Urologist Ergashev's blog

- O'zingni Xudo deb o'ylashingdan qo'rqdim.
- Xudo oqsamaydi!

©️Doktor Xaus

Turmp va Zelinskiy o'rtasidagi kechagi janjaldan xulosalarim va fikrlarim:

O'zi kecha nima bo'ldi? Jaydari qilib tushuntirilsa: Trump va Zelinskiy o'rtasida Amerikaning Ukraina urushiga yordami evaziga, Amerika Ukrainaning qazilma boyliklariga sherik ega bo'lishiga olib keluvchi hujjat imzolanishi kerak edi. Hammasi oldindan kelishilingan, faqat rasmiyatchilik uchun hujjat imzolanishi kerak edi. Ammo Turmp va Vitse-prezidentning qo'pol muomalasi, shartnomadagi ayrim bo'limlar Zelenskiyga yoqmaganligi sabab Zelenskiy xafa bo'ldi va kelishishdan bosh tortdi.

Demokratiyasevar jurnalistlar doimiy xo'rlangan, og'ir ahvoldagi insonlar yoki xalqlarga kimdir yordam berishi kerak, kimdir yordam berishga muhtoj deb hisoblashadi va butun ommani bunga propaganda qilib kelishadi. Kechaki Trumpning ishidan keyin butun jurnalistlar unga qarshi qarg'ishlar aytishdi va yomonlashdi. Ammo Demokratiya nima? Bu xalq irodasi? Amerika xalqi to'lagan soliqlaridan olingan pullardan Ukrainaga moddiy yordam berilishi, Amerika xalqining hammasiga ham yoqadimi? Amerikada soliq tizimi boshqacha ishlaydi va eng boylarni ham soliq qahshatadi? Nega endi Amerika o'z budjetidan Ukrainaga yordam berishga majbur? Fikrimcha, USAning Ukraina oldida hech qanday majburiyatlari yo'q. Trump aytganidek berilgan shu paytgacha yordam uchun Ukraina USAga rahmat aytishi kerak. Bu yog'iga Ukraina yo taslim bo'lishi, yo o'z kuchlari bilan urushni davom ettirishi yoki USA shartlariga ko'nib moddiy yordam asosida iloji boricha ko'proq butunligini saqlab qolgan holda urushni yakunlashi kerak. Har kuni bu urushda necha yuzlab yosh erkaklar o'lmoqda, yetim avlodlar shakllanmoqda, o'z aka-uka-ota-onangiz o'rniga o'lgan askarlarni qo'yib ko'ring.

Urush - har qanday holda ham jirkanch va yovuz. Uni iloji boricha, har qanaqasiga bo'lib ham tezroq tugatish lozim.

Men - hissiyotlarga suyanib emas, real hayotdagi amallarga qarab xulosalar qilaman. Zelenskiyga urush boshlangandan beri hamda bugungi haqoratlardan keyin ham yondosh bo'layotgan, tarmoqlarda uni qo'llab quvvatlashini bildirayotgan davlatlar prezidentlari, senatorlar, vazirlar - millionlab shunday amaldorlarning omma oldidagi chiqishlari - men uchun Amerikaning Ukraina uchun real ajratgan 1 dollaridan pastdir. Gap - quruq, pul esa - realda ishlaydi.
Amerika hukumati - xalqi to'layotgan millardlab dollarni Ukraina uchun, yoki dunyo tinchligi uchun ishlatishga majbur emas. Undan bolalarcha nafratlanmang, jurnalist va siyosatchilarning propagandalariga uchmang, o'z aqlingiz bilan hammasini tahlil qiling.

