzining she'r va chizmalarida sevgi, yoʻqotish, travma, sogʻayish va ayollik kabi mavzularni qalamga oladi. uning "sut va bol" asari toʻrt boʻlimdan iborat: sanchish, sevish, sinish, sogʻayish.

sanchish
bu boʻlimda muallif oʻzi misolida butun qiz-ayollarning bolalik travmalari, yaralari, ogʻriqlari haqida, ona-qiz, ota-qiz, yigit-qiz, jamiyat-qiz munosabatlari haqida ochiq, sodda, maʼnoli, qaygʻuli tilda yozgan. misol uchun:

tomirlarimda
sening qoning oqarkan
ayt
qanday unutay
- ota

pokiza gul edi u
yulib
qo'llariga oldilar
saqlash niyati bo'lmaganlar

sevish
bu boʻlimda muallif hazin satrlarni ortda qoldirib, sevgi-muhabbat toʻlib toshgan misralarni bizga hadya etadi. oʻqiyotib, goʻyo sevganing bilan gaplashayotgandek boʻlasan. baxtga toʻlasan, lablaringga tabassum yuguradi birdan. oʻzingni koʻrasan chunki bu yerda. misol uchun:

hech narsa ishonch bermaydi
menga baland ovozda
kitob oʻqigan ovozing qadar

ilk sevgim emasding balki
lekin qolgan hamma sevgilarimni
hukmsiz qilganding

sinish
bu boʻlim ayriliq mavzusini oʻrtaga oladi, ayriliqqacha boʻlgan munosabatdagi muammolar va undan keyingi jarayonni nozik tasvirlab beradi. misol uchun:

qol
deya shivirladim
sen
eshikni orqangdan yoparkan

miyamdagi shivir:
ortga qaytmaydi
qalbimdagi qichqiriq:
qaytishi kerak

sogʻayish
va kitobning soʻnggi boʻlimi, yuqoridagi uchta qismdan keyin, kutilgan sogʻayish qismi. hammasi yaxshi boʻladi, hammasi oʻtib ketadi, voqelikni boricha qabul qil, nimada xato ketganini oʻyla va qabul qil. hammasi boʻlishi kerak boʻlgan vaqtda sodir boʻladi, siqilma deydi muallif. misol uchun:

bir munosabating bo'lsa
hammadan avval
oʻzing bilan boʻlishi kerak

inson boʻlishning bir parchasi
ogʻriqni his qilish
qoʻrqma
och oʻzingni ogʻriqqa

yolgʻizlik - insonning meniga o'lgudek muhtojligining ishorasi.

va kaur oʻquvchisiga yozgan quyidagi maktubi bilan bitiradi kitobini:

yuragimni qo'lingga olib, soʻngiga qadar kelding. tashakkur. shu yergacha sogʻ salomat kelganingf uchun. eng qaygʻuli parchamga bunday shavqat koʻrsatganing uchun. oʻtir. nafas ol. horigandirsan. qoʻy, qo'llaringdan oʻpayin. koʻzlaringdan, hozir shirin bir narsaga hasratdir ular. butun bolimni yoʻllayman senga. sen boʻlmasang men hech kim edim, hech qayergacha kelolmasdim. doim boʻlishni xohlaydigan, lekin boʻlishdan qoʻrqadigan oʻsha ayol boʻlishimga yordam berding sen. qanday moʻjiza ekaningdan xabaring bormi? qanchalar goʻzal edi va goʻzal boʻlajak. oldingda tiz choʻkaman. rahmatlarimni bildiraman. koʻzlaringga sevgilarimni yo'llayman. koʻzlaring doim insonlar ichidagi yaxshilikni koʻrsin. ishing doim yaxshilik boʻlsin. bir birimizni doim shunday koʻraylik. koinot taqdim etgan butun goʻzalliklarga yo'liqmasdan qolmaylik. doim tuproqqa bogʻliq boʻlaylik. oyoqlarimiz yerga sogʻlom bossin.

— mendan senga ishq maktubi

sevdim bu kitobni, vaqtincha boʻlsa-da qondirdi sevgiga boʻlgan ehtiyojimni, qanchadir miqdorda. rupi kaurning qolgan kitoblarini ham albatta oʻqib chiqaman. kitobni barchaga, ayniqsa qiz-ayollarga tavsiya qilaman.


@feelsarchive

#sarhisob

Diqqat osongina chalg'ib ketuvchi hozirgi kunda, uni bir joyga jamlab, nimanidir berilib, ichiga kirib ketib bajarish ancha mushkul ishga aylandi. Lekin, buni uddalash, hatto odat tusiga kiritish mumkin. "Deep Work" chellenji shuni maqsad qilgandi.

Chellenjda nimalar qildik? Forest ilovasini yuklab oldik va o'zimizga qulay vaqt (misol, 30 minut) ni taymerga qo'yib, kitob o'qidik/dars qildik/podkast eshittik (va hokazo). Taymerdagi vaqt to'lgach bog'ingizda bir daraxt o'sib chiqadi, shu yo'sinda siz o'zingizni qanchalik samarali ishlayotganingizni ko'rib turasiz. Boshqalarni o'sishini ham. Kun boshida o'zingizning kunlik rejangizni guruhga yuborasiz va kun oxirida qancha daraxt o'stirganligingizni ko'rsatasiz.

Chellenj boshlanganidan beri, kuniga kamiga 2 soat kitob o'qish, 2 soat podkast eshitishni o'zimga odat qilib oldim. Jamoaviy muhitda ishlash ancha foyda va mas'uliyat berdi.

Bu yerda 2-hafta sarhisobi jamlangan.

@feelsarchive

#taqriz

Kridlar oilasi Meyn qishlog'idagi ko'rkam, eski uyga ko'chib kelishadi va hammasi ertaklardagidek mukammal: doktor ota, go'zal ayol, yoqimtoy kichik qiz, shirintoy o'g'il va huzurli hayot. Oilaning hech qanday eksik joyi yo'q edi, hatto sevimli mushuklarida ham...

Lekin uyga yaqin joylashgan o'rmonda odamni qonini muzlatadigan jumboq yashiringandi. O'limdan ham yomonroq... dahshatli va sirli.

Taqizni to'liq o'qish.

@feelsarchive