Urologist Ergashev's blog

Kasallikni yengillatish uchun 2 xil yo'l mavjud:
1. Muolaja
2. Davo

Beriladigan dorilar, buyuriladigan mashqlar hammasi muolaja bo'ladi va odatda vaqtinchalik bo'ladi. Davo esa - odatda operatsiya va operatsiyadan keyin bemor to'liq tuzaladi va uning ta'siri odatda uzoq muddatli bo'ladi.

Ayollarda siydik tuta olmaslikning sabab va turlari:

Siydik tuta olmaslik (inkontinensiya) – ayollarda siydik chiqarish faoliyatining buzilishi bo‘lib, u nazoratsiz siydik oqishi bilan namoyon bo‘ladi. Ushbu holat turli sabablarga ko‘ra yuzaga kelishi mumkin va bir nechta asosiy turlarga bo‘linadi:
1. Stressli inkontinensiya: Qorin bo‘shlig‘idagi bosimning oshishi (yo‘tal, aksa urish, og‘irlik ko‘tarish) siydikning nazoratsiz chiqib ketishiga olib keladi. Buning sababi siydik pufagi va siydik yo‘llarini ushlab turuvchi mushaklar va biriktiruvchi to‘qimalarning zaiflashishi yoki shikastlanishidir.
2. Urgent inkontinensiya: Kuchli va to‘satdan siydik chiqarish istagi paydo bo‘ladi, bunda bemor siydikni ushlab tura olmaydi. Bu holat siydik pufagining ortiqcha faolligi bilan bog‘liq.
3. Aralash inkontinensiya: Stressli va urgent inkontinensiya belgilari birgalikda uchraydi.
4. Funktsional inkontinensiya: Jismoniy yoki psixologik muammolar tufayli siydik chiqarishga yetib borishning imkonsizligi.
5. Ortib qolgan inkontinensiya: Siydik pufagi to‘liq bo‘lsa ham, siydik to‘liq chiqmaydi va undan siydik sizib chiqadi.

Ushbu kasallikning etiologiyasi (sabablari) turlicha bo'lishi mumkin:
- Tug‘ruq va homiladorlikning mushaklar va biriktiruvchi to‘qimalarga ta’siri.
- Gormonal o‘zgarishlar, ayniqsa, menopauza davrida estrogen darajasining pasayishi.
- Pelvik sohada jarrohlik aralashuvlari.
- Genetik moyillik.
- Neyrodegenerativ kasalliklar (masalan, Parkinson kasalligi, ko‘p skleroz).
- Siqilish yoki semirish natijasida qorin bosimining oshishi.

TVT-O operatsiyasi haqida:
TVT-O (Transvaginal Tape-Obturator) – bu stressli siydik tuta olmaslikni davolash uchun minimal invaziv jarrohlik usuli. Ushbu operatsiya siydik pufagini ushlab turuvchi mushaklar va biriktiruvchi to‘qimalarning yetishmovchiligini kompensatsiya qilish uchun maxsus lentani (sling) joylashtirish orqali amalga oshiriladi.

Operatsiya jarayoni:
1. Mahalliy, epidural yoki umumiy narkoz ostida o‘tkaziladi.
2. Vaginal yo‘l orqali kichik kesim qilinadi.
3. Sintetik polipropilen lentasi (sling) siydik chiqarish kanali ostiga joylashtiriladi va u obturator teshiklari orqali o‘tadi.
4. Sling siydik chiqarish kanalini qo‘llab-quvvatlab, stress paytida siydik oqishini oldini oladi.
5. Operatsiya o‘rtacha 30-40 daqiqa davom etadi.

Operatsiyadan keyingi davr:
Bemor 1-2 kun ichida uyga chiqariladi. 4-6 hafta davomida og‘ir jismoniy faollik cheklanishi kerak.
Infeksiya va og‘riqni oldini olish uchun antibiotik va analgetiklar buyuriladi. Jinsiy aloqani operatsiyadan keyin kamida 4 hafta davomida cheklash tavsiya etiladi.
Ushbu protsedurani operatsiya deb atash ham g'aliz, qisqa vaqt davom etadigan ushbu protsedura lenta qo'yish bilan cheklanadi, uzoq davom etmaydi. Kasalxonadan katta ehtimol bilan bemor ertasi kuniyoq chiqariladi.

Siydik tuta olmaslikni davolashning boshqa usullari ham mavjud:

1. Dori-darmonlar

Antimuskariniklar: Siypufagining ortiqcha faolligini kamaytiradi (masalan, solifenatsin, oksibutinin).
Beta-3 adrenergik agonistlari: Siydik pufagi bo‘shashishini ta’minlaydi (masalan, mirabegron).
Estrogen terapiyasi: Vaginal estrogen kremi yoki tabletkalar menopauza davrida siydik chiqarish tizimi mushaklarini mustahkamlaydi.

2. Fizioterapiya

Kegel mashqlari: Pelvik mushaklarni kuchaytirish uchun maxsus mashqlar.
Biofeedback terapiyasi: Mushaklarni to‘g‘ri ishlatishni o‘rgatadi.
Elektrostimulyatsiya: Nervlarni rag‘batlantirib, mushaklar tonusini oshiradi.

