Type to search
Advanced channel search

Продам канал с доходом 138090

Всего за 55 000. Срочно нужны деньги.
img
ad

TGStat Bot

Bot to get channel statistics without leaving Telegram
img
ad

SearcheeBot

Your guide in the world of telegram channels
img
ad

Дилга мактублар!..

@dilgamaktublar
Channel's geo and language: Uzbekistan, Uzbek
Category: not specified

Сизнинг борлигингиз нақадар яхши
Дунёда, борлиги каби Худонинг!..
Шеърият, дилдаги гаплар, мулоҳазалар...

Фикр ва мулоҳазалар учун:
@tiiamea

Related channels  |  Similar channels
Channel's geo and language
Uzbekistan, Uzbek
Category
not specified
Statistics
Is this your channel? Confirm Channel history
Posts filter

Дилга мактублар!..

25 Nov, 20:21

Open in Telegram Share Report
ОТА ДУОСИ

Ўғлим, сўрамасман сендан мол-дунё,
Уй ҳам қуриб берма, майли, аломат.
Майли, кўзларимга бўлмагил зиё,
Ёнимда юрсанг бас соғу саломат.

Майли, кўтармагил мени елкангда,
Қалқон ҳам бўлмагил ёғса маломат.
Бир куни ёстиққа бошим текканда
Тепамда турсанг бас соғу саломат.

Абдулла ОРИПОВ

https://t.me/dilgamaktublar_mp3
729 0 19 1 12
Дилга мактублар!..

25 Nov, 20:13

Open in Telegram Share Report
Афсуски, шаббода судраган хасман,
Куйим ўзимга тан, ўзим сармастман,
Кўчангиздан қайтиб куйлаб ўтмасман,
Азал менга шуни битган, афсуски.

Иқбол Мирзо шеъри
Сарвара ижросида бетакрор қўшиқ.

https://t.me/dilgamaktublar_mp3
324 0 7 4
Дилга мактублар!..

25 Nov, 20:10

Open in Telegram Share Report
Нима қилдим койиб, тақдирдан нолиб,
Бу савдолар қондан ўтган, афсуски.
Дўстлар оҳанг тўла юрагим қолиб
Эшигимга қулоқ тутган, афсуски.

Афсуски, ҳалвога дўнмас ғўралар,
Тойчоққа йўл бермас қари йўрғалар.
Бедилнинг кўзларин кўрган қарғалар
Чорбоғимда тупроқ титган, афсуски.

Афсуски, тушмадим мен ҳам осмондан,
Яхшидан ёмонман, яхши ёмондан.
Жон деб кечиб кетар эдим-ку жондан
Онамнинг кутгани кутган, афсуски.

Афсуски, шаббода судраган хасман,
Куйим ўзимга тан, ўзим сармастман,
Кўчангиздан қайтиб куйлаб ўтмасман,
Азал менга шуни битган, афсуски.

Афсуски, шарҳи йўқ жимлигингизнинг,
Сиз ҳам ўйлармисиз кимлигингизни.
Биламан-ку маккор шумлигингизни –
Шайтон бел олишмай ютган, афсуски.

Афсуски, олдинда кўнгил йўқ, дил йўқ,
Карвон сўнгидаман гиёҳу гул йўқ.
Фожиам шундаки, орқага йўл йўқ,
Имкон қўлдан кетган... кетган... афсуски.

Иқбол МИРЗО

https://t.me/dilgamaktublar
322 0 4 6 8
Дилга мактублар!..

24 Nov, 13:08

Open in Telegram Share Report
***
Куз бунча совқотдинг
кел ичкари кир!
Остонамда нега турибсан ғариб .
Нон каби ушатсам ушалади дил ,
Пиёланга умрим тушар сирғалиб .

Ўтганлар хақида айтма , эзилма ,
Мана умр ёмғир , мана умр қор .
Қанча юракларга кирди сездирмай ,
Қанча юракларни алдади Бахор .

Қўлларимда титраб турар кўлларинг ,
Нега бу тортиниш ,нега ийманиш .
Кўзларинг , кўзларинг...
О, бу кўзларинг,
Армонга айланган севгимдай таниш .
Куз бунча совқотдинг ....

Муслимбек Мусаллам

https://t.me/dilgamaktublar
982 1 11 1 11
Дилга мактублар!..

24 Nov, 00:23

Open in Telegram Share Report
Тўкилма жоним

Юрагимга боқдим, ёнар лолазор.
Кенг дунёга боқдим, ғалвали бозор.
Далаларга боқдим: алдамчи баҳор.
Сен уларга алданиб тўкилма жоним.