©️Ergashev

Mart oyida Buxorodagi "Ulug'bek Ultramed" klinikasida Turkiyalik androlog professorlar ishtirokida falloprotezlash operatsiyasi master-klassi o'tkazilmoqda. Ushbu operatsiya o'tkazishni istaganlar directga murojaat qilishi mumkin. Quyida ushbu operatsiya haqida qisqacha tushuncha:
- 3-komponentli falloprotezlash operatsiyasi — bu *erektil disfunksiya* (ED) uchun eng ilg‘or va samarali jarrohlik usullaridan biridir. Bu operatsiya murakkabroq tizimga ega bo‘lib, maksimal darajada tabiiy ereksiya va qulaylik beradi.
- Kimlar uchun kerak?
3-komponentli falloprotez quyidagi holatlarda qo‘llaniladi:
- Og‘ir darajadagi *erektil disfunksiya* (medikamentoz yoki vakuum terapiyaga javob bermagan holatlar);
- *Peyronie kasalligi* (qattiq deformatsiyalar bilan kechgan hollarda);
- *Diabetik nevropatiya* yoki boshqa nevrologik kasalliklar sababli yuzaga kelgan ED;
- Radikal prostatektomiya yoki *pelvik soha*dagi boshqa operatsiyalar natijasida erektil funksiyaning yo‘qolishi;
- Psixologik yoki boshqa davolab bo‘lmaydigan sabablarga asoslangan erektil disfunksiya.
- Operatsiyaning mohiyati va qanday o‘tishi:
3-komponentli protez uchta asosiy qismdan iborat:
1. Silindrlar– Korpus kavernozumga joylashtiriladi.
2. Nasos – Skrotum ichiga o‘rnatiladi, bu orqali bemor ereksiyani boshqaradi.
3. Rezervuar – Suyuqlik bilan to‘ldirilgan idish, odatda qorin bo‘shlig‘iga joylashtiriladi.
Jarayon:
- Operatsiya umumiy yoki mintaqaviy anesteziya ostida bajariladi.
- Jarroh silindrlarni jinsiy olatning korpus kavernozumlariga o‘rnatadi.
- Rezervuar qorin devori yoki qorin ichiga joylashtiriladi.
- Nasos esa skrotum ichiga qo‘yiladi va barcha qismlar maxsus naychalar yordamida birlashtiriladi.
- Operatsiya davomida infektsiyadan himoya qilish uchun antibiotiklar qo‘llaniladi.
- Operatsiya davomiyligi va tiklanish
- Operatsiyaning davomiyligi taxminan 1,5–2 soat.
- Bemor odatda 1–2 kun ichida shifoxonadan chiqadi.
- To‘liq tiklanish muddati 4–6 hafta atrofida, bu davrda jinsiy faoliyatdan saqlanish kerak.
- Protezdan foydalanishni o‘rganish uchun shifokor yoki urologik hamshira yordam beradi.
- Afzalliklari:
- Tabiiyga yaqin ereksiya tuyg‘usi;
- Ereksiya faqat bemor istaganida yuzaga keladi;
- Tashqi ko‘rinishda deyarli sezilmaydi;
- Qulay va xavfsiz mexanizm.

@ergashev_azambek

3 yil ximiya va biologiyani o'qishni o'rniga, bu fanlardan 2 baravar oson va 2 baravar kam intellekt talab qiladigan ingliz tilini o'rganib, shu yo'nalishdagi biror fakultetga o'qishga kirib, studentlik davrining ilk kunlariyoq hamma qatori o'quv-markazlariga joylashib dars berib, 6-7 mln oylikka chiqib olish imkoni bo'lsada, qiziqishi sabab shu 2 fanni o'rganib, tanlov uchun kurash eng qiyin bo'lgan fakultetga topshirib, o'qishga kirgach ham uzoq vaqt moliyaviy og'ir ahvolda yashashga tayyor inson - tibbiyot talabasi bo'lish jasoratdir. Bu yerda sen naqt 6 yil studentsan. Yetuk intellektingni boshqa narsalarga sarflab allaqachon yaxshigina moliyaviy statusga chiqib olish imkoni bor edi, ammo sen hammasini tashlab, o'z yo'nalishingni o'rganishga, uzoq vaqtlik o'qishga bel bog'lading. Eng yaxshi tibbiyot talabasi ham yaxshi moliyaviy ahvolga (kamida 8-9 mln oylikka) institutni bitirgach, magistr yoki ordinatura o'qibgina kirishi mumkin, shunda ham omadi kelsa?

Shu sabab ham, har qanday kasbdan ko'ra, vrachlar ko'proq qadrlanishi, ko'proq hurmat qilinishi lozim va shunday bo'ladi ham.

Ekskretor urografiya - allergik reaksiyalardan to'liq ajralgan jarayon emas.
Bunda 3 xil: yengil, o'rta og'ir va 170000/1 holatda og'ir allergik reaksiya kuzatilishi mumkin.
Ushbu jarayondan oldingi maxsus profilaktik premedikatsiya tavsiyalari ham mavjud.

Yaxshi vrach bo'lish uchun amaliyot yoki nazariya muhimligini uzil-kesil tushuntiruvchi suhbat:

- Siz 25 yillik tajribangizdan kelib chiqib qanday fikr ayta olasiz, nazariya o'qimasdan, faqat amaliyot bilan shug'ullanib, yaxshi vrach bo'lish mumkinmi?
- Mumkin, faqat uni "yaxshi" deb atash qaysi ma'noda ekanligiga bog'liq. Agar nazariya o'qimasang, faqat amaliyot bilan shug'ullansang o'rtacha 30-35 yillik karyerang davomida bir nechta ming kasallar bilan tanishib, ularning kasalligi haqida shaxsiy tajribaga ega bo'lasan, uchraydigan noodatiy bir nechta holatlar haqida bilib olasan. Ammo agar nazariya bilan ham shug'ullansang, ushbu nazariy ma'lumot va kitoblarni yozgan barcha vrach va professorlarning butun umrlik shaxsiy tajribalarini ham o'z tajribangga olasan.

