Oliy Majlis Qonunchilik palatasi

Oliy Majlis Qonunchilik palatasi deputati Odiljon Iminov Qiziriq tumanida bo‘lib, saylovchilar bilan uchrashuvlar o‘tkazmoqda. Deputat Qiziriq tumani “Qorasuv” mahalla fuqarolar yig‘inidagi aholi xonadonlariga uyma-uy kirib, fuqarolarning hayoti, turmush tarzi bilan yaqindan tanishdi.

Oliy Majlis Qonunchilik palatasidagi O‘zLiDeP fraksiyasi rahbari Aktam Xaitov boshchiligidagi ishchi guruh a’zolari Forish tumanida kambag‘allikni qisqartirish, agrar sohadagi mavsumiy ishlarning borishi va tadbirkorlik subyektlarining faoliyatini o‘rgandi. Aholi vakillari bilan samimiy ruhda o‘tgan uchrashuvlar chog‘ida mahalla faollari, yoshlar, biznes vakillari o‘zlarini o‘ylantirib kelayotgan 10 dan ortiq masalalarni o‘rtaga tashlashdi. Ularning aksariyat qismi fraksiya rahbari tashabbusi bilan joyida bartaraf etildi, vaqt talab qiladiganlari nazoratga olindi.

Oliy Majlis Qonunchilik palatasi deputati Hilola Yusupova xalq bilan ochiq muloqot qilish, joylardagi mavjud muammolarni o‘rganish va ularga ijobiy yechim topish maqsadida To‘raqo‘rg‘on tumanida saylovchilar bilan muloqotlar o‘tkazdi. Ochiq va samimiy muloqotlar davomida fuqarolar tomonidan turli masalalarga oid kelib tushgan qator masalalar deputat sa’y-harakati bilan joyida hal etildi.

Oliy Majlis Qonunchilik palatasi Spikeri o‘rinbosari Mavluda Xodjayeva Furqat tumanida bo‘lib, mutasaddilar, partiyalar faollari va saylovchilar ishtirokida uchrashuv o‘tkazdi. Unda hududdagi dolzarb muammolar, aholini qiynayotgan masalalar va ularning yechimlari muhokama qilindi.

Oliy Majlis Qonunchilik palatasi deputati Tohir Polvonovning Bog‘ot tumanidagi saylovchilar bilan uchrashuvlari ko‘tarinki ruhda o‘tmoqda.

O‘zbekiston Respublikasi Prezidentining 2025-yil 28-yanvardagi Farmoniga muvofiq, O‘zbekiston Sudyalari Assotsiatsiyasi raisi Ubaydulla Mingboyevga “O‘zbekiston Respublikasida xizmat ko‘rsatgan yoshlar murabbiysi” faxriy unvoni berildi.