O'zbekiston Ekologik partiyasi

Suv tozalash inshooti ta’mirga muhtoj

Xalq deputatlari Qashqadaryo viloyat Kengashidagi O‘zbekiston Ekologik partiyasi deputatlik guruhi tomonidan Qarshi shahar oqova suv tozalash inshootida deputatlik nazorati o‘tkazildi.

Deputatlar Qarshi tumanida joylashgan ushbu inshootni ko‘zdan kechirib, inshootning ta’mirtalabligi, zararsizlantirilmagan oqova suvdan atrof-muhitga badbo‘y hid tarqalib, hudud aholisi hamda atmosferaga yetkazayotgan zararlari haqida Qashqadaryo suv ta’minoti korxonasiga deputatlik so‘rovi yuborildi.

1979-yilda foydalanishga topshirilgan inshootning umumiy yer maydoni 42 gektar, loyihaviy quvvati 25 ming m/3 sutkani tashkil etadi. Tozalash uskunalari eskirgani sababli 2004-yilda faoliyati to‘liq to‘xtatilib, oqova suvlar ochiq kollektor o‘zaniga yo‘naltirilgan.

Inshootni kapital ta’mirlash uchun Yevropa tiklanish va taraqqiyot bankidan 60 mln. dollar kredit mablag‘i jalb qilish ko‘zda tutilgan. 2020-2025-yillarda amalga oshirilishi rejalashtirilgan loyiha ishga tushsa, shahardagi 59 ta mahalla aholisi markazlashgan oqova suv xizmatlari bilan to‘liq qamrab olinadi.

✅Facebook | 🌐Instagram |🌐 Web site | 📹You Tube

#munosabat

“Sog‘lom inson – sog‘lom millat” g‘oyasi umummilliy harakatga aylantiriladi

Sog‘lik — inson hayotidagi eng katta boylik hisoblanadi. Zero, sog‘lom insongina oilasi bilan birga, tug‘ilib o‘sgan vatani taraqqiyoti yo‘lida izlanishi, yangi-yangi g‘oyalarni hayotga tatbiq etib, jamiyat taraqqiyotiga munosib hissa qo‘shishi mumkin.

👉 BATAFSIL

✅Facebook | 🌐Instagram |🌐 Web site | 📹You Tube

“Mening bog‘im” loyihasi doirasida “yashil bog‘” va “yashil jamoat parklari” jamoatchilik nazorati tartibida o‘rganilmoqda

O‘zbekistonda ekologik barqarorlikni ta’minlash va aholi uchun qulay turmush sharoitlarini yaratish maqsadida “Ochiq budjet” axborot portali orqali jamoatchilik fikri asosida “Mening bog‘im” loyihalari amalga oshirilmoqda.

Mamlakatimizda “yashil” iqtisodiyotni rivojlantirish va ekologik muvozanatni ta’minlash maqsadida Vazirlar Mahkamasining tegishli topshirig‘i asosida 2024-yilda O‘rmon xo‘jaligi agentligining tizim tashkilotlari tomonidan 205 ta tuman va shaharlarda “yashil bog‘” va “yashil jamoat parklari” barpo etildi.

👉Batafsil

✅Facebook | 🌐Instagram |🌐 Web site | 📹You Tube

#Ekopartiya

Ayni daqiqalarda O‘zbekiston Milliy teleradiokompaniyasining “O‘zbekiston” telekanalida “Munosabat” tok-shousining navbatdagi soni suratga olinmoqda.

Ko‘rsatuvda "Quyoshli xonadon" dasturi nimalarni nazarda tutadi?" mavzusida so‘z yuritilmoqda va fikr-mulohazalar bildirilmoqda.

Unda O‘zbekiston Ekologik partiyasi fraksiyasi aʼzolari, Ekologiya, atrof-muhitni muhofaza qilish va iqlim o‘zgarishi vazirligi, Energetika vazirligi vakillari, ekolog olim va mutaxassislar ishtirok etmoqda.

✅Facebook | 🌐Instagram |🌐 Web site | 📹You Tube

🌿 Ekologik madaniyat — farovon va sog’lom kelajak garovi! 🌍

Bugun O'zbekiston Ekologik partiyasi Yashnobod tuman Kengashi tomonidan 231-sonli maktabda "Ekologik madaniyat—farovon va sog'lom kelajak" mavzusida tadbir bo’lib o’tdi.