©️Ustoz

Vrachlarni kamaytirib, farmasevtlarni ko'paytirish lozim. To'g'rida, vrachlar nega kerak? Operatsion vrachlar qolsin tamom, yoki farmasevtlar bo'sh vaqtida operatsiya qilsa ham bo'laveradi. Ular nafaqat kasallarga mustaqil dori yozib berishmoqda, balki vrach yozib bergan dorilarni o'rniga "manabu yaxshiroq" deb, boshqa dorilarni ham berishmoqda.

Nazariy jihatdan qilgan ishi qandaydir asosga ega bo'lishi mumkin, ammo vrach kasaldan to'liq anamnez yig'gan, analizlarini topshirtirgan va ularni tahlil qilgan, shu asnoda aynan bir dorini yozib bergan, uni o'zgartirish xato.

Kasallikni yengillatish uchun 2 xil yo'l mavjud:
1. Muolaja
2. Davo

Beriladigan dorilar, buyuriladigan mashqlar hammasi muolaja bo'ladi va odatda vaqtinchalik bo'ladi. Davo esa - odatda operatsiya va operatsiyadan keyin bemor to'liq tuzaladi va uning ta'siri odatda uzoq muddatli bo'ladi.

Ayollarda siydik tuta olmaslikning sabab va turlari:

Siydik tuta olmaslik (inkontinensiya) – ayollarda siydik chiqarish faoliyatining buzilishi bo‘lib, u nazoratsiz siydik oqishi bilan namoyon bo‘ladi. Ushbu holat turli sabablarga ko‘ra yuzaga kelishi mumkin va bir nechta asosiy turlarga bo‘linadi:
1. Stressli inkontinensiya: Qorin bo‘shlig‘idagi bosimning oshishi (yo‘tal, aksa urish, og‘irlik ko‘tarish) siydikning nazoratsiz chiqib ketishiga olib keladi. Buning sababi siydik pufagi va siydik yo‘llarini ushlab turuvchi mushaklar va biriktiruvchi to‘qimalarning zaiflashishi yoki shikastlanishidir.
2. Urgent inkontinensiya: Kuchli va to‘satdan siydik chiqarish istagi paydo bo‘ladi, bunda bemor siydikni ushlab tura olmaydi. Bu holat siydik pufagining ortiqcha faolligi bilan bog‘liq.
3. Aralash inkontinensiya: Stressli va urgent inkontinensiya belgilari birgalikda uchraydi.
4. Funktsional inkontinensiya: Jismoniy yoki psixologik muammolar tufayli siydik chiqarishga yetib borishning imkonsizligi.
5. Ortib qolgan inkontinensiya: Siydik pufagi to‘liq bo‘lsa ham, siydik to‘liq chiqmaydi va undan siydik sizib chiqadi.

Ushbu kasallikning etiologiyasi (sabablari) turlicha bo'lishi mumkin:
- Tug‘ruq va homiladorlikning mushaklar va biriktiruvchi to‘qimalarga ta’siri.
- Gormonal o‘zgarishlar, ayniqsa, menopauza davrida estrogen darajasining pasayishi.
- Pelvik sohada jarrohlik aralashuvlari.
- Genetik moyillik.
- Neyrodegenerativ kasalliklar (masalan, Parkinson kasalligi, ko‘p skleroz).
- Siqilish yoki semirish natijasida qorin bosimining oshishi.

TVT-O operatsiyasi haqida:
TVT-O (Transvaginal Tape-Obturator) – bu stressli siydik tuta olmaslikni davolash uchun minimal invaziv jarrohlik usuli. Ushbu operatsiya siydik pufagini ushlab turuvchi mushaklar va biriktiruvchi to‘qimalarning yetishmovchiligini kompensatsiya qilish uchun maxsus lentani (sling) joylashtirish orqali amalga oshiriladi.

Operatsiya jarayoni:
1. Mahalliy, epidural yoki umumiy narkoz ostida o‘tkaziladi.
2. Vaginal yo‘l orqali kichik kesim qilinadi.
3. Sintetik polipropilen lentasi (sling) siydik chiqarish kanali ostiga joylashtiriladi va u obturator teshiklari orqali o‘tadi.
4. Sling siydik chiqarish kanalini qo‘llab-quvvatlab, stress paytida siydik oqishini oldini oladi.
5. Operatsiya o‘rtacha 30-40 daqiqa davom etadi.