3. Jarrohlik usullari

Sling operatsiyalari (TVT, TOT).
Kolposuspensiya: Siydik chiqarish kanalini qo‘llab-quvvatlash uchun amalga oshiriladi.
Siydik pufagi bo‘shlig‘ining hajmini oshirish uchun augmentatsiya sistoplastikasi.

4. Hayot tarzi o‘zgarishlari

Vaznni nazorat qilish.
Kofein, spirtli ichimliklar va siydik haydovchi moddalarni cheklash.
Siydikni muntazam chiqarishga harakat qilish (rejim yaratish).

Ushbu haqida qo'shimcha savollar mavjud bo'lsa, kommentda yoki directda so'rashingiz mumkin.

Vrachlar xonasidan albatta kofe hidi ufurib turishi kerak.

Urologiya - tibbiyot yo'nalishlari ichida eng obyektivi. Bu soxada subektiv fikr deyarli yo'q.

©️ Ustoz

18.15 - operatsiyaning endoskopil qismi tugadi.
18.30 - tashqi torakor teshiklar tikib chiqildi.
19:00 - kasal ekspluatatsiya qilindi.

Mikropreparat: prostata, limfa bezlari.

20.10.2024-da uretral kateterlar olinishi reja qilindi.

Operatsiya yaxshi o'tganligi yodimizga tushsa, oyoq tagidagi og'riq unutiladi)

Vrach bo'lish osonmi?

Bemor: erkak, 1961-yilda tug'ilgan
Tashhis: prostata bezi xavfli o'smasi, V=47 sm, adenokarsinoma, gleason score 7=4+3, grade 3. Grade pT2 pNx pMx.
Operatsiya: ikki tomonlama yonbosh tomirlar limfodisseksiyasi va laparaskopik radikal prostatoektomiya

12:40 - bemor intubatsiya qilindi.
12:55 - operatsiya boshlandi.
15:05 - operatsiya hali ham davom etmoqda.
17:30 ~ taxminiy tugashi prognoz qilinayotgan vaqt.

- "Aqlli talabalar terapevt bo'ladi, o'rtacha talabalar xirurg bo'ladi"

©️Terapevt domlaning talabalar miyyasiga quyayotgan axlatlari turkumidan

- "Hayotda axmoq insonlar kam qiynalishadi, aqlli insonlar ko'proq qiynalishadi, aqllilik qiladigan insonlar esa eng ko'p qiynalishadi."

Hech kim mutlaqo hech kim:

Lebboy ginekolog:

Bolang tushdimi? Hammasiga eringni buzuqligi va yengiltak ayollar bilan yurishi sabab!!; Bachadoningda mioma bormi? Hammasiga ering sani jaxl bilan so'kkanligi sabab!!; Kistami? Ering sani baxtli qilolmagani sabab hammasiga!!

Ginekologingiz qaysidir kasalligingizga eringizni aybdor qilyaptimi? Eringizdan nafratlanishdan oldin doktoringizni o'zini eri bormi? U bilan baxtlimi? Va eng muhimi eri u bilan baxtlimi shu haqida so'rang.

Real tadqiqotlar va natijalarga tayansak, konkret o'tkir yuqumli kasallilarni hisobga olmaganda, turmush o'rtog'i bilan bo'ladigan jinsiy va turmush aloqalarini ginekologik kasalliklarga aloqasi yo'q.

Bugungacha "Siydik tosh kasalliklari" va "Urologik infeksiyalar" bobini o'qib bo'ldim. Sabr qilsalaringiz yuqoridagi mavzularga ham yetib boraman..)

Kelishdik, vaqt topishim bilan hammasi haqida eng so'nggi tadqiqotlar va ma'lumotlar asosida post tayyorlayman. Ammo ilm tilida to'g'ri yozish va bitta mavzuni, ayniqsa klinik mavzularni yoritish oson emas, ko'p vaqt oladi shu sabab ham post tezda chiqmaydi, ammo barcha mavzuda birin-ketin hammalaringizni qiziqtirgan mavzuda post chiqaraman.

Men post tayyorlamoqchi bo'lgan jamiyatimizdagi 3 ta eng muhim va ko'pchilik bilmaydigan-tushunmaydigan urologik muammolar:

1) Ayollardagi surunkali siydik tuta olmaslik va buni yengil operatsiya orqali 1 soatda hal qilish hamda natijani 1 kundayoq his qilish

2) Prostata bezi adenomasi - erkaklarda yosh o'tishi bilanoq ko'z o'tkirligi tushishi bilan birga boshlanadigan (mubolag'a qilyapman) kasallik. PSA testi.

3) Jinsiy zaiflik, erektil disfunksiyalar.

Qaysi biri haqida post tayyorlasam, ko'pchilikka manzur bo'ladi? Fikrlar kutaman)

"Davlat aholi sonini kamaytirishning yakka-yu yagona sinalgan va ishonchli usuli bu o'sha davlat ta'lim tizimini rivojlantirish, jinsiy tarbiyani o'rgatish va yuqori daromadga olib chiqish."

©️FACT FULNESS

Kasalni davolashing eng kamida unga ziyoning tegmasligi bilan tugashi kerak.