ТУРИБДИ

Бир гўзал ўйланиб турибди,
Муаттар бўйланиб турибди.

Бу гулнинг булбулин тополмай,
Чаманлар қийналиб турибди.

Кўнгиллар муҳаббат шоҳидан
Қон билан сийланиб турибди.

Кўзимга тўтиё бир қадам,
Излари пойланиб турибди.

Қурбонлик кутарму ё санам –
Бу жоним шайланиб турибди.

Йўлимдан юролмай ёнарман,
Қалам қош ёйланиб турибди.

Кел, бирга оқайлик, Зуҳражон,
Кўз ёшим сойланиб турибди.

Муғанний қайтмас, деб ўйламанг,
Бу дунё айланиб турибди.

4 октябрь, 1993
Муғанний

https://t.me/dilgamaktublar