Enigma Uz

Апельсин ичига назар соламиз 🍊

Нафақат зўравонлик ва контроль ҳақидаги фильм, балки санъат ва провокация доирасида ишлайдиган мураккаб механизм. Бугун ушбу картина яъни "Мурватли апельсин" ҳақида гаплашамиз.

Батафсил #таҳлил ҳавола орқали.

PAPRIKA (2006)

Audio : Yapon tilida (original)
Subtitr : Uz, Eng
Format : 1080p

@Filmoptimist

​​KANALIMIZDA ILK TARJIMA!

PAPRIKA (2006)
directed by : Satoshi Kon

yoki ilk yaratilingan "Inception".

Ha, bu anime filmni ko'rishingizdan oldin bir narsa aniq : Ushbu anime film bo'lmaganida, Kristofer Nolanning hozirgi "Inception"(Muqaddima) filmi yaratilinmagan bo'lardi. Aynan "Paprika" anime filmi Nolanning "Inception" filmi uchun ilhom manbai bo'lib, yaratilishiga turtki bergan, yoki buni qo'polroq tilda aytadigan bo'lsak, Nolan animening g'oyasi va undagi ko'p sahnalarni o'zining filmi uchun "o'g'irlagan". Buni ikkala film o'rtasidagi o'xshash paralellik va ikkisi ham tushlar haqidagi hikoyani yoritgani tasdiqlay oladi. Qisqa qilganda, Paprikadan farqli, Kristofer Nolan o'zining tomoshabinni aqldan ozdirib qo'yadigan murakkab syujetli Inception filmi bilan bizning tushlarimizga bostirib kirishidan oldin, Satoshi Kon buni o'zining original hikoyasi bilan Paprika animesida birinchi bo'lib uddalagan. Inception ni Paprika animesining 4 yil keyin o'tib yaratilingan live-action adaptatsiyasi desak ham bo'laveradi. Paprikani esa Inceptionning qiziqarli simbolizm va metaforalarga boy, ko'zni quvontirib, orgazm berib yuboradigan darajadagi, hozirgi kunda kam uchraydigan go'zal animatsiya uslubidagi arthouse versiyasi desak bo'ladi. Paprika xohish-istakda yotgan haqiqatni tush orqali tasvirlagan bo'lsa, Inception qo'rquv ichida yotgan haqiqatni tush misolida ko'rsatib bergan.

- Animening o'zi haqida :
Paprika - bu 1993 yildagi Yasutaka Sutsuining xuddi shu nomdagi novellasiga asoslanib yaratilingan, "Perfect blue", "Tokyo Godfathers" hamda "Millenium actress" kabi boshqa masterpiece animelarning muallifi bo'lgan, animelari Darren Aranofsky va Kristofer Nolan kabi mashxur rejissyorlarning e'tiborini chetda qoldirmay, o'zlarining filmlari uchun ilhom manbai sifatida foydalanishgan, Satoshi Kon tomonidan yaratilingan, 2006-yilda reliz qilingan surrealistik, ilmiy fantastik hamda psixologik triller janrlaridagi anime film.

- Syujet markazi :
Animening markazida boshqalarning tushiga kirish imkonini beruvchi "DC Mini" deb nomlangan qurilmaning o'ziga o'xshash 3 ta prototipini o'g'irlanishi bilan boshlanadi. Aynan barcha voqealar "DC Mini" qurilmasi atrofida kechadi. Bosh qahramon doktor Atsuko Chiba ismli tadqiqot markazidagi pxisoxolog va olim, hamda uning tush olamidagi bir-biridan ajralib chiqqan qarama-qarshi alter-egosi, Atsukodan farqli jo'shqin, quvnoq shaxsiyatga ega Paprika - Atsuko bilan fikrlar alishib turadigan tushlar olamidagi detektiv. Bu yerdagi simbolizm, ya'ni Paprika bu "qizil qalampir" ma'nosini anglatgani kabi, tushlar olamidagi Paprikaning tashqi ko'rinishi ham qizil rangda. Atsuko va uning hamkasbi, DC Mini qurilmasining ixtirochisi bo'lgan Tokita hamda tashkilot boshlig'i Shima (pakana personaj) o'g'irlangan qurilmani qaytarish ustida ishlashadi. Atsuko Chiba DC Mini qurilmasidan hali hukumat tomonidan tasdiqlanmasdan noqonuniy ravishda tadqiqot markazidan tashqarida ruhiy kasallikdagi va tushida qiynalayotgan bemorlarga yordam berish uchun foydalanadi. Buni animeni politsiyachi Konakawa ning tushlari hamda Paprika uning tushlarini tahlil qilayotganining boshlanishi bilan ham bilsangiz bo'ladi.

IMDb : 7.7/10
Letterboxd : 4.1/5
Filmoptimist : 🌖9.5/10

@Filmoptimist