Сен учун тўкилиб адо бўламан.
Майсанинг дилида пайдо бўламан.
Ҳатто муҳаббатга худо бўламан.
Ғурурим, дилимдан тўкилмай турсанг.

Ҳиёнатнинг қонин ичдим тўкилма.
Жонбахш кечалардан кечдим, тўкилма.
Сирларни тинини ичдим, тўкилма.
Тўкилма, тўкилма, жоним тўкилма.

Бир куни юрагим гуллайди чунон.
Қўлларим иккимас, бўлар ўн миллион.
Барча рақибларим қолур безабон.
Фақат сен дилимдан тўкилмай тургин.


Ҳалима Ахмад

https://t.me/dilgamaktublar
590 0 13 9 16
Дилга мактублар!..

24 Nov, 00:19

Open in Telegram Share Report
Хайрли тун, азизлар. Кузнинг хазонли, булутли тунларида қалбингизда доим мехр қуёши порласин. Ҳамиша Яратганнинг паноҳида бўлайлик. Шеър ўқиш, уни тушунишдек бахт берганига шукур!
Каналимизга қўшилинг.
https://t.me/dilgamaktublar юракдан юракларга томон ...
Дилга мактублар!..
Сизнинг борлигингиз нақадар яхши Дунёда, борлиги каби Худонинг!.. Шеърият, дилдаги гаплар, мулоҳазалар... Фикр ва мулоҳазалар учун: @tiiamea
549 0 1 6
Дилга мактублар!..

22 Nov, 22:00

Open in Telegram Share Report
Майли, совуқ қаршила,
Қовоғингдан қор ёғдир, майли,
Мен бегуноҳ болага ўхшаб
Юзимга бирон айб чизиб оларман
Бечора севгининг қўллари билан.


Чори Аваз

https://t.me/dilgamaktublar
672 0 6 17
Дилга мактублар!..

22 Nov, 06:38

Open in Telegram Share Report
Чайла

Ташқаридан
таъб қайтар ҳорғин ,
кузги шудгор оралаб қайтар .
Уфириб изғирин қайтади,
совқотган танам ортидан .

Ичкарида эса ...
Жим, нажот тилаб
аёзлардан асрамоғим шарт
ва ўзимдан асрашим керак
бўлган аёл турар қалтираб.

Азамат Элиев

https://t.me/dilgamaktublar
709 0 5 1 7
Дилга мактублар!..

21 Nov, 22:37

Open in Telegram Share Report
…Қўзғалади,
Ёлғиз ўриндиқ,
Чўкар кўзин ботиқларига.
Тўлиб кетар хиёбон тутун
ва
Куйган юрак қолдиқларига…

Жонтемир

https://t.me/dilgamaktublar
768 0 11 17
Дилга мактублар!..

21 Nov, 22:26

Open in Telegram Share Report
СИНГАН ОДАМ

Синган одам, туйғулари тинган одам,
Синган одам, қисматига кўнган одам.
Синиқ кулиб, синиққина кўришади,
Кун кўради, яшамайди синган одам.

Юрибмиз-да, дейди энди ўғил-қиз деб,
Қорақозон ёнидаги қоракўз деб…
Мен ҳамиша ёнингдаман, кетдик, дўст, деб,
Елкангга қўл ташламайди синган одам.

Кўрилмаган катта хавфни кўриб қолган,
Қочиб бориб ўз ичига кириб қолган.
Ўз жонининг мазасини билиб қолган,
Сенга жонин тўшамайди синган одам.

Кўрдим синган шохни – оппоқ гули билан,
Эгам гоҳо шундай ўйнар қули билан.
Гоҳо урар бандасининг қўли билан…
Одам исин хушламайди синган одам.

Унга тегма, у сендан айб қидирмайди,
Айбинг билса ҳам бировга билдирмайди.
Синган одам синганларни синдирмайди.
Бегонага ўхшамайди синган одам.

Иқбол МИРЗО

https://t.me/dilgamaktublar
787 0 11 2 12
Дилга мактублар!..

20 Nov, 22:28

Open in Telegram Share Report
* * *
Ёмғирли кечада осмонни ҳидла-аб
ўлтирдим,
кипригим ўпди юлдузлар.
Шу ҳолда кимнингдир тушига кирдим
музтар...

Аммо,
учаётган ифорла қайтдим,
Бандаргоҳ мисоли ҳамал ҳориган.
Нозланиб ярим ой юзини артди
Ариқнинг бурмали кўйлакларига.