Maktab oʻquvchilari tabiatni asrab-avaylash, daraxtlarni koʻpaytirish va chiqindi muammolarini bartaraf qilishga bagʻishlangan sheʼrlar oʻqib, jonli sahna koʻrinishlarini namoyish qilishdi.

Ekologik madaniyatni shakllantirishni avvalo boshlangʻich taʼlim maskanlaridan boshlash lozim.

Har bir yosh avlod atrof-muhitning ifloslanishini oldini olish va tabiatni muhofaza qilish borasida bilimlarga ega boʻlishi — farovon va sogʻlom kelajagimiz garovidir.

✅Facebook | 🌐Instagram |🌐 Web site | 📹You Tube

Botanika bogʻlari hududini oʻzlashtirish taqiqlandi

20-fevral kuni Senatning navbatdagi yalpi majlisida “Yer uchastkalaridan foydalanish tartibi yanada takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida”gi Qonun ko‘rib chiqildi.

Qonunda asosan yer uchastkalaridan foydalanish tartibini yanada takomillashtirish, madaniy hordiq maskanlari hududlarini saqlab qolish uchun mustahkam huquqiy asos yaratish koʻzda tutilgan.

Shuningdek, mazkur qonunga botanika bog‘larini xususiylashtirish va ularning hududlarida qurilishni amalga oshirish taqiqlangan holda botanika bog‘larining muhofaza etiladigan tabiiy hududlar ro‘yxatiga kiritilishini nazarda tutuvchi o‘zgartish va qo‘shimchalar kiritildi.

Bu chora-tadbirlar orqali sayilgoh, xiyobon, bogʻlar hududi, ularda ekilgan daraxtlar muhofazasini kuchaytirish, bino va inshootlar qurilishining oldini olish maqsad qilingan.

Qonun loyihasi senatorlar tomonidan ma'qullandi.

✅Facebook | 🌐Instagram |🌐 Web site | 📹You Tube

#Munosabat

Ijtimoiy tarmoqlarda Dehqonobod kaliy zavodi AJ shlam yig‘ish havzasidan sizib chiqayotgan kislotali aralashmaning tabiatga jiddiy zarar yetkazayotgani haqidagi xabar tarqaldi.

Ushbu xabar yuzasidan “Dehqonobod kaliy zavodi” AJ, Qashqadaryo viloyati Ekologiya, atrof-muhitni muhofaza qilish va iqlim o‘zgarishi boshqarmasi Dehqonobod tuman bo’limi mutasaddilari hamda O’zbekiston Ekologik partiyasi tuman Kengashi faollari joyiga chiqqan holda vaziyatni o’rganishdi.

O’rganishlar davomida mutaxassislar jamiyat ichki hududlarida hosil bo’ladigan texnologik suvlar sizib chiqishining oldini olish bo’yicha barcha tashkiliy-texnik choralar ko’rilayotganini aytishdi. Unga ko’ra endilikda maxsus suv havzalarda yig’iladigan barcha texnik suvlar ishlab chiqarish jarayoniga qaytariladi. Shuningdek, aholi foydalanayotgan buloqlarga sizot suvlari sizib chiqishining oldini olish maqsadida 3 ta artezian qudug’i qurildi va yer osti suvlari zavodga ishlab chiqarishga yo’naltirilmoqda.

✅Facebook | 🌐Instagram |🌐 Web site | 📹You Tube

🌳 «Oila va TABIAT» gazetasining 2025-yil 20-fevraldagi 7-sonida o‘qing:

✅ O‘zbekiston Ekologik partiyasi: Davlat dasturidagi har bir vazifani sifatli va to‘laqonli bajarish burchimiz.

✅ Bosh prokuratura: 2025-yilning o‘tgan davrida respublika bo‘yicha 848 tup daraxt noqonuniy kesilgan.

✅ Deputat so‘rovi: Toshkentda yana bir bog‘ xavf ostida! «Anhor — Lokomotiv» bog‘i buziladimi?

✅ Farg‘onada kesilgan daraxt jazoni kuchaytirish zarurligini ko‘rsatdi.

✅ Yoshlar – tabiat va jamiyatni yangilashga qodir kuch!

✅ Atmosferaga zarar yetkazayotgan issiqxonalar, sanoat korxonalari va ijtimoiy ob’yektlar.

✅ Orol muammosi – loqaydligimiz mahsuli.

✅ Navbahorda ekologik fojia markaziga aylanayotgan poligon.

Web ilova orqali o‘qish

✅Facebook | 🌐Instagram |🌐 Web site | 📹You Tube