Operatsiyadan keyingi davr:
Bemor 1-2 kun ichida uyga chiqariladi. 4-6 hafta davomida og‘ir jismoniy faollik cheklanishi kerak.
Infeksiya va og‘riqni oldini olish uchun antibiotik va analgetiklar buyuriladi. Jinsiy aloqani operatsiyadan keyin kamida 4 hafta davomida cheklash tavsiya etiladi.
Ushbu protsedurani operatsiya deb atash ham g'aliz, qisqa vaqt davom etadigan ushbu protsedura lenta qo'yish bilan cheklanadi, uzoq davom etmaydi. Kasalxonadan katta ehtimol bilan bemor ertasi kuniyoq chiqariladi.

Siydik tuta olmaslikni davolashning boshqa usullari ham mavjud:

1. Dori-darmonlar

Antimuskariniklar: Siypufagining ortiqcha faolligini kamaytiradi (masalan, solifenatsin, oksibutinin).
Beta-3 adrenergik agonistlari: Siydik pufagi bo‘shashishini ta’minlaydi (masalan, mirabegron).
Estrogen terapiyasi: Vaginal estrogen kremi yoki tabletkalar menopauza davrida siydik chiqarish tizimi mushaklarini mustahkamlaydi.

2. Fizioterapiya

Kegel mashqlari: Pelvik mushaklarni kuchaytirish uchun maxsus mashqlar.
Biofeedback terapiyasi: Mushaklarni to‘g‘ri ishlatishni o‘rgatadi.
Elektrostimulyatsiya: Nervlarni rag‘batlantirib, mushaklar tonusini oshiradi.

3. Jarrohlik usullari

Sling operatsiyalari (TVT, TOT).
Kolposuspensiya: Siydik chiqarish kanalini qo‘llab-quvvatlash uchun amalga oshiriladi.
Siydik pufagi bo‘shlig‘ining hajmini oshirish uchun augmentatsiya sistoplastikasi.

4. Hayot tarzi o‘zgarishlari

Vaznni nazorat qilish.
Kofein, spirtli ichimliklar va siydik haydovchi moddalarni cheklash.
Siydikni muntazam chiqarishga harakat qilish (rejim yaratish).

Ushbu haqida qo'shimcha savollar mavjud bo'lsa, kommentda yoki directda so'rashingiz mumkin.

Vrachlar xonasidan albatta kofe hidi ufurib turishi kerak.

Urologiya - tibbiyot yo'nalishlari ichida eng obyektivi. Bu soxada subektiv fikr deyarli yo'q.

©️ Ustoz

18.15 - operatsiyaning endoskopil qismi tugadi.
18.30 - tashqi torakor teshiklar tikib chiqildi.
19:00 - kasal ekspluatatsiya qilindi.

Mikropreparat: prostata, limfa bezlari.

20.10.2024-da uretral kateterlar olinishi reja qilindi.

Operatsiya yaxshi o'tganligi yodimizga tushsa, oyoq tagidagi og'riq unutiladi)

Vrach bo'lish osonmi?

Bemor: erkak, 1961-yilda tug'ilgan
Tashhis: prostata bezi xavfli o'smasi, V=47 sm, adenokarsinoma, gleason score 7=4+3, grade 3. Grade pT2 pNx pMx.
Operatsiya: ikki tomonlama yonbosh tomirlar limfodisseksiyasi va laparaskopik radikal prostatoektomiya

12:40 - bemor intubatsiya qilindi.
12:55 - operatsiya boshlandi.
15:05 - operatsiya hali ham davom etmoqda.
17:30 ~ taxminiy tugashi prognoz qilinayotgan vaqt.

- "Aqlli talabalar terapevt bo'ladi, o'rtacha talabalar xirurg bo'ladi"

©️Terapevt domlaning talabalar miyyasiga quyayotgan axlatlari turkumidan

- "Hayotda axmoq insonlar kam qiynalishadi, aqlli insonlar ko'proq qiynalishadi, aqllilik qiladigan insonlar esa eng ko'p qiynalishadi."

Hech kim mutlaqo hech kim:

Lebboy ginekolog:

Bolang tushdimi? Hammasiga eringni buzuqligi va yengiltak ayollar bilan yurishi sabab!!; Bachadoningda mioma bormi? Hammasiga ering sani jaxl bilan so'kkanligi sabab!!; Kistami? Ering sani baxtli qilolmagani sabab hammasiga!!

Ginekologingiz qaysidir kasalligingizga eringizni aybdor qilyaptimi? Eringizdan nafratlanishdan oldin doktoringizni o'zini eri bormi? U bilan baxtlimi? Va eng muhimi eri u bilan baxtlimi shu haqida so'rang.

Real tadqiqotlar va natijalarga tayansak, konkret o'tkir yuqumli kasallilarni hisobga olmaganda, turmush o'rtog'i bilan bo'ladigan jinsiy va turmush aloqalarini ginekologik kasalliklarga aloqasi yo'q.