Елкасин қайириб йиғларди дарахт,
Таҳажжудда эди жамики борлиқ.
Ўйладим - нимани ўйлаш ҳақида,
Минг йилки вужудсиз елнинг оҳори.

Мен эсам...

...Дунёнинг ёдидан чиқдим мен эсам,
Сипқориб- сипқориб ёмғирни ичдим.
Худо пешонамдан силаётган дам
Муҳташам дунёда йўқ эди ҳечким...

Нозима Ҳабибуллаева

https://t.me/dilgamaktublar
867 0 6 11
Дилга мактублар!..

20 Nov, 02:42

Open in Telegram Share Report
Biz ham yuksaklarga tikkandik ko’zni,
Bizda ham bor edi matonat, bardosh.
Arslon chorlagandi qoshiga bizni,
Lekin qumursqalar bo’ldi safardosh.

Jami tiriklikka tanish shu xatar,
Qumursqa yaralgan yoppa talarga.
Do’stim, alam qilar, arslon bexabar,
Yem bo’lib ketsak shu qumursqalarga.

Abdulla Oripov

https://t.me/dilgamaktublar
1.5k 0 8 13
Дилга мактублар!..

19 Nov, 22:21

Open in Telegram Share Report
Ичимда

Бир жазба оҳанги ўрлар ичимда.
Чиғаноқ айтдики: дурлар ичимда.

Ютдимми ютқаздим, барчаси бекор,
Кўп шоҳу мот сурдим сурлар ичинда.

Кўрдим, кўргуликлар кўрсатиб қўйди,
Кўзимни очмадим кўрлар ичинда.

Ўзимни малика қилиб сайладим,
Ўшал пешонаси шўрлар ичинда.

Асли бир шам эдим шуьлага интиқ,
Оловлик топмадим қўрлар ичинда.

Гарчи зўрман деган даъволар бисёр,
Бир зўрни кўрмадим зўрлар ичинда.

Довучча пайтимда уздилар, нетай,
Энди ҳеч пишмасман ғўрлар ичинда.

Овчилар дастидан бу телба руҳим,
Балиқдек потирлар тўрлар ичинда.

Исрофил най чалса, менга не қайғу,
Ҳаёт қўшиғига жўрлар ичинда.

Наҳот эрк тимсоли бўлмоқ истадим,
Ҳурлиги хўрланган ҳурлар ичинда.

... Чўғланиб кетолмай гирён юрибман,
Чўлғаниб кетсайдим нурлар ичинда.

Бир илоҳий оҳанг ўрлар ичимда.
Чиғаноқ айтдики: дурлар ичимда.

04.11.2024 йил
Гулжамол Асқарова

https://t.me/dilgamaktublar
1.1k 0 9 10 19
Дилга мактублар!..

19 Nov, 22:08

Open in Telegram Share Report
***
Чексиз ҳувиллаган
Бир ҳолга етдим.

Яшашга умрнинг
Йўқдир овунчи.

Қайдадир увлади –
Сесканиб кетдим:

Кўчага ҳайдалган
Бу ит – соғинчим.

Усмон Азим

https://t.me/dilgamaktublar
4.5k 0 54 16
Дилга мактублар!..

17 Nov, 17:33

Open in Telegram Share Report
Боряпман...
Нишонга тегмаган ўқдай,
Кафтимда дунё бор – гўё бир сиқим.
Шунча оломоннинг ичидан қўрқмай,
Юрагимни баланд кўтариб чиқдим.

Нима ҳам кўрдим мен бу дун ичинда,
Яшаб ҳам бўлдимми?
О, нақадар оз
Онт ичишим мумкин. Бари беҳуда
Фақат муҳаббатим муҳаббат, холос!

Хосият  РУСТАМОВА

https://t.me/dilgamaktublar
1.2k 0 19 2 14
Дилга мактублар!..

17 Nov, 07:27

Open in Telegram Share Report
ЗЕРИКИШ

Туйғуларни ақл билан танғиб юриш,
Яна қирқ йил бу дунёда санғиб юриш.
Малол келяпти менга...

Гулжамол Асқарова

https://t.me/dilgamaktublar
1.2k 0 12 3 15
Дилга мактублар!..

16 Nov, 23:32

Open in Telegram Share Report
Қарашлар.

Ҳиёбон четидаги ўриндиқдан ажойиб манзара кўринади: Ҳаммага дунёни гўзаллик қутқаришини уқтирмоқчидай, қийғос очилган лолалар.
Бу дунёда энг муҳими шиддат, куч эканини «айюҳаннос» солиб, ноъмалум тарафдан келиб, ноъмалум тарафга вақти бемаҳал ўтиб турувчи поезд. Ва баъзан гўдак қалбидек мусаффо, баъзан бағри хун беванинг кўз ёшидек ёмғирли осмон...
Шунданми, ҳиёбоннинг четидаги ўриндиқлар ҳамиша гавжум.
Ҳозир ҳам ўриндиқларда уч киши ўтирибди. Ҳаммаси ўз ҳаёли билан банд:
- бу поездда қандай бахтли инсонлар кетишябди экан? уларнинг манзили қаер экан?,- ўйлади ёш йигитча қўлидаги китобдан нигоҳини ўтаётган поездга қаратаркан.
-Бу лолаларни очилгандан кейин тақдири нима кечар экан, наҳотки баҳорда сўлиш бўлса бу гўзал гулларнинг битиги?!- ўйлади кўз ёшини кўзойнак ортида бекитишга уриниб аёл.
-Эҳ, яна ҳаво айниди, бу кеча ҳам зирқираб оғриб, жонимга азоб берар бўлдида бу..-дея, урушда ярмини «ташлаб» келган оёғини силаб қўйди мўйсафид.

И.Ҳасанов

https://t.me/dilgamaktublar
1.2k 0 1 1 10
Дилга мактублар!..

16 Nov, 22:24

Open in Telegram Share Report
Осень..
Прости меня осень,
Ты не старуха злая.
Просто,
Мне плохо очень...
Осень золотая....

https://t.me/dilgamaktublar да дилга яқин, ажойиб қўшиқ.
1.1k 0 6 4
Дилга мактублар!..

16 Nov, 21:56

Open in Telegram Share Report
* * *
Дарахтлар шамолни отиб ўйнайди,
Олов вужудини елпиб ётар боғ.
Соғинмачоқ ўйнар
хотирга қайтиб,
юрагим – юрагинг ортида вароқ...

Сатрлар югурди уфқнинг лабига,
Дераза – бўшлиқнинг тутқун кемшиги.
Мен чиқиб кетаман, овозим йиғиб,
Чайқалиб қолади сукут эшиги...

Излаганим эди бепоён оҳанг,
Куйлаганим эди осмоннинг ранги.
Фақат ёмғир бўлдим шеърга ҳамоҳанг,
Сенга юқмасин деб дунёнинг чанги.

Сўқмоқлар қалқиди қадамларимда,
Ернинг белбоғида арғимчоқ учдим.
Учдим,
учавердим,
кипригим – қанот,
Ниҳоят, кўзингга – осмонга тушдим...

Нозима Ҳабибуллаева

https://t.me/dilgamaktublar
1.1k 0 9 1 7
Дилга мактублар!..

16 Nov, 07:17

Open in Telegram Share Report
Жануб дея аталган кўча ,
 Акация гуллаган қийғос.
Лида деган ажойиб қизча ,
Шу кўчага жуда жуда хос.
У кўчадан чопиб ўтганда,
Деразадан кўринар акси.
Чиройли қиз,яхши қиз Лида!
Нимаси яхши экан?
Сўранг буни қўшни боладан
Ким дея бу Лида деган қиз
Шу ном билан ухлар у шодон
Шу ном билан уйғонар харгиз.
Ўша уйнинг остонасида
Катта қилиб ёзди у бир кун
ЧИРОЙЛИ ҚИЗ, ЯХШИ ҚИЗ ЛИДА
Ким дея бу Лида деган қиз?
Таъсир қилар ўтган-кетганга
Остонага ёзилган бу хат
Балки Пушкин шундай севгандир
Балки Гейне севгандир шундай
Катта бўлиб машхур бўлади
Ва бу ерни тарк этар бир кун
Бу кўчалар торлик қилади
Бундай юксак мухаббат учун
Йўқдир тўсиқ хеч бир севгига
Хижолат ва хуркиш - бу ёлгон
Куррамизнинг ҳар чоррахасига
Ёзиб қўяр унинг исмини
Олов билан жанубий қутбга
Буғдой билан Кубань чўлига
Гуллар билан Русь даласига
Кўпик билан денгиз бағрига
Тунда осмон сари интилиб
Бармоқларин олар куйдириб
Ва самода порлар шубхасиз
Лида деган янги бир юлдуз.

Ярослав Смеляков
Х.Мирзабдуллаев таржимаси

https://t.me/dilgamaktublar
1.1k 0 24 6 16
20 last posts